JEREMIA 5:17 - BUKUIT NE TILIL

¹⁷ Ak koam beguk, ak amitwogiguk, che kita nyoljin koam weriguk ak tibiguk: ak koam ichek kechireguk ak akwotisieguk: amei ketiguk che bo sabibuk ak mogooniguk: ak kobut eng’ rotwetab chok nganasoguk che ng’ototin, che imang’u.

Bukuit Ne Tilil

¹⁷ Amei `icheek peekwok ak amitwogikwok, amei kowong'u weeriiguk ak tiibiiguk; amei `icheek keechiireguk ak akwotisyeguk, amei keetiiguk che po sabibuk ak mogooniguk. Eng' rotwetap chok kobutei nganasook che ng'ootaatiin chooto imang'u.”

BUKUIT NE TILIIL Sireet ne Dutero Kanon

¹⁷ Amei `icheek peekwok ak amitwogikwok, amei kowong'u weeriiguk ak tiibiiguk; amei `icheek keechiireguk ak akwotisyeguk, amei keetiiguk che po sabibuk ak mogooniguk. Eng' rotwetap chok kobutei nganasook che ng'ootaatiin chooto imang'u.”

JEREMIA 5:17 ပူးပေါင်းရင်းမြစ်များ

ISAIAH 62:8

Kigoyosio Jehovah eng’ eunnyi ne bo tai, ak eng’ eutab kimnatennyi, kole, Iman, ma agoitoi beguk koek amitwogikab buniguk; ama koee toek divaiguk, che kiiyai:

ISAIAH 62:9

ago amei ichek che kigonori, ak kolos Jehovah; ak koee ichek che kiyumi, eng’ seremusiekab oldanyu ne tilil.

ISAIAH 65:22

Mateeksei ichek, si konyo komeny age; ama minsei ichek, si konyo koam age: amu igeitu betusiekab ketit betusiekab bikyuk, ak koboiboitune chechuk che kialewen, boisionikab eunekwak.

JEREMIA 1:15

Keero, aguure ortinwek tugul che bo bounatosiekab murot ne bo katam, mwaei Jehovah; ak kobwa, ak konde age tugul ng’echerennyi ne bo laitornatet ye kimandoe eng’ ormarichokab Jerusalem, ak kotokyigei irimoikyik tugul, ak kotokyigei nganasok tugul che bo Juda.

JEREMIA 25:37

Ak kosisyo biusiek che bo kalyet amu neregek che koromen che bo Jehovah.

JEREMIA 4:26

Kiageer, ak ogeero, kiek ong’atet mbaret ne kirurei, ak kiga kiluul nganasokyik eng’ taitab Jehovah, ak eng’ taitab neregekyik che ng’wonen.

JEREMIA 4:7

Kamong’ ng’etundo eng’ sondinnyi, ne ng’emindetab bororiosiek, mi oret, kagomong’ eng’ oldanyi; si kobiit koyai emeng’ung’ koguber, ak koek nganasoguk karatia, ama komenyei chi.

JEREMIA 5:18

Ago mwaei Jehovah kole, Agot eng’ betusiechoto, ko mageswok.

JEREMIA 50:17

U Israel kechirek che kigoiyesta; kigoon ng’etunyik inendet: kisib koam inendet laitoriatab Asuria; ak eng’ let koiri kowekyik Nebukadresar, nito laitoriatab Babulon.

JEREMIA 50:7

Kigoam ichek bik tugul che kinyor ichek: ak kimwa bunikwak kole, Ma kilel, amu kigoyachi ichek tengekto Jehovah, meng’otetab imanda, Jehovah ne kamang’unetab kwanisiekwak.

JEREMIA 8:13

Agesu ichek, mwaei Jehovah: mang’etu sabibuk eng’ ketik, ama ng’etu logoek eng’ mogoonik ak koresyo sogek; ak kobetyo eng’ ichek tuguk che kigagochi.

JEREMIA 8:16

Kigasei eng’ Dan waagatab serunekab mbartanyisiekyik: botani emet komugul amu cheetab kateetab chechik che kimen; amu kagobwa, ak kagoam emet koboto tuguk tugul che kami; nganaset koboto che menyei orit.

RIREKAB JEREMIA 2:12

Teebe ichek kametwagikwak kolenjin, Mi ano bek ak divaik? Ye katanuiso ko u che kagiguoten eng’ ortinwekab nganaset, Ye karong’jigei sobonwekwak tegetikab kametwagikwak.

RIREKAB JEREMIA 2:2

Kigolugui Kiptaiyat meng’otosiek tugul che bo Jakobo, ama rire; Kigobut eng’ neregekyik irimoikab cheptab Juda; Kigoturur ichek kobwa ng’ony: Kigong’wanit bounatet ak bounikyik.

EZEKIEL 36:4

ogas anyun ng’olyotab Kiptaiyat Jehovah, okwek tulonokab Israel; Mwachin Kiptaiyat Jehovah tulonok che eechen ak che mengechen, koboto kererusiek, ak atebwosiek ak komoswek che karatwek ak nganasok che kigemeto, che kigoek luulenik ak che rorechin bororiosiek che ng’etunotin eng’ komoswek tugul:

HOSEA 2:12

Ak ang’em ketikyik che bo sabibuk, ak mogoonikyik, che kigomwa kole, Chu ko tuguk che kialena chamanikyuk: ak ayai tuguchoto koek osnet, ak koam tiong’ikab timin.

HOSEA 8:14

Amu kigoutie Israel Yaindennyi, ak koteech gorikab laitorinik; ak kigotes Juda nganasok che ng’ototin: ago ayokyini mat nganasokyik, ak kobeel irimoikyik.

JOEL 2:3

Amisiei mat eng’ tainywa; ak lalei liblibenetab mat eng’ let: u emet mbaretab Eden eng’ tainywa, ak kagoek ong’atet kityo ole bo let; ee, ma biit ne kachilile ichek.

ATEPTAP LAWIK 26:16

ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.

SEPANIA 3:6

Kiabar bororiosiek; kigong’emogis irimoikwak che tororen; kiabut ortinwekwak kot ko ma kobunei chi: kigong’emogis nganasokwak, kot ko ma komi chi, kot ko ma komi chi ne menyei.

MALAKI 1:4

Amu mwaei Edom kole, Kigiterterech, ago kiweeksei ak keteech komoswek che kigoek karatwek; mwaei Jehovah ne bo lugosiek ko u ni kole, Tun teechei ichek ago abute: ak koguure bik ichek, Kiwotetab yaitiet, ak koguure, Bik che ting’e Jehovah neregek koigeny.

NG'ATUTIK 28:33

Amei bororiet ne mengen logoekab emeng’ung’, ak boisioniguk tugul; kinyalilin ak ketiekyinin ng’ony kotugul: