JEREMIA 50:6 - BUKUIT NE TILIL

⁶ U bikyuk kechirek che betyotin: kiibeet mestowekwak ichek, kiimaas eng’ tulonok: kigoombeniot kong’eete tulwet ne o agoi ne ming’in, kigoutie oldanywa ole imuung’e.

Bukuit Ne Tilil

⁶ Uu piikyuk keechiirek che petyotiin: ki ibeet mestowekwak icheek, ki imaas eng' tuloonook: ki koombeniot kong'etee tulweet ne oo agoi ne ming'in, kigoutye oldanywa ole imuung'ee.

BUKUIT NE TILIIL Sireet ne Dutero Kanon

⁶ Uu piikyuk keechiirek che petyotiin: ki ibeet mestowekwak icheek, ki imaas eng' tuloonook: ki koombeniot kong'etee tulweet ne oo agoi ne ming'in, kigoutye oldanywa ole imuung'ee.

JEREMIA 50:6 ပူးပေါင်းရင်းမြစ်များ

TIENWOGIKAL 116:7

Iweekyige kamuung’eng’ung’, ee sobondanyu; Amu kagoyaun Jehovah eng’ aiyebindo.

TIENWOGIKAL 119:176

Kiabetote ko u kechiriet ne betot; cheng’ kiboitiondeng’ung’; Amu mautie ng’atutiguk.

TIENWOGIKAL 23:2

Kona arue ole mi suswek che nyalilen; Indoiywa awa ole mi beekab kalyet.

TIENWOGIKAL 32:7

Inye ko i oldanyu ole aung’ege; iriba inye si manyorua nyalilda; Iyiemena tienwogikab yetunet.

TIENWOGIKAL 90:1

Ee Kiptaiyat, kiiegu ole kimenye Eng’ ibinwek tugul.

TIENWOGIKAL 91:1

Inendet ne menyei ole ung’at ne bo Inendet ne Toror Mising’ Kotebe noto uruetab Inendet Ne bo Kamuktaet.

ISAIAH 1:3

Ingen eito chitab kobo, ak kongen sigiriet biutab kiptaiyandennyi: ago manaei Israel, amaibwati bikyuk.

ISAIAH 30:15

Amu komwa Kiptaiyat Jehovah, Inendet ne Tilil ne bo Israel, ko u ni kole, Kisoruok ye oweege ak omuuny; egu kimnateng’wong’ sisek ak kamang’unet: ago ma ocham.

ISAIAH 32:2

Ak egu chito ole kiung’ege eng’ usonet, ak eng’ usonet ne o; ko u ainosiekab beek eng’ ole yaamat, ko u uruetab ruandet ne o eng’ emetab ng’etatet.

ISAIAH 53:6

Ki u achek tugul kechirek che kigobetyo; kigosub age tugul eng’ achek orennyi; ak kigonde Jehovah inendet tengekwogikyok achek tugul.

JEREMIA 10:21

Amu kigoigei mestowek tiong’ik, amata koteepse Jehovah: mata konyor anyun kaberuret, ak kagiyesta kechirekwak tugul.

JEREMIA 13:16

Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

JEREMIA 2:20

Amu kiairi choging’ung’ eng’ betusiek che bo keny, ak ang’eti anoguk, ak kiimwa ile, Maotisiei, amu kiing’uruge eng’ tulwet age tugul ne koi ak eng’ ketit age tugul ne tuon, iyae kugoinatet.

JEREMIA 2:32

Tos imuchi chepto koutie tugukyik che bo lelesta, anan koutie mureret ngoroikyik? Ago kigoutiena bikyuk eng’ betusiek che maiitoksei.

JEREMIA 23:1

Bwa eng’ mestowek che ng’emei ak koyestoi kechirekab akwennyu! Mwaei Jehovah.

JEREMIA 3:23

Iman, kigeni buch toretet ne bunu tulonok, wasetab ge ne mi tulonok. Iman mi yetunetab Israel eng’ Jehovah Kamuktaindennyo.

JEREMIA 3:6

Kimwawa anyun Jehovah kogeny eng’ betusiekab Josia laitoriat kolenja, Tos kiigeer noto kiyai Israel ne kigogetyigei let? Kigotogosta tulwet age tugul ne koi, ak kwo kelutab ketit age tugul ne tuon, ak kiyai kugoinatet eng’ oloto.

JEREMIA 33:12

Mwaei Jehovah ne bo lugosiek ko u ni kole: Ta kobiitu kogeny eng’ olito ole karatia, ama mi chi, ama mi tiony, ak eng’ nganasokyik tugul, meng’otetab mestowek ak ole kerjin akwotisiek che bo kechirek.

JEREMIA 50:17

U Israel kechirek che kigoiyesta; kigoon ng’etunyik inendet: kisib koam inendet laitoriatab Asuria; ak eng’ let koiri kowekyik Nebukadresar, nito laitoriatab Babulon.

JEREMIA 50:19

Ak aweech Israel kogeny konyo ole agetye, ak koyagisie Karmel ak Basan, ak kobiyo sobondanyi eng’ tulonokab Epraim ak eng’ Gilead.

EZEKIEL 13:10

Ee, amu kigoberber bikyuk, kolenji, Kalyet; ama mi kalyet; ak ye teech chito inatut, ogeero, male tartarik che ma miachen:

EZEKIEL 34:14

Ayage ichek ole mi suswek che miach, ak kotebe biunywa tulonokab komoswek che tororen che bo Israel: ruitos eng’ oloto eng’ biut ne mie, ak koagete ole bitat eng’ tulonokab Israel.

EZEKIEL 34:15

Ane ne abae kechirekyuk, ak agochi koruiyo, mwaei Kiptaiyat Jehovah.

EZEKIEL 34:16

Acheng’e ne kibet, ak amutu kogeny ne kigion, ak arob ne kiil, ak agimit ne kimiani: ak abar ne nerat koboto ne kim: abae ichek kiruoget.

MATAYO 10:6

ago kaigai obe ole mi kechirek che betyotin che bo gotab Israel.

MATAYO 15:24

Ago kiwol kole, Kima kiyokwa kobate anyonji kechirek che lusyotin che bo gotab Israel.

MATAYO 9:36

Ago ye kingogeer tuiyosiek, koriregei ichek, amu ki nyerotin ak koiyestootin, ko u kechirek che matinyei mestowot.

1 PETERO 2:25

Amu kiobetooti ko u kechirek; ago kaoweekyigei Mestowot ak ko Ribindetab sobonwekwok.