JEREMIA 5:22 - BUKUIT NE TILIL

²² Tos moiywea? Mwaei Jehovah: tos mobotandosi eng’ tainnyu, ane ne kiande ng’aniek koek kiwotetab nyanjet, eng’ ng’atutiet ne tebyei agoi, ne maimuchi nyanjet kosiir? Ak agot ngo mildoegei beek mising’, ko maimuchi kotil kiy; agot ngo moror, ko maimuchi kosiir.

Bukuit Ne Tilil

²² Amu nee asi moiywea? Mwaei Kamuktaindet ne Toroor. Amu nee si mobotandosi eng' tainnyu? Tos ma anee ne ki ande ng'aniek koek kiwotetap nyanjet, eng' ng'atuutyet ne tebyei agoi ne ma imuuchi nyanjet kosiir? Nganda mildoegei peek miising', koma imuuchi kotil kiy, agot ngo moror, koma imuuchi kosiir.

BUKUIT NE TILIIL Sireet ne Dutero Kanon

²² Amu nee asi moiywea? Mwaei Kamuktaindet ne Toroor. Amu nee si mobotandosi eng' tainnyu? Tos ma anee ne ki ande ng'aniek koek kiwotetap nyanjet, eng' ng'atuutyet ne tebyei agoi ne ma imuuchi nyanjet kosiir? Nganda mildoegei peek miising', koma imuuchi kotil kiy, agot ngo moror, koma imuuchi kosiir.

JEREMIA 5:22 ပူးပေါင်းရင်းမြစ်များ

TAUNET 1:9

Ak kimwa Kamuktaindet kole, Ingoyumjigei beek yeto agenge che mi kureretab kipsengwetisiek, ak ingotook emet ne mami beek; ak kiyaak ko u noto.

1 LAITORINIK 13:28

Kiwa anyun ak konyor mustanyi ko kagiwirji oret, ak sigiriet ak ng’etundo kotonondos eng’ ye negite musto: ma am ng’etundo musto, anan kobar sigiriet.

Kitabuutap JOB 26:10

Kiinde kiwotet koyiem nyanjosiek, Kiinde ole pcheegei lapkeiyet ak mesundeito.

Kitabuutap JOB 37:24

Iywei anyun bik inendet: Matiytii age tugul ne ng’om eng’ muguleldo.

Kitabuutap JOB 38:8

Anan ng’o ne kigere nyanjet kurgotik, Ye kimaran, ko u che bunu moet;

TIENWOGIKAL 104:9

Kiinde kiwotet si masiir; Si maweek kogeny kotuch ng’ony.

TIENWOGIKAL 119:120

Botani bortanyu amu aiywein; Ak aiywei kiruogutiguk.

TIENWOGIKAL 33:7

Iyumi beekab nyanjet koigei tulwo: Ak konore rirosiek chogenik.

TIENWOGIKAL 46:3

Agot ngo tulei beekwak ak kowasegei, Agot ngo botanso tulonok amu menotenywa.

TIENWOGIKAL 99:1

Laitorani Jehovah; ingobotanso bik: Tebe inendet baragutab kerubik; ingobotan ng’ony.

KALEWANAIK 8:29

Ye kiinde nyanjet kiwotennyi, Si masiir beek ng’atutiennyi: Ye king’at lumeiywekab ng’ony:

ISAIAH 50:2

Kilya si mabiit chi ye kianyone? Kingaguurse ko ma biit chi ne wolu? Tos kigonwagit eunnyu kot ko maimuch kotiach? Anan matinyei kamuget ne asorune? Keero, atenyi nyanjet eng’ kergong’iennyu, ayae ainosiek koek ong’atet: boldos njirenikwak, ak kobek eng’ melelda, amu mami beek.

ISAIAH 64:2

ko u ye beelei mat sigorik, ak ko u ye iguuti mat beek: si kibarta kaineng’ung’ konaak eng’ buniguk, si kobotanso bororiosiek eng’ taing’ung’!

ISAIAH 66:5

Ogas ng’olyotab Jehovah, okwek che obotandosi amu ng’olyondennyi: Kigomwa che otupche icheget che wechok, che kitimdak agobo kainennyu, kole, Ingitoror Jehovah, si kobiit kegeer boiboiyeng’wong’; ago ililandos.

JEREMIA 10:7

Ng’o ne maiywein, ee Laitoriatab bororiosiek? Amu nyoljinin nito: amu mami ne u inye eng’ bik tugul che ng’omen che bo bororiosiek, ak eng’ bounatosiekwak tugul.

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 31:35

Mwaei Jehovah, ne konu asista koek lapkeiyet bet, ak ng’atutik che kiging’at agobo arawet ak kecheik si koek lapkeiyet kemoi, ne wasei nyanjet, kot komoror mildaennyi ne bo ge; kainennyi ko Jehovah ne bo lugosiek, mwaei ko u ni kole:

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

AMOS 4:12

Ayaun ko u noto anyun, ee Israel: ak amu ayaun anyun ko u nito, choboge anyun otuiye ak Kamuktaindeng’ung’, ee Israel.

AMOS 9:6

Inendet ne teechei gorikyik eng’ kipsengwat, ne teechei yiemutiennyi eng’ baragutab ng’ony; inendet ne kuurei nyanjet ak korong’ji ng’ony; Jehovah kainennyi.

JONAH 1:16

Koiywei anyun bichoto Jehovah mising’; ak koeng’ji Jehovah tiseiywot, ak koyosio.

NAHUM 1:4

Kere kong’ nyanjet, ak koyaami, ak kotenyi ainosiek tugul: nyaluli Basan, ak Karmel, ak kores taptetab Lebanon.

MATAYO 10:28

Amoiywei ichek che barei borto, ago maimuchi kobar sobondo: ago kaigai oiywei inendet ne imuchi kong’em sobondo koboto borto eng’ Gehenna.

MARIKO 4:39

Kong’eet anyun, ak koger kong’ usonet, ak kolenji araraita, Imutyon, sis. Kisis anyun usonet, ak komung’do anyun mising’.

LUKA 12:5

Ago ateeiywok si onai inendet ne kanyol oiywei: Oiywei inendet, ne ngo kagobar komuchi kowirji Gehenna; ee, amwawok ale, Oiywei inendet.

NG'ATUTIK 28:58

Ngo merib iyai ng’alek tugul che bo ng’atutioni che kigisirji bukuini, si kobiit igonyit kainani bo teegisto, kainet ne kiywei JEHOVAH KAMUKTAINDENG’UNG’;

NG'ANG'UTYET 15:4

Ng’o ne maiywei kaineng’ung’, ak kotorori, ee Kiptaiyat? Amu i tilil inyege; amu bwanei bororiosiek tugul kogutung’so eng’ taing’ung’; amu kagong’ang’ak boisioniguk che bo imanda.