JEREMIA 42:18 - BUKUIT NE TILIL

¹⁸ Amu mwaei Jehovah ne bo lugosiek, Kamuktaindetab Israel, ko u ni kole; Ko u ye kigerong’ji neregekyuk ak neregekyuk che ng’wonen, bik che menyei Jerusalem, kerong’jinok anyun ko u noto neregekyuk che ng’wonen, ye obe Misri: ak oegu che kichubei, ak che kikwong’e ak che kisasei, ak che kichotei; ama ogeere olito kogeny.

Bukuit Ne Tilil

¹⁸ Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

BUKUIT NE TILIIL Sireet ne Dutero Kanon

¹⁸ Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole; Ko uu ye kigeroong'ji nereegekyuk ak nereegekyuk che ng'woneen, piik che menyei Jerusalem, keroong'jinok anyun ko uu nooto nereegekyuk che ng'woneen, ye obe Misiri: ak oegu che kichubei, ak che kikwong'ee ak che kisasei, ak che kichotei; ama ogeere olito kogeny.

JEREMIA 42:18 ပူးပေါင်းရင်းမြစ်များ

2 ATEPTAP PEETUUSYEK 34:25

amu kigometa, ak kigobeelji nyamdutik kanamonik, si kobiit kotacha anerech eng’ boisionik tugul che bo eunekwak; noto anyun, karong’jige neregekyuk yuto, ama kimisi.

ISAIAH 30:3

Egu anyun kimnatetab Parao kolilaneng’wong’, ak koek kamang’unet ne omang’u uruetab Misri, toiyeng’wong’.

ISAIAH 65:15

Ak obagakte kaineng’wong’ koek chubisiet eng’ chechuk che kialewen, ak kobarin Kiptaiyat Jehovah; ak koguur otwogikyik eng’ kainet age:

JEREMIA 18:16

si koyai emenywa koek kwong’et, ak koek ne kirenyei kotugul; kwong’e age tugul ne siirtoi eng’ yoto, ak kolelechi metinnyi.

JEREMIA 22:27

Ago maweekyingei emet ne machei sobonwekwak.

JEREMIA 23:40

ak aibwok chotisiet ne bo agoi, ak kalilanet ne bo kotugul, ne magiutie.

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 26:6

ayae anyun goi koigei Silo, ak ayai nganasani koek ne sasei bororiosiek tugul che bo ng’ony.

JEREMIA 29:18

Ak asube ichek rotwetab chok, ak rubet, ak koroito, ak agoite ichek kewirji komosi ak komosi eng’ bounatosiek tugul che bo ng’ony, si koek che chubotin, ak che kikwong’e, ak che kirenyei, ak che kiteweri, eng’ bororiosiek tugul che kiaonji;

JEREMIA 29:22

ak komwaei luulenik tugul che bo Juda che mi Babulon, eng’ chubisiet kole, Ingoyain Jehovah iige Sedekia ak Ahab, che kiwatan laitoriatab Babulon eng’ ma;

JEREMIA 33:5

Bwanei kobaregei ak Kaldeik, ago kinyiiti muswek, che kiabar eng’ neregekyuk ak eng’ neregekyuk che ng’wonen, ak ichek tugul che kiaung’e togennyu tengekwogikwak eng’ nganasani.

JEREMIA 44:12

Ak anam che ng’etu che bo Juda, che kitokyigei emetab Misri, koba kotebe oloto, ak kigesu ichek tugul: ibutos eng’ emetab Misri; kigesu ichek eng’ rotwetab chok ak eng’ rubet; begu ichek, kong’eete ne ming’in agoi ne o, eng’ rotwetab chok ak eng’ rubet: ak koek che kichubei, ak che kikwong’e, ak che kisasei, ak che kichotei.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 44:6

Kirong’gei anyun neregekyuk che ng’wonen ak neregekyuk, ak kilalyo eng’ nganasokab Juda ak eng’ ortinwek che bo Jerusalem; ak kigoek karatwek ak kigoguber, ko u kit ne u betusiechu.

