JEREMIA 49:8 - BUKUIT NE TILIL

⁸ Omwei, oweege, oung’ege ole ma toogu, ee okwek che omenye Dedan; amu aipchini inendet nyalildab Esau, eng’ betut ne aityini inendet biret.

Bukuit Ne Tilil

⁸ Omwei, oweege, oung'egei ole ma taagu, ee okweek che omenye Dedan; amu aipchini ineendet nyalildap Esau, eng' peetuut ne aityini ineendet pireet.

BUKUIT NE TILIIL Sireet ne Dutero Kanon

⁸ Omwei, oweege, oung'egei ole ma taagu, ee okweek che omenye Dedan; amu aipchini ineendet nyalildap Esau, eng' peetuut ne aityini ineendet pireet.

JEREMIA 49:8 ပူးပေါင်းရင်းမြစ်များ

ISAIAH 2:21

si komwechi kebenonik, ak ruandosiek che kibetogis, komwee kamuisetab Jehovah, ak eng’ torornatetab etunatennyi, ye kang’eet kotumdum ng’onyuni eng’ kimnatet.

ISAIAH 21:13

Lautietab Arabia. Omenye osnet eng’ Arabia, ee okwek che rutoi che bo Dedanik.

ISAIAH 34:5

Amu kigoee rotwennyu bo chok eng’ kipsengwet kot konyi: ogeero, chorjingei Edom, ak chorjingei bik che kiachub, kiruokyi.

JEREMIA 25:23

Dedan, Tema, ak Bus, ak ichek tugul che bioregei;

JEREMIA 46:21

U kogeny bikyik che kesirei che mi kwenunnyi moek che neriotin; amu kagoweeigei let agichek, kagomwei tugul, ma tononso: amu kanyonji ichek betutab nyalildanywa, betut ne kibirei.

JEREMIA 48:28

Ee okwek che omenye kebenonik; ak oige cheptuget ne teechei keswennyi eng’ tabanwekab kurgetab kebenet.

JEREMIA 48:44

Ibutyin keringet, ne mwee kaiyweisiet; ak konam mestet ne togosune keringet: ak aipchini inendet, noto ko Moab, kenyit ne aityini inendet biret, mwaei Jehovah.

JEREMIA 48:6

Omwei, osoru sobonwekwok, ak oige sondit eng’ ong’atet.

JEREMIA 49:30

Omwei, oombenote oba ole loo, oung’ege ole ma toogu, ee okwek che omenye Hasor, mwaei Jehovah; amu kairuoch Nebukadresar laitoriatab Babulon agobo okwek, ak kagobwat ng’olyot agobo okwek.

JEREMIA 49:32

Ak keluul tambesikwak, ak koek barunenik tukwak che chang’: ak aiyeste koba komoswek tugul icheget che biori metowekwak; ak aibu nyalildanywa eng’ komoswekwak, mwaei Jehovah.

JEREMIA 50:27

Obar kirugikyik tugul; ochoorte koba ole kieng’se: bwa ichek! Amu kagoit betunywa, betut ne ityin ichek biret.

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

EZEKIEL 25:13

mwaei Kiptaiyat Jehovah ko u ni kole: Achuule eunnyu atokyini Edom, ak aiste eng’ oloto chi ak tiony: ak ayai koguber koboch Teman; kibarei ichek eng’ rotwetab chok agoi Dedan.

MALAKI 1:3

ago kiawech Esau, ak ayai tulonokyik koguber, ak agochi borotennyi lelwek che bo ong’atet.

MALAKI 1:4

Amu mwaei Edom kole, Kigiterterech, ago kiweeksei ak keteech komoswek che kigoek karatwek; mwaei Jehovah ne bo lugosiek ko u ni kole, Tun teechei ichek ago abute: ak koguure bik ichek, Kiwotetab yaitiet, ak koguure, Bik che ting’e Jehovah neregek koigeny.

NG'ANG'UTYET 6:15

Ak kiung’gei eng’ kebenonik ak ruandosiek che bo tulonok, laitorinikab ng’ony, ak bounik, ak kiptainik che eechen, ak magorek, ak che kimen, ak chi age tugul ne ratat ak chi age tugul ne itiagat;

KIRUOGIK 6:2

Ak kiiterter eutab Midian Israel: ak kibaljigei lagokab Israel keringonik eng’ tulonok, ak kebenonik, ak kiyachigei irimoik, amu Midian.

1 SAMUEL 13:6

Kingogeer bikab Israel kole mi eng’ bichiindo, (amu kinyalilso bik,) koung’gei anyun bik eng’ kebenonik, ak eng’ sondisiek, ak eng’ ruandosiek, ak eng’ keringonik, ak eng’ keringonik che mengechen.