JEREMIA 5:7 - BUKUIT NE TILIL

⁷ Amuktoi ano anyoun kaat? Kigometa lagoguk, ak kigiyosio agobo kanamonik che ma cheptalelisiek: kingo kaabai kobiyong’so, koyai ibetab ge, ak koyumjinotgei gorikab chepkugonik.

Bukuit Ne Tilil

⁷ Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

BUKUIT NE TILIIL Sireet ne Dutero Kanon

⁷ Amuktoi ano anyoun kaat? Ki kometa lagoguk, ak ki koyosyo agobo kanamonik che ma kamuktaik. Kingo kaabai kobiyong'so, koyai ibeetapkei ak koyumjinotkei kooriigap chepkugonik.

JEREMIA 5:7 ပူးပေါင်းရင်းမြစ်များ

2 ATEPTAP PEETUUSYEK 13:9

Ma oonu tisiikab Jehovah, werikab Aron, ak Lawik, ak olewenjige tisiik, osubi bitonwekab bikab emotinwek alak? Si age tugul ne nyonei koanyinyegei kirgit ak mengichik tisab, koegu noto tisiindetab tuguk che matilei kiy.

Kitabuutap JOB 31:12

Amu noto ko mat ne igesu agoi Ng’emisiet, Ak kotut ruratennyu tugul.

TIENWOGIKAL 50:18

Ye kiigeer chorindet, ochamnyechi tuwai, Ak itinye yamdaet ak che ibegei.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

JEREMIA 13:27

Kiageer tuguguk che kiwechei, ibetab ge neng’ung’, ak kateeng’ung’ ne bo maget, tengektab kugoinateng’ung’, eng’ tulonok che mi kewanin. Bwa eng’ inye, ee Jerusalem! Memache itililitu; yaoksei nito kot kotianit?

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

JEREMIA 16:20

Tos yachingei chito kanamonik, che ma cheptalelisiek?

JEREMIA 2:11

Tos kigowal bororiet kanamonikwak agot ngo ma cheptalelisiek? Ago kigowal bikyuk torornatenywa agobo kit ne magonu kelunet.

JEREMIA 2:31

Ee ibini, ogeer ng’olyotab Jehovah. Tos kiaegu emetab mesundeito ne o? Amu nee anyun si komwa bikyuk kole, Kigitiachech; ma kebwane kogeny ole imi?

JEREMIA 23:10

Amu nyiitat emet bik che yaei ibetab ge; amu rirei emet amu kayosiet; kigoyaam ole agete akwotisiek eng’ ong’atet; ya bandanywa, ak ma bo iman kimnatenywa.

JEREMIA 3:19

Ago kiale, Amuktoi ano andein otebi ak lagok, ak agonin emet ne kararan, borotet ne mie ne bo lugosiekab bororiosiek? Ak kiale, Oguurena Baba; ama omastoi ometa.

JEREMIA 3:8

Ak kiageer agobo ng’olyondonito, ye kingo kagoyai Israel ne kiga kogetyigei let, ibetab ge, ko kiaon inendet ak agochi baruetab besiet, ago ma iyweis Juda chepkamennyi kaberberindet; ago kiwa agine koyai kugoinatet.

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

JEREMIA 9:1

Kata mie nda ka beek kityo metinnyu, kondametutab beekab kong’ konyekyuk, si kobiit arir bet ak kemoi agobo che kigibar che bo cheptab bikyuk!

JEREMIA 9:2

Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

RIREKAB JEREMIA 3:42

Kigibistoe ak kigingelelse; ma inyoiywech kaat.

EZEKIEL 22:11

Ak kigoyai age kit ne kiwechei koboto osotiotab chitab kokwennyi, koyai age yaitiet kong’wanit osotiotab werinnyi; ak kigosuub age chepkamet, cheptab kwandanyi, eng’ inye.

HOSEA 11:8

Amuktoi ano ameten, inye Epraim? Amuktoi ano asorun, inye Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira mo.

HOSEA 13:6

Kibiyong’so ko u kit ne ki u ole kiagete; kibiyong’so, ak kiitororgei eng’ mugulelwekwak: kigoutiena anyun.

HOSEA 4:2

Mami kit age kobate chubisiet ak lembechek, ak rumisiet, ak chorset, ak ibetab ge; tesoksei, ak isubegei rumisiet.

HOSEA 7:4

Ichek tugul ko bik che yaei ibetab ge; u kapkoima ole ilaali beelindetab makatinik; maiyuokyin mat koboch kokwanykwanyi makatiat agoi koguut.

ATEPTAP LAWIK 20:10

Chito ne ibegei ak osotiotab chito age, agot ne ibegei ak osotiotab chitab kokwennyi, kibarei iman chichoto ak osotiondonoto.

AMOS 8:14

Icheget che iyostos eng’ tengektab Samaria, kole, Ee Dan, ko u ye sobei Kamuktaindeng’ung’; ak ko u ye sobei oretab Beer-seba; ibutos choto agichek, amagoi ng’eetyo kogeny.

SEPANIA 1:5

ak ichek che ilosu tuguk tugul che bo kipsengwet, eng’ gorik barak; koboto icheget che ilosu, che iyosiechin Jehovah, ak koyostos eng’ kainetab Malkam;

MALAKI 3:5

Ak arikyok eng’ kiruoget, ak aegu baoriat ne chepcheb agobo bonik, ak agobo che ibegei, ak agobo bik che iyostos eng’ lembechek; ak agobo ichek che sastoe otwogindet ne kisirei eng’ melektanyi, che sastoe mosok, ak ne matinyei kwanda, ak ne imaasi toondet, amaiywea, mwaei Jehovah ne bo lugosiek.

1 KORINTOEK 6:9

Anan mongen ole matun nyoru icheget che ma bo iman bounatetab Jehovah? Amat kiberberak: mami eng’ che soksei, anan che saei kanamonik, anan che kibegei, anan chemulkwonyinik, anan chemogorgoinik,

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

GALATYEK 4:8

Ago eng’ betunoto, kima ongen Jehovah, ko kio otwogikab icheget che kima ko cheptalelisiek che ma bo iman:

NG'ATUTIK 32:15

Ago kiner Jesurun, ak kotiaris: Kainer, kainyigisitu, kaiakwaitu: Kibagakta anyun Kamuktaindet ne kiyai inendet, Ak kosas Ruandetab yetunennyi.

NG'ATUTIK 32:21

Kigona ng’etkonda eng’ noto ne ma Kamuktaindet; Kitacha eng’ tangoitanywa: Ak agochi ichek ng’etkonda eng’ che ma bororiet; Atache ichek eng’ bororiet ne abusat.

HEBRANIK 13:4

Ingogonyit tugul katunisiet, amat koek itogut ne tinyei simdo: amu tun iruokyin Jehovah che soksei ak che ibegei.

JAKOBO 4:4

Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

JOSHUA 23:7

si mobe kwenutab bororiosiechu, chuto kong’et eng’ kwenung’wong’; anan omwa kainaikab kanamonikwak, anan oyosie eng’ ichek, anan oot, anan ogutung’ji: