JEREMIA 50:5 - BUKUIT NE TILIL

⁵ Teeboti agobo ole teptoi Sion kotokyigei oloto, kolen, Obwa, ak onamge ak Jehovah eng’ kayomiset ne bo koigeny ne magiutie.

Bukuit Ne Tilil

⁵ Teeboti agobo ole teptoi Zion kotokyigei olooto, koleen, Obwa, ak onamge ak Kamuktaindet ne Toroor eng' kayomiset ne po koigeny ne ma kiutye.

BUKUIT NE TILIIL Sireet ne Dutero Kanon

⁵ Teeboti agobo ole teptoi Zion kotokyigei olooto, koleen, Obwa, ak onamge ak Kamuktaindet ne Toroor eng' kayomiset ne po koigeny ne ma kiutye.

JEREMIA 50:5 ပူးပေါင်းရင်းမြစ်များ

TAUNET 17:7

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

2 SAMUEL 23:5

Ma u noto iman gonnyu eng’ Kamuktaindet; Ago kigoyomiswa kayomiset ne bo koigeny, Ne kigichob eng’ tuguk tugul, ak ko lumdaat: Amu noto ko yetunennyu tugul, ak ko magennyu tugul, Agot ngo mayai kotesak.

1 LAITORINIK 19:10

Ak kile, Kigoama ng’etkong’ mising’ agobo Jehovah, Kamuktaindetab lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok: ak kiang’etu, ane, anege; ak cheng’ei ichek sobondanyu kobar.

1 LAITORINIK 19:14

Ak kile, Kigoama ng’etkong’ mising’ agobo Jehovah, Kamuktaindet ne bo lugosiek; amu kigobagakta lagokab Israel kayomiseng’ung’, kobut kaptisisiosieguk, ak kobar maotiguk eng’ rotwetab chok; kiang’etu ane anege; ak cheng’ei ichek sobondanyu kobar.

TIENWOGIKAL 84:7

Bendi kong’eete kimnatet agoi kimnatet, Toogu age tugul eng’ taitab Kamuktaindet eng’ Sion.

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

ISAIAH 55:3

Oeb it, ak obwanja, ogas, si kosopcho sobonwekwok: ak kiyomisyige ak okwek kayomiset ne bo koigeny, noto rirenosiek che bo iman, che bo Daudi.

JEREMIA 3:18

Tun bendoti eng’ betusiechoto gotab Juda ak gotab Israel, ak kobwa tuwai komong’ eng’ emet ne bo murot ne bo katam, kobwa emet ne kiagochi kwanisiekwok kobunji.

JEREMIA 31:21

Lumjige kaborunoik che bo oret, yachige ketik che iboru oret: tokyi muguleldang’ung’ oret ne o, noto oret ne kiibune: weege kogeny, ee bergeiyatab Israel, weekyige nganasochuguk.

JEREMIA 31:6

Amu biitu betut ye ititendos ribik eng’ tulonok che bo Epraim, kole, Ong’eetye, kebe Sion oldab Jehovah Kamuktaindennyo.

JEREMIA 32:40

ak kiyomisige ak ichek kayomiset ne bo koigeny, ale matuktochini batai ichek ago ayachini ne mie; ak ande kaiyweisiennyu mugulelwekwak, si maistoenagei.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

EZEKIEL 16:61

Ibwat anyun ortinweguk, ak ililan, ye itaache chepkametwogiguk, che eechen ak che mengechen: ak agonin ichek koek tibiguk, ago ma eng’ kayomisutieng’ung’.

EZEKIEL 37:22

Ak ayai ichek koek bororiet agenge eng’ emet, eng’ tulonokab Israel: ak koek laitoriat agenge laitoriandenywa eng’ ichek tugul: ak ma koegu kogeny bororiosiek aeng’, ama kepchei ichek kogeny koek bounatosiek aeng’ agoi.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

HOSEA 6:1

Obwa, keweekyige Jehovah: amu kigogererech ak konyaech; kigobirech ak inyoech.

JOHANA 7:17

Ngo machei chi age tugul koyai magetab Jehovah, konai konetisioni, ngo bo Jehovah, anan ngamwae anege.

POISYONIGAP CHE KIYOKTOI 11:23

ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:

2 KORINTOEK 8:5

ak ma ko u ye kigimang’u, ago kisib kogochigei icheget Kiptaiyat, ak kigoneigei eng’ magetab Jehovah;