JEREMIA 5:24 - BUKUIT NE TILIL

²⁴ Ama mwaei eng’ mugulelwekwak kole, Ongiywei anyun Jehovah Kamuktaindennyo, ne konu ropta, ne bo tai ak ne bo let, eng’ betusiekyik; ne ribwech wigisiek che kiging’at che bo kesisiet.

Bukuit Ne Tilil

²⁴ Ama mwaei eng' mugulelwekwak koleen, ongiywei Kamuktaindet ne Toroor Kamuktaindennyo, ne koonu ropta ne po tai ak ne po let eng' peetuusyekyik, ineendet ne riibwech wigisyek che ki king'at che po kesisyet.

BUKUIT NE TILIIL Sireet ne Dutero Kanon

²⁴ Ama mwaei eng' mugulelwekwak koleen, ongiywei Kamuktaindet ne Toroor Kamuktaindennyo, ne koonu ropta ne po tai ak ne po let eng' peetuusyekyik, ineendet ne riibwech wigisyek che ki king'at che po kesisyet.

JEREMIA 5:24 ပူးပေါင်းရင်းမြစ်များ

TAUNET 8:22

Kota komi ng’ony ko mabegu kolset ak kesisiet, kaititiet ak kiptoret, kemeut ak iwot, bet ak kemoi.

1 LAITORINIK 17:1

Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.

Kitabuutap JOB 29:23

Ak kiigena ko u ye igeni ropta; Ak kiiseng’eng’so mising’ ko u ye igeni ropta ne bo let.

Kitabuutap JOB 38:37

Ng’o ne imuchi koiit bolik eng’ ng’omnatet? Ng’o ne tumu chuboinikab kipsengwet,

Kitabuutap JOB 5:10

Ne igochin ng’ony ropta, Ak koyokyin beek mbarenik:

TIENWOGIKAL 147:8

Ne tuge bolik kipsengwet, Ne chopchin ropta ng’ony, Ne ibiti suswek eng’ tulonok.

TIENWOGIKAL 65:9

Irutochini ng’ony, ak inagi beek, Ak iakwai mising’; Nyiitat beek ainetab Kamuktaindet: Ichopchini bik bek, ko kaichob ng’ony.

ISAIAH 64:7

Ama mi ne kuurei kaineng’ung’, ne igiilegei si kobiit konamin: amu kiiung’enech togeng’ung’, ak kiigeswech amu tengekwogikyok.

JEREMIA 10:13

Ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony; yachin ropta kalyelosiek, imoong’u usonet eng’ ole kigigonore.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 3:3

Kigeger anyun ropta amu noto, si mata kobiit ropta ne bo let; ago itinye togetab chepkugoniot, ak iesioi ililan.

JEREMIA 5:22

Tos moiywea? Mwaei Jehovah: tos mobotandosi eng’ tainnyu, ane ne kiande ng’aniek koek kiwotetab nyanjet, eng’ ng’atutiet ne tebyei agoi, ne maimuchi nyanjet kosiir? Ak agot ngo mildoegei beek mising’, ko maimuchi kotil kiy; agot ngo moror, ko maimuchi kosiir.

JEREMIA 50:5

Teeboti agobo ole teptoi Sion kotokyigei oloto, kolen, Obwa, ak onamge ak Jehovah eng’ kayomiset ne bo koigeny ne magiutie.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

HOSEA 6:1

Obwa, keweekyige Jehovah: amu kigogererech ak konyaech; kigobirech ak inyoech.

JOEL 2:23

Ogasge anyun, okwek lagokab Sion, ak oboiboitu eng’ Jehovah Kamuktaindeng’wong’: amu konok ropta ne bo tai ko u ye nyolu, ak konu ropta korobonjok, ropta ne bo tai ak ne bo let, ko u eng’ tai.

AMOS 4:7

Ak kiaetenak kogeny ropta, ye kitomo arawek somogu si koit kesisiet: ak kiagochi korobonji nganaset age, ak aeete ropta nganaset age: kirobonji komosta ne ming’in, ak kiyaam komosta ne ma robonji.

SEKARIA 10:1

Osom Jehovah ropta eng’ betusiek che bo ropta ne bo let, Jehovah ne yaei kalyelosiek; si kogochi ichek ropta ne inesi, ak kogochi chi age tugul suswek eng’ emet.

MATAYO 5:45

si oegu werikab Kwandang’wong’ ne mi kipsengwet; amu igochin asistanyi kochorji che yaach ak che miach, ak iyokyin ropta che bo imanda ak che ma bo imanda.

POISYONIGAP CHE KIYOKTOI 14:17

Ago kima tebi buch inendet ama tinyei baoria, amu kiyai ne mie, ak kogonok ropta ne bunu kipsengwet ak betusiekab ruratet, kogochin kobiyong’so mugulelwekwok eng’ amitwogik ak kagasetab ge.

NG'ATUTIK 28:12

Yatun Jehovah konoruennyi ne kararan noto ko kipsengwet korobonji emeng’ung’ eng’ betusiekyik, ak koberur boisionik tugul che bo euneguk: ak ibesendochi bororiosiek che chang’, ago mebeseni.

JAKOBO 5:7

Omuite anyun, che kitupche, kot koit nyonunetab Kiptaiyat. Ogeero, igeni chitab kobo mbaret logoek che miachen che bo ng’ony, ak komuitoi agobo choto, kot konyor ropta ne bo tai ak ne bo let.

NG'ANG'UTYET 11:6

Tinyei chuto kimnatet koger kipsengwet, si marobon eng’ betusiekab maoinatenywa: ak kotinyei kimnatet kowal beek koek korotik, ak kobir ng’ony eng’ koroita age tugul, kotugul ko u ye machei.