JEREMIA 5:9 - BUKUIT NE TILIL

⁹ Tos manyone abire agobo tuguchuto? Mwaei Jehovah; ak tos mayaaktochinige mugetut eng’ bororiet ne u ni?

Bukuit Ne Tilil

⁹ Tos manyone abire agobo tuguuchuuto? Mwaei Kamuktaindet ne Toroor; ak tos mayaaktochinigei mugetuut eng' pororyet ne uu ni?

BUKUIT NE TILIIL Sireet ne Dutero Kanon

⁹ Tos manyone abire agobo tuguuchuuto? Mwaei Kamuktaindet ne Toroor; ak tos mayaaktochinigei mugetuut eng' pororyet ne uu ni?

JEREMIA 5:9 ပူးပေါင်းရင်းမြစ်များ

KALEWANAIK 6:29

U noto chito ne ibegei ak osotiotab chitab kokwennyi; Age tugul ne twaei inendet ko magibagaktoi buch.

ISAIAH 1:24

Mwaei anyun Kiptaiyat, Jehovah ne bo lugosiek, Inendet ne bo Kamuktaet ne bo Israel, kole, Haa, anyoru kagaigaet eng’ bunikyuk, ak ayoktochige mugetut eng’ bunikyuk:

ISAIAH 57:6

Mi kebebertang’ung’ koik che chaboen che bo atebwet; choto, choto ko kebebertang’ung’: kiirong’ji ichek kagochinet ne kieei, kiigochi kagochinet. Tos igoigoa tuguchuto?

JEREMIA 23:2

Mwaei anyun Jehovah, Kamuktaindetab Israel, ko u ni, agobo mestowek che baei bikyuk, kole, Kioiyeste akwennyu, ak oon, ama obe ogeer; ogeero, aitwok biret ne bo yaitietab boisionikwok, mwaei Jehovah.

JEREMIA 32:31

Amu kigoek eng’ ane nganasani tagisietab nereknatennyu ak ne bo neregekyuk che ng’wonen koboch betut ne kiteechei ichek agoi rani; kot aiste eng’ tainnyu,

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 5:10

Otogoste irimoikyik, ak ong’em; ago mong’em ogesu: oiste temenikyik: amu ma bo choto Jehovah.

JEREMIA 5:29

Tos manyone abire agobo tuguchuto? Mwaei Jehovah; tos mayaaktochinige mugetut eng’ bororiet ne u ni?

JEREMIA 6:11

Kanyiia anyun neregek che ng’wonen che bo Jehovah; kaang’et aranye: rong’ji neregechoto lagok che mi oret, koboto tuiyetab murenik: amu kimuti manong’otiot ak osotiot, ne kigoosit koboto ne negit kolil.

JEREMIA 6:6

Amu kagomwa Jehovah ne bo lugosiek ko u ni kole, Oluul, oeb ketik, ak owasyi ng’ung’unyek Jerusalem: nito ko nganaset ne kibirei; sastaet inegei ne mi kwenunnyi.

JEREMIA 9:8

Kipchabet ne barisiei ng’elyebwekwak; mwaei kaberberisiet: ng’alaljin chi chitab kokwennyi eng’ kalyet, ago sapchin eng’ muguleldanyi.

JEREMIA 9:9

Tos manyone abire ichek agobo tuguchu? Mwaei Jehovah: tos mayaaktachinige mugetut eng’ bororiet ne u ni?

RIREKAB JEREMIA 3:42

Kigibistoe ak kigingelelse; ma inyoiywech kaat.

RIREKAB JEREMIA 4:22

Kagosulda biretab tengektang’ung’, ee cheptab Sion; Ma komutin kogeny keluulin: Iityin inendet biret tengektang’ung’, ee cheptab Edom; Ng’anyei tengekwogiguk kotook.

EZEKIEL 7:9

Amarirenen kondanyu, ama rira mo: aibun ko u ortinweguk, ak kotebe kwenung’ung’ tuguguk che bo wechet; si onai ole a Jehovah ne abirisiei.

HOSEA 2:13

Ak aipchi inendet biret agobo betusiekab Baalik, che kobeeljin nyamdutik; ye kilelesanjinegei munaokyik koboto tugukyik che bo lelesta, ak kwo kosubot chamanikyik, ak koutiena, mwaei Jehovah.

HOSEA 8:13

Ye enyei ichek tiseiywekab kagochinoikyuk, kogoitoi banyek ak koamei; ago mataachei Jehovah choto: ibwati anyun inendet tengektanywa, ak koiityi biret amu tengekwogikwak; weekyingei Misri.

ATEPTAP LAWIK 18:25

ak kigomuruonit emet: ak aiityini tengekto amu noto, ak kiing’ung’da emet bikyik.

ATEPTAP LAWIK 26:25

Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.

NAHUM 1:2

Jehovah ko Kamuktaindet ne bo ng’etkonda ak koyaaktoi mugetut; yaaktoi Jehovah mugetut, ak ko neregat; yaakyin Jehovah mugetut bunikyik, ak kogonorjin bunikyik neregek.

NG'ATUTIK 32:35

Nenyu mugetut, ak kageeret, Eng’ betut ne kagochabaita kelyekwak: Amu karik betutab nyalildanywa, Ak chogu tuguk che bwanjin ichek.

NG'ATUTIK 32:43

Oboiboitu, okwek bororiosiek, koboto bikyik: Amu yaaktoi mugetut che bo korotikab otwogikyik, Yaakyin mugetut bunikyik, Ak koyai kagaigaet agobo emennyi, ak bikyik.