JEREMIA 44:8

amu otagena boisionikab eunekwok, obeeljini nyamdutik cheptalelisiek eng’ emetab Misri, ole kiobe otebe; si kobiit kigeswok, ak oegu che kisasei ak che kichotei eng’ bororiosiek tugul che bo ng’ony?

JEREMIA 6:11

Kanyiia anyun neregek che ng’wonen che bo Jehovah; kaang’et aranye: rong’ji neregechoto lagok che mi oret, koboto tuiyetab murenik: amu kimuti manong’otiot ak osotiot, ne kigoosit koboto ne negit kolil.

JEREMIA 7:20

Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

RIREKAB JEREMIA 2:4

Kigoriich kwangennyi ko u bunyot, kitonon kochuul eunnyi ne bo tai ko u bunyot, Ak kigobar tugul che iboiboi konyek: Kigorong’ neregekyik che koromen ko u mat, korong’ji emaitab cheptab Sion.

RIREKAB JEREMIA 2:6

Kigoisto emainnyi eng’ koromnatet, ko u kit ne bo seremut; Kigong’em oldanyi ole kituiyechin: Kigoyai Jehovah tuiyet ne kiging’at ak sabato keutie eng’ Sion, Ak kigosas eng’ nyitatetab neregekyik laitoriat ak tisiindet.

RIREKAB JEREMIA 4:11

Kigoyai Jehovah neregekyik che ng’wonen kosulda, kigorong’ neregekyik che koromen; Ak kigonaam mat eng’ Sion, ne kigobeel lumeiywekyik.

EZEKIEL 20:34

Ak amutwok omong’u eng’ bororiosiek, ak ayumak eng’ eut ne kim, ak eng’ eut ne chuulat, ak eng’ neregek che ng’wonen che rong’ugei, omong’une emotinwek ole kigiseerjok;

EZEKIEL 22:22

Ko u ye chootos feda eng’ mat ne o, ochootosi ak okwek eng’ maata; si onai ole a Jehovah ne kaarong’jok neregekyuk che ng’wonen.

DANIEL 9:11

Ee, kigobistoe Israel tugul ng’atutieng’ung’, komasta, si magas it kuting’ung’: kigerong’jech anyun chubet amu noto, koboto kayosiet ne kigisirji Ng’atutikab Musa otwogindetab Kamuktaindet, amu kigeyachi inendet tengekto.

DANIEL 9:27

Ak koyomisgei koboto bik che chang’ eng’ kayomiset ne kim ne bo wigit agenge: ak koges tiseiywot ak kagochinetab busiek eng’ kwenutab wigit; ak konyo age ne ibu ng’emisiet eng’ kebepchetab tuguk che kiwechei; ak kerong’ji ng’emindet neregek che kigeng’at, agoi kagesunet.

HOSEA 7:16

Weechigei, ago maweekyingei inendet ne mi barak; u kwanget ne ma litit: kibarei bounikwak eng’ rotwetab chok amu neregekab ng’elyebwekwak: egu nito chotisienywa eng’ emetab Misri.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

SEKARIA 8:13

Ak ko u ye kioegu che chubotin eng’ bororiosiek, ee gotab Juda ak gotab Israel, asoruok anyun, si oegu kaberuret: amoiywei, ago ingogimegitu eunekwok.

KAITOSYEK 5:27

Ak ye kagogochi koee beechoto, kobiitu anyun ko u ni, ngo kogomuronit kobogoriondonoto, ak ngo kogochiliilji manong’otiondennyi, koba anyun bortanyi beechoto ibu chubisiet ak kong’wonegitu, ak kobwa moennyi, ak konun kubestanyi; ak koek ne chubot kobogoriondonoto eng’ bikyik.

NG'ANG'UTYET 14:10

koeei agine divaik che bo koromnatetab Jehovah, che kigichob ama kiburuch eng’ kikombetab nereknatennyi; ak kinyalili eng’ mat ak koik che laldos eng’ taitab malaikaisiek che tililen, ak eng’ taitab Aruet: