JEREMIA 50:11 - BUKUIT NE TILIL

¹¹ Amu ogasige, amu oboiboi, ee okwek che obokyini borotennyu, amu ourerendosi ko u roriat ne tiechei bek, ak oteei ko u mbartanyisiek che kimen;

Bukuit Ne Tilil

¹¹ Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

BUKUIT NE TILIIL Sireet ne Dutero Kanon

¹¹ Amu ogasigei, amu oboiboi, ee okweek che opookyini porotennyu, amu ourerendosi ko uu rooryat ne tyechei peek, ak oteei ko uu paraisisyek che kiimeen;

JEREMIA 50:11 ပူးပေါင်းရင်းမြစ်များ

ISAIAH 47:6

Kianerekyi bikyuk, kiamuruon bortannyu, ak kiande ichek eung’ung’: ma irire agot kitigin; kiigesenji che kigoosegitu choging’ung’ ne nyigis mising’.

SEKARIA 14:12

Ak biitu koroitab ng’ony ne bire Jehovah bik tugul che kibargei ak Jerusalem: nundos borwekwak kota kotonondos, ak konunio konyekwak eng’ kelongonikwak, ak konunio ng’elyebwekwak eng’ kutuswekwak.

OBADIA 1:12

Ago amat igeer betutab ng’etab komet eng’ betutab tiritindanyi, amebaibaitu eng’ lagokab Juda eng’ betutab ng’emisienywa; anan ing’alal eng’ menotet eng’ betutab bichiindo.

AMOS 4:1

Ogas ng’olyondoni, okwek tugab Basan, che mitei tulwetab Samaria, che sastoe kibananok, che tiekyin ng’ony che matinyei kiy, che lenjin kiptainikwak, Oibu, kee.

HOSEA 10:11

Epraim ko roriat ne kiginet, ne chamei kobor bek; ago kiasiirte eng’ kaatinnyi ne kararan: aganapchini Epraim chito ne lanyei; ibatisiei Juda, birei Jakobo tindinyekyik.

RIREKAB JEREMIA 1:21

Kigogas ichek kole atigeni; mami chi ne igoigoa; Kigogas bunikyuk tugul agobo nyalildanyu; boiboi ichek amu kiiyai ko u noto: Tun iibu betut ne kiimwaite, si kegergeitu ak ichek.

JEREMIA 50:27

Obar kirugikyik tugul; ochoorte koba ole kieng’se: bwa ichek! Amu kagoit betunywa, betut ne ityin ichek biret.

JEREMIA 50:17

U Israel kechirek che kigoiyesta; kigoon ng’etunyik inendet: kisib koam inendet laitoriatab Asuria; ak eng’ let koiri kowekyik Nebukadresar, nito laitoriatab Babulon.

JEREMIA 46:21

U kogeny bikyik che kesirei che mi kwenunnyi moek che neriotin; amu kagoweeigei let agichek, kagomwei tugul, ma tononso: amu kanyonji ichek betutab nyalildanywa, betut ne kibirei.

JEREMIA 5:28

Kigonerio mising’, iluu: ee, siirtootin ichek eng’ boisionikab sogornatet: mairuochi, maibesiechin ne matinyei kwanda, si kobiit kiberur; ama iruoksechin komie che bonondos.

JEREMIA 5:8

Kiu ichek mbartanyisiek che kagobiyong’so karon: kiitei age tugul eng’ maget agobo osotiotab chitab kokwennyi.

KALEWANAIK 17:5

Age tugul ne chotei kibananiat kogerei kong’ Yaindennyi: Ama kimetoi ama kibir, inendet ne boiboitu ko kanyor alage nyalilda.

TIENWOGIKAL 22:12

Kagoyiema kirugik che chang’: Kagogiicha kirugik che koromen che bo Basan.

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

ISAIAH 47:8

Kas nito anyun, inye ne ichame ureriosiek, ne imeng’isiei, ameiiti kiy, ne imwae eng’ muguleldang’ung’ ile, Anendet, ama mi age kobatena; matebye ko u mosok, ama begunena lagok:

JEREMIA 12:14

Mwaei Jehovah ng’alechoto agobo bik tugul che yaach che bo kokwennyu, che twaei borotet ne kiagochi bikyuk Israel konam kobunji, ko u ni kole: Ogeero, atutu ichek eng’ emenywa, ak atutu gotab Juda komong’ eng’ kwenunywa.

JEREMIA 46:20

Roriat ne kararan mising’ Misri; ago kagonyo ng’emisiet ne bunu murot ne bo katam, kagonyo.

EZEKIEL 35:15

Ko u ye kiibaibaitune borotetab gotab Israel, amu kiguber, ayaun ko u noto: iguberi, ee, inye tulwetab Seir, ak Edom komugul, komosato tugul; si konai ichek kole a Jehovah.

EZEKIEL 36:5

mwaei anyun Kiptaiyat Jehovah ko u ni kole: Kiamwa iman eng’ matab ng’etkondanyu agobo bororiosiek che ng’etunotin, ak agobo Edom tugul, che kiityigei emennyu kole kobunji eng’ boiboiyetab mugulelwekwak tugul, eng’ koromnatetab sobondo, si kogoito keluul:

HABAKUK 1:15

Name ichek tugul katet ne u kombet, name ichek regereiywondennyi ne kiname njirenik, ak koyumji regereiywondennyi ne o: baibaitu anyun ak kogasgei.