JEREMIA 48:13 - BUKUIT NE TILIL

¹³ Ak kolilan Moab amu Kemos, ko u ye kiililan gotab Israel agobo Bet-el, ne kiimang’u.

Bukuit Ne Tilil

¹³ Ak kolilaan Moab amu Kemos, ko uu ye ki ililan kootap Israel agobo Bethel, ne ki imang'u.

BUKUIT NE TILIIL Sireet ne Dutero Kanon

¹³ Ak kolilaan Moab amu Kemos, ko uu ye ki ililan kootap Israel agobo Bethel, ne ki imang'u.

JEREMIA 48:13 ပူးပေါင်းရင်းမြစ်များ

1 LAITORINIK 11:33

amu kigobagakta, ak kogutung’ji Astoret kanamwet ne kwondo ne bo Sidonik, ak Kemos kanamwetab Moab, ak Milkom kanamwetab lagokab Amon; ama bendote ortinwekyuk, koyai ne mie eng’ tainnyu, ak korib ng’atutikyuk ak kiruogutikyuk, ko u ye kiyai Daudi kwandanyi.

1 LAITORINIK 11:7

Kiteekyi anyun Solomon Kemos ne kiwechei ne bo Moabik ole toror, eng’ tulwet ne mi taitab Jerusalem, ak kiteekyi Molek ne kiwechei ne bo lagokab Amon.

1 LAITORINIK 18:40

Ak kilenji Elija ichek, Onam maotikab Baal; amat ongochilil agot agenge. Kinam anyun ichek: ak kiimut Elija kochorgei kererutab Kison, ak kobarji yoto.

2 ATEPTAP PEETUUSYEK 25:15

Kolalyo anyun neregekab Jehovah agobo Amasia, ak koyokyi maotiot ne kimwachi inendet kolenji, Amu nee si icheng’ kanamonikab bik, che tom kosor bikwak eng’ eung’ung’?

ISAIAH 16:12

Ak ye kagoborgei Moab, ye kabirtogei eng’ oli toror, ak konyor oldanyi ne tilil si kobiit kosa, ago maiterterisiei.

ISAIAH 2:20

Laktoi chito kanamonikyik che bo feda betunoto, ak kanamonikyik che bo tahabu, che kigiyachi inendet si kosa, kolaktochi bung’ung’onik ak reresik;

ISAIAH 45:16

Ililandos, ee, toptobendos ichek tugul; toitos tugul che yaei kanamonik.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

JEREMIA 48:12

Ogeer anyun-o, bwanei betusiek, mwaei Jehovah, che ayokyini inendet bik che rong’u, ak koranda inendet; ak korong’ kogesgei eng’ terenikyik, ak kotui sotonikwak.

JEREMIA 48:39

Kitepto ano si koyie! Iteitoi ano ichek! Katepto ano si kotukta batai Moab eng’ kalilanet! Egu anyun Moab ne kirorechin ak koek ne kwong’e ichek tugul che mi tabanwekyik.

JEREMIA 48:46

Bwa inye, ee Moab! Kagogesgei bikab Kemos: amu kageluul weriguk, ak kageluul tibiguk.

JEREMIA 48:7

Amu-i, kiluulin aginye, amu kaimang’u boisioniguk ak konoraiguk: ak keluul Kemos, koboto tisiikyik ak bounikyik.

KIRUOGIK 11:24

Meibe kobunjin noto ne kigonin Kemos cheptaleling’ung’? Noto anyun, age tugul ne onei Jehovah Kamuktaindennyo eng’ tainnyo, kename choto kobunjech.