JEREMIA 41:2 - BUKUIT NE TILIL

² King’et anyun Ismael weritab Netania, ak bichoto taman kimi koboto inendet, ak koeb Gedalia weritab Aikam weritab Sapan eng’ rotwetab chok, ak kobar, ne kiga konde laitoriatab Babulon koek bounindetab emet.

Bukuit Ne Tilil

² Ki ng'et anyun Ishmael weeriitap Netania, ak pichooto taman ki mi kobooto ineendet ak koep Gedalia weeriitap Aikam weeriitap Sapan eng' rotwetap chok, ak kobar, ne kiga konde laitoryatap Babilon koek pounindetap emet.

BUKUIT NE TILIIL Sireet ne Dutero Kanon

² Ki ng'et anyun Ishmael weeriitap Netania, ak pichooto taman ki mi kobooto ineendet ak koep Gedalia weeriitap Aikam weeriitap Sapan eng' rotwetap chok, ak kobar, ne kiga konde laitoryatap Babilon koek pounindetap emet.

JEREMIA 41:2 ပူးပေါင်းရင်းမြစ်များ

2 SAMUEL 3:27

Ak kingo kagoweek Abner konyo Hebron, komut Joab inendet kwo taban agoi kwenutab ormarichet, kwo kong’alalji mutyo, ak kitoor inendet moet eng’ yoto, ak kime, agobo korotikab Asael, ng’etab kamet.

2 LAITORINIK 25:25

Ago kinyo eng’ arawetab tisap Ismael weritab Netania, weritab Elisama, ne bo keswekab gab laitoriat, ak kibwa ak bik taman, ak kobar Kedalia kome. Koboto Yahudik ak Kaldeik che kimi koboto inendet eng’ Mispa.

TIENWOGIKAL 109:5

Ak kiigeerua ne ya eng’ ne mie, Ak kiigeerua wechet eng’ chamnyennyu.

TIENWOGIKAL 41:9

Ee, agot choruennyu ne kigichamdosi, ne kiamang’u, ne kiabae, Ko kagong’eet kole koyaiywa ne ya.

JEREMIA 40:14

ak kolenji, Tos ingen ile kiiyok Baalis laitoriatab lagokab Amon Ismael weritab Netania kobarin? Ago ma iyan Gedalia weritab Aikam ng’alekwak.

JEREMIA 40:16

Ago kilenji Gedalia weritab Aikam Johanan weritab Karea, Ma mie iyai kiito: amu imwae lembech agobo Ismael.

JEREMIA 40:5

Ak ye kitomo koweek, kole, Weege anyun oldab Gedalia weritab Aikam weritab Sapan, ne kigonde laitoriatab Babulon koek bounindet koba nganasokab Juda, ak komeng’is koboto bik: anan iwe oldo age tugul ole igeere ile nyoljinin iwe. Kiigochi anyun kiptaiyatab ribik amitwogik inendet ak kagochinet ak kounda kwo.

JEREMIA 40:7

Ak kingogas kiptainik tugul che bo lugosiek che kimi emotinwek, icheget ak murenikwak, kole, kogonde laitoriatab Babulon Gedalia weritab Aikam koek bounindet eng’ emet, ak kogonde eunnyi murenik, ak kwonyik, ak lagok, ak bik alak che ki kibananok mising’ eng’ emet, che bo ichek che kima kiluul koba Babulon;

JEREMIA 40:8

kobwa anyun oldab Gedalia eng’ Mispa, icheget ko, Ismael weritab Netania, ak Johanan ak Jonatan werikab Karea, ak Seraia weritab Tanumet, ak werikab Epai Netopatindet, ak Jesania weritab Maakatindet, icheget koboto murenikwak.

JEREMIA 41:3

Kibar Ismael kogeny Yahudik tugul che kimi koboto Gedalia eng’ Mispa, koboto Kaldeik che kiginyorji oloto, choto ko bikab luget.

JOHANA 13:18

Mamwae agobo okwek tugul: angen che kialewen: ago si kobiit kosulda sirutiet, ne kile, Inendet ne amei makatiandennyu, ko kagong’eet kwariandennyi koyaiywa ne ya.