JEREMIA 41:1 - BUKUIT NE TILIL

¹ Kinyo anyun Ismael weritab Netania weritab Elisama ne bo iyotetab kaplaitoriat, koboto kiptaiyat age ne o ne bo laitoriat, ak bik taman che kimi koboto inendet, eng’ arawetab tisab, oldab Gedalia weritab Aikam eng’ Mispa; ak kiamis tugul eng’ oloto eng’ Mispa.

Bukuit Ne Tilil

¹ Ki nyo anyun Ishmael weeriitap Netania weeriitap Elisama ne po iyoteetap kaplaitoryat, kobooto kiptaiyat age ne oo ne po laitoryat, ak piik taman che ki mi kobooto ineendet, eng' arawetap tisap, kap Gedalia weeriitap Aikam eng' Mispa; ak ki amis tugul eng' olooto eng' Mispa.

BUKUIT NE TILIIL Sireet ne Dutero Kanon

¹ Ki nyo anyun Ishmael weeriitap Netania weeriitap Elisama ne po iyoteetap kaplaitoryat, kobooto kiptaiyat age ne oo ne po laitoryat, ak piik taman che ki mi kobooto ineendet, eng' arawetap tisap, kap Gedalia weeriitap Aikam eng' Mispa; ak ki amis tugul eng' olooto eng' Mispa.

JEREMIA 41:1 ပူးပေါင်းရင်းမြစ်များ

2 SAMUEL 3:27

Ak kingo kagoweek Abner konyo Hebron, komut Joab inendet kwo taban agoi kwenutab ormarichet, kwo kong’alalji mutyo, ak kitoor inendet moet eng’ yoto, ak kime, agobo korotikab Asael, ng’etab kamet.

2 LAITORINIK 11:1

Ak kingogeer Atalia kametab Aasia kole kagome werinnyi, kong’eet ak kobar anyun iyotet tugul ne bo gab laitoriat.

2 LAITORINIK 25:22

Kiyai Nebukadnesar Kedalia weritab Aikam weritab Sapan koek bounindetab bik che kiga ng’et eng’ emetab Juda, che kiga bagakta Nebukadnesar laitoriatab Babulon.

2 LAITORINIK 25:25

Ago kinