JEREMIA 42:22 - BUKUIT NE TILIL

²² Onai anyun komie ole, obegu eng’ rotwetab chok, ak eng’ rubet, ak eng’ koroito, eng’ ole omache obe otebe.

Bukuit Ne Tilil

²² Onai anyun komyee ole, obegu eng' rotwetap chok, ak eng' rubeet, ak eng' koroito, eng' ole omache obe otebee.

BUKUIT NE TILIIL Sireet ne Dutero Kanon

²² Onai anyun komyee ole, obegu eng' rotwetap chok, ak eng' rubeet, ak eng' koroito, eng' ole omache obe otebee.

JEREMIA 42:22 ပူးပေါင်းရင်းမြစ်များ

ISAIAH 30:3

Egu anyun kimnatetab Parao kolilaneng’wong’, ak koek kamang’unet ne omang’u uruetab Misri, toiyeng’wong’.

JEREMIA 24:10

Ak ayokyi ichek rotwetab chok, rubet, ak koroito, agoi kogesgei eng’ emet ne kiagochi ichek ak kwanisiekwak.

JEREMIA 42:17

Igeitu noto eng’ bik tugul che tokyingei Misri kobendi kotebe oloto; begu eng’ rotwetab chok ak eng’ rubet, ak eng’ koroito: ak mami agot agenge eng’ ichek ne ng’etu anan ne chilili eng’ yaitiet ne aipchini.

JEREMIA 43:11

Ak konyo kobar emetab Misri; che bo meet kobendi meet, ak che bo luulet, kobendi luulet, ak che bo rotwetab chok, kobendi rotwetab chok.

JEREMIA 44:12

Ak anam che ng’etu che bo Juda, che kitokyigei emetab Misri, koba kotebe oloto, ak kigesu ichek tugul: ibutos eng’ emetab Misri; kigesu ichek eng’ rotwetab chok ak eng’ rubet; begu ichek, kong’eete ne ming’in agoi ne o, eng’ rotwetab chok ak eng’ rubet: ak koek che kichubei, ak che kikwong’e, ak che kisasei, ak che kichotei.

EZEKIEL 33:27

Mwachi anyun bichoto ko u ni ilenji, Mwaei Kiptaiyat Jehovah ko u ni kole: Ko u ye asobe, kibare iman rotwetab chok ichek che mi komoswek che karatwek, ak agochini koam tiong’ik inendet ne mi kewanin, ak kobar koroito ichek che mi irimoik ak che mi kebenonik.

EZEKIEL 6:11

Mwaei Kiptaiyat Jehovah ko u ni kole: Irabach eng’ eung’ung’ ak itiech eng’ keldang’ung’, ak ile, Bwa! Amu tuguk tugul che kiwechei che yaachen che bo gotab Israel: amu barei ichek rotwetab chok, ak rubet, ak koroito.

EZEKIEL 6:12

Barei koroito inendet ne mi ole loo; ak barei rotwetab chok inendet ne negit; ak barei rubet inendet ne ng’etu ne kigigerji nganaset: ayae neregekyuk che ng’wonen kosulda ko u noto eng’ ichek.

HOSEA 9:6

Ogeero, kigoistoegei ng’emisiet, ago iyumi Misri ichek, ak tubei Mempis ichek: bunjin siwek tugukwak che kororon che bo feda: mi katok emaisiekwak.