JEREMIA 48:47 - BUKUIT NE TILIL

⁴⁷ Ago aweechi kogeny luulenikab Moab eng’ betusiek che bo let, mwaei Jehovah. Te noto anyun kiruogetab Moab.

Bukuit Ne Tilil

⁴⁷ Ago aweechi kogeny luulenigap Moab eng' peetuusyek che po let, mwaei Kamuktaindet ne Toroor. Tee nooto anyun kirwoogetap Moab.

BUKUIT NE TILIIL Sireet ne Dutero Kanon

⁴⁷ Ago aweechi kogeny luulenigap Moab eng' peetuusyek che po let, mwaei Kamuktaindet ne Toroor. Tee nooto anyun kirwoogetap Moab.

JEREMIA 48:47 ပူးပေါင်းရင်းမြစ်များ

Kitabuutap JOB 19:25

Ago angen ale sobei Katiagindennyu, Ak tun tonone ng’ony eng’ betut ne bo let:

ISAIAH 18:7

Kiipchin eng’ betunoto Jehovah ne bo lugosiek kagochinet ne bo bik che koen ak ko ng’orng’oren, ak eng’ bik che imuisei koboch taunenywa agoi; bororiet ne ikwaisei ak kotiegoti, ne pcheei ainosiek emenywa, agoi komostab kainetab Jehovah ne bo lugosiek, noto tulwetab Sion.

ISAIAH 23:18

Ak koek mung’arennyi ak melektanyi tililindo eng’ taitab Jehovah: magigonori ama kibasei; amu bunjin mung’arennyi ichek che menyei taitab Jehovah, si koam kobiyong’so, ak kolaach ngoroik che bo telunatet.

ISAIAH 25:11

Ak koiitochi eunekyik kwenunywa, ko u ye iitoi eunekyik inendet ne birei beek: ak konyerat menotennyi koboto ng’alsetab eunekyik.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

JEREMIA 12:14

Mwaei Jehovah ng’alechoto agobo bik tugul che yaach che bo kokwennyu, che twaei borotet ne kiagochi bikyuk Israel konam kobunji, ko u ni kole: Ogeero, atutu ichek eng’ emenywa, ak atutu gotab Juda komong’ eng’ kwenunywa.

JEREMIA 12:15

Ak ye kaatut ichek, aweechige ak arire ichek; ak amutu kogeny, konyo age tugul borotennyi, ak konyo age tugul emennyi.

JEREMIA 23:20

Maweeksei neregekab Jehovah, agoi koyai koges, agoi koyai magutikab muguleldanyi kosulda: oguitosi ng’olyondonito komie eng’ betusiek che bo let.

JEREMIA 30:24

Mamweeksei neregek che ng’wonen che bo Jehovah agoi koyai koges, agoi koyai magutikab muguleldanyi kosulda: oguitosi ng’olyondonito eng’ betusiek che bo let.

JEREMIA 46:26

ak andoi ichek eutab icheget che cheng’ei sobonwekwak, ak eutab Nebukadresar laitoriatab Babulon, ak eutab otwogikyik; ye ibata kemeny ko u betusiek che bo keny, mwaei Jehovah.

JEREMIA 49:39

Ago aweechi kogeny luulenikab Elam eng’ betusiek che bo let, mwaei Jehovah.

JEREMIA 49:6

Ago ye ibata aweegu kogeny che kigeluul che bo lagokab Amon, mwaei Jehovah.

EZEKIEL 38:8

Kibwanjinin ko kagosiirto betusiek che chang’: iite eng’ kenyisiek che bo let emet ne kigiweegune rotwetab chok, ne kigiweech eng’ bororiosiek che chang’, eng’ tolonokab Israel, ne kiga koguber betusiek che chang’: ago kigiweech komong’ eng’ bororiosiek ak komeng’is tugul eng’ chametab ge.

DANIEL 10:14

Kanyo anyun si kobiit aborun iguiye tuguk che tun bwanjin biguk eng’ betusiek che bo let: amu bo ng’ang’utiet betusiek che chang’.

DANIEL 11:41

Wendi inendet kogeny emet ne kararan, ak kigabui emotinwek che chang’: ago kisoru chu eng’ eunnyi, Edom, ak Moab, ak chu eechen che bo lagokab Amon.

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

KAITOSYEK 24:14

Keero, kawe nguno ole mi bikyuk: nyo anyun amwaun kit ne itoi bichu biguk eng’ betusiek che bo let.

NG'ATUTIK 31:29

Amu angen ale ye kaamei ong’emge mising’ kot, omaste eng’ oret ne kiang’atak; ak koityok yaitiet eng’ betusiek che bo let; amu omache oyai yaitiet eng’ taitab Jehovah, otach inendet amu boisionikab eunekwok.

NG'ATUTIK 4:30

Ak ye imitei nyalilda, ak kobwanjin tuguchu tugul, iweekyigei Jehovah Kamuktaindeng’ung’ anyun eng’ betusiek che bo let, ak igas kutinnyi: