JEREMIA 5:31 - BUKUIT NE TILIL

³¹ Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

Bukuit Ne Tilil

³¹ Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

BUKUIT NE TILIIL Sireet ne Dutero Kanon

³¹ Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

JEREMIA 5:31 ပူးပေါင်းရင်းမြစ်များ

1 LAITORINIK 22:6

Koyum anyun laitoriatab Israel maotik, olo bo bik bogol ang’wan, ak kolenji ichek, Awe kebarge ak Ramot-Gilead, anan atebi? Ak kilenji, Togoste; amu indoi Kiptaiyat eutab laitoriat.

KALEWANAIK 17:4

Epchin it chito ne yamei yaitiet, kutuswekab kiptengeginik; Epchin it kiplembechwet ng’elyepta ne ng’alsei.

ISAIAH 10:3

Ak oyae nee eng’ betut ne ityinok bireng’wong’, ak eng’ ng’emisiet ne bunu ole loo? Omwechini ng’o kotoretok? Ak ondoi ano torornateng’wong’?

ISAIAH 20:6

Ak tun mwaei eng’ betunoto ne menyei emoni bo ngegut, kole, Ogeero, nito ko kamang’unennyo, ne kigimwachi agobo toretet si kesoruech eng’ laitoriatab Asuria: ak achek anyun, kechilildoi ano?

ISAIAH 33:14

Iyweisiei kiptengeginik che mi Sion; kigonam botanet che maiywei Kamuktaindet: Ng’o eng’ achek ne imuchi komeng’is ak mat ne igesu? Ng’o eng’ achek ne imuchi komeng’is ak mat ne lalei koigeny?

ISAIAH 43:27

Kiyai tengekto kwandang’ung’ ne bo tai, ak kiingelelja kaletoiguk.

ISAIAH 47:7

Ak kiimwa ile, Aegu chebioset agoi; kot ko mata inde tuguchuto muguleldang’ung’, amata ibwat kagesunenywa.

JEREMIA 12:4

Iteei emet kot kotianit, ak korestos sogekab emet komugul? Amu sogornatetab bik che menyei oloto, kigiges anyun, kigobek tiong’ik, ak taritik; amu kile ichek, Mageerei inendet kagesunennyo.

JEREMIA 14:14

Kilenja anyun Jehovah, Maoteni maotik lembechek eng’ kainennyu: ma ayokte ichek, ama ang’at ichek, anan ang’alalji: maotenwok ng’ang’utiet ne bo lembech, koboto ng’orset, ak kit ne bo buch, ak kaberberisietab mugulelwekwak.

JEREMIA 26:7

Ak kigasei tisiik ak maotik ak bik tugul komwaei Jeremia ng’alechuto eng’ gotab Jehovah.

RIREKAB JEREMIA 1:9

Kimi simdanyi ngoroikyik; ma ibwat kagesunennyi ne bo let; Katururgei anyun eng’ kwong’et; matinyei kagaigaindet: Keero, ee Jehovah, nyalildanyu; amu kogotororgei bunyot.

RIREKAB JEREMIA 2:14

Kigogeer maotiguk ng’ang’utik agobo inye che bo tangoita ak berberindo; Ak tom kong’any tengektang’ung’, kotook, si koweechin kogeny eng’ ole kigiluuljin: Ago kigogeer agobo inye lautik che bo buch ak ng’alek che bo onset.

RIREKAB JEREMIA 4:13

Kibiit ko u nito amu tengekwogikab maotikyik, ak yaitwogikab tisiikyik, Che kitumda korotikab bik che bo iman eng’ kwenunnyi.

RIREKAB JEREMIA 4:18

Sapchin kakwautikyok, kot ko magimuchi kebe eng’ ortinwekyok: Karik kagesunennyo, kagoyam betusiekyok; amu kait kagesunennyo.

EZEKIEL 13:10

Ee, amu kigoberber bikyuk, kolenji, Kalyet; ama mi kalyet; ak ye teech chito inatut, ogeero, male tartarik che ma miachen:

EZEKIEL 13:6

Kigogeer ichek tangoita ak ng’orset ne bo lembech, che mwaei kole, Kale Jehovah; ama iyokte Jehovah: ak kogochi bik komang’ kole kigimiti ng’olyot.

EZEKIEL 22:14

Tos imuchi komuita muguleldang’ung’, anan kogimegitu euneguk, eng’ betusiek che agerin kong? Kamwae ane Jehovah ng’olyondonito, ak ayae.

HOSEA 4:9

Ak kit ne u eng’ bik, ko u noto eng’ tisiindet: ak abire ichek amu ortinwekwak, ak ayaakyi boisionikwak.

HOSEA 6:10

Kiageer kit ne samis eng’ gotab Israel: mi kugoinatet, Epraim: kiging’wanit Israel.

HOSEA 9:5

Tos oyae nee eng’ betutab tuiyet ne kiging’at, ak eng’ betutab igortab Jehovah?

MIKAH 2:11

Ngot komwa lembech chito ne wendoti eng’ usonet ak lembechek, kole, Amaotenun agobo divaik ak maiyek; koegu inendet maotiotab bichu.

MIKAH 2:6

Mwaei ichek kole, Amomaoten. Mamaotenjin ichek chuto: mabetos chotisiosiek.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

SEPANIA 3:4

Bik che tangusen ak koberberisiei maotikyik: kigomuruon tisiikyik ole tilil, kigong’em ng’atutik.

NG'ATUTIK 32:20

Ak kile, Aung’e togennyu, Ageere ole teptoi kagesunenywa: Amu ichek ibinda ne imaasat mising’. Lagok che matinyei kayanet.

NG'ATUTIK 32:29

Nda ka ng’omen, ta konaei nito, Ak kobwat kagesunenywa!