JEREMIA 5:12 - BUKUIT NE TILIL

¹² Kigotiiyo bichoto Jehovah, ak kole, Ma inendet; ama ityinech yaitiet; ama kigeere rotwetab chok anan rubet:

Bukuit Ne Tilil

¹² Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.”

BUKUIT NE TILIIL Sireet ne Dutero Kanon

¹² Ki komwa lembechek agobo Kamuktaindet ne Toroor, komwa kole, “Ma yae kiy ineendet, ma mi yaityet ne ityinech, ma koi kigeer rotwetap chok anan ko rubeet.”

JEREMIA 5:12 ပူးပေါင်းရင်းမြစ်များ

2 ATEPTAP PEETUUSYEK 36:16

Ago kireny bichoto kiiyoktoi Kamuktaindet, ak kisas ng’alekyik, kogengenie maotikyik, agoi konerekyi Jehovah bikyik, kot ko ma komi kit ne kinyae.

TIENWOGIKAL 10:6

Len eng’ muguleldanyi, Maistaa chi: Manyoru ane yaitiet eng’ ibinwek tugul.

TIENWOGIKAL 14:1

Kigomwa ne berber eng’ muguleldanyi, kole, Mami Kamuktaindet. Kigong’emogis, ak koyai yautik che kiwechei; Mami ne yaei ne mie.

KALEWANAIK 30:9

Si mabiye ak aesien, ak ale, Ng’o Jehovah? Anan si maegu kibanania, ak achorse, Si mamwa kainetab Kamuktaindennyu eng’ tangoi.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 2:6

Ama mwa ichek kole, Mi ano Jehovah ne kiimutwech kemong’u eng’ emetab Misri; ne kiindoiywech kebun ong’atet, kebun emet ne surkwen ak ne bo keringonik, kebun emetab kemeut ak ne bo uruetab meet, kebun emet ne mabunei chi, ole mamenyei chi?

JEREMIA 28:4

ak amutu kogeny konyo olito Jekonia weritab Jeoiakim laitoriatab Juda, koboto luulenik tugul che kigiluul che bo Juda, che kiba Babulon, mwaei Jehovah: amu airie chogitab laitoriatab Babulon.

JEREMIA 4:10

Kiamwa anyun ale, He Kiptaiyat Jehovah! Iman kiiberber mising’ bichu ak Jerusalem, ilenji, Onyoru kalyet; ago ityin rotwetab chok sobondo.

JEREMIA 43:1

Ak ye kingo kagoges Jeremia ng’alalet ne king’alaljin bik tugul ng’alek tugul che bo Jehovah Kamuktaindenywa, che kiga koyoktae Jehovah Kamuktaindenywa inendet komwachi ichek ng’alechato tugul,

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 6:14

Kigonya kogeny mookab bikyuk kobir barak, kolenjin, Kalyet, kalyet; ye mami kalyet.

EZEKIEL 13:6

Kigogeer ichek tangoita ak ng’orset ne bo lembech, che mwaei kole, Kale Jehovah; ama iyokte Jehovah: ak kogochi bik komang’ kole kigimiti ng’olyot.

MIKAH 2:11

Ngot komwa lembech chito ne wendoti eng’ usonet ak lembechek, kole, Amaotenun agobo divaik ak maiyek; koegu inendet maotiotab bichu.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

NG'ATUTIK 29:19

ak ye kas ng’alekab chubisioni, koberurgei eng’ muguleldanyi kole, Atebye eng’ kalyet, agot ngawendoti eng’ ngelelnatetab muguleldanyu, kotese melelda bogitet.

1 JOHANA 5:10

Inendet ne iyani Weritab Jehovah kotinyei baornatanato eng’ inendet: inendet ne maiyani Jehovah ko kagoyai inendet koek kiplembechwa; amu ma iyan baornatet ne kibaorian Jehovah agobo Werinnyi.

1 SAMUEL 6:9

Ak ogeer, ngot kotogosta kobun kiwotennyi kowendi Bet-semes, ko kaga ko inendet ne kiyaiywech yaitioni o: ago ngot ko ma bun, kenai anyun kele, ma eunnyi ne kobirech; kaga kiy ne koityech buch.