JEREMIA 50:4 - BUKUIT NE TILIL

⁴ Bwanei eng’ betusiechoto ak eng’ betunoto, lagokab Israel, icheget ak lagokab Juda, mwaei Jehovah; bendi koririoti, ak kocheng’oti Jehovah Kamuktaindenywa.

Bukuit Ne Tilil

⁴ Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.

BUKUIT NE TILIIL Sireet ne Dutero Kanon

⁴ Pwoonei eng' peetuusyechooto ak eng' peetuunooto, piigap Israel, icheeget ak lagogap Judah, mwaei Kamuktaindet ne Toroor; pendi koriiryoti, ak kocheeng'oti Kamuktaindet ne Toroor Kamuktaindennywa.

JEREMIA 50:4 ပူးပေါင်းရင်းမြစ်များ

2 ATEPTAP PEETUUSYEK 7:14

ngot koming’ingei bikyuk, che kemwaitoe kainennyu, ak kosa, ak kocheng’a, ak kolakta ortinwekwak che bo yaitiet; agas anyun eng’ kipsengwet, ak anyochi kaat eng’ tengektanywa, ak asoob emenywa.

TIENWOGIKAL 105:4

Ocheng’ Jehovah ak kimnatennyi; Ocheng’ togennyi kotugul.

ISAIAH 14:1

Amu rire Jehovah Jakobo, ak ta koleweni Israel, ak konde ichek emenywa: ak konamgei toondet agichek, ak konamgei ak gotab Jakobo.

ISAIAH 45:19

Tom ang’alal eng’ ung’ot, eng’ komostab emet ne bo mesundeito; ma alenji iyotetab Jakobo, Ocheng’a buch; amwae ane Jehovah imanda, amwae tuguk che litit.

ISAIAH 55:6

Ocheng’ Jehovah kota kimuchi kenyor, oguur kota ko negit:

ISAIAH 63:4

Amu kimi muguleldanyu betutab yaaktaetab mugetut, ak kagoit kenyitab chechuk che kitiachi.

JEREMIA 31:31

Ogeero, bwanei betusiek, mwaei Jehovah, che kiyomisige ak gotab Israel eng’ kayomiset ne leel, ak koboto gotab Juda;

JEREMIA 33:15

Agochini kobityi Daudi Temetab imanda eng’ betusiechoto ak eng’ betunoto; ak koruoch kiruoget ak imanda eng’ emet.

JEREMIA 41:6

Ak kiwa Ismael weritab Netania eng’ Mispa kotorokto ichek, koriroti eng’ oret kowendi: ak kingo kagotuiyo ak ichek kolenji, Obwa oldab Gedalia weritab Aikam.

EZEKIEL 16:61

Ibwat anyun ortinweguk, ak ililan, ye itaache chepkametwogiguk, che eechen ak che mengechen: ak agonin ichek koek tibiguk, ago ma eng’ kayomisutieng’ung’.

EZEKIEL 39:25

Mwaei anyun Kiptaiyat Jehovah ko u ni kole: Amutu kogeny che kigiluul che bo Jakobo, ak arire got komugul ne bo Israel; ak koama ng’etkong’ agobo kainennyu ne tilil.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

HOSEA 11:10

Bendoti ichek kosuboti Jehovah, ne boriseni ko u ng’etundo: amu boriseni inendet, ak kobwa lagok kobotanionu kobunu cherongo.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

HOSEA 6:1

Obwa, keweekyige Jehovah: amu kigogererech ak konyaech; kigobirech ak inyoech.

JOEL 2:12

Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

SEKARIA 12:10

Ak arong’ji tamirmirietab mieindo ak ne bo somet gotab Daudi, ak bik che menyei Jerusalem, ak konyala ichek che kitoora: ak kotee agobo inendet ko u ye iteei chi agobo werinnyi ne kigii inegeik ak konyo ng’wanindo agobo inendet, ko u inendet ne mi eng’ ng’wanindo agobo taitanyi.

JAKOBO 4:9

Onginyalilak, ak oarogense, ak oteeiye: ingowalak roriondeng’wong’ koek arogenet, ak koek boiboiyeng’wong’ nyigisindo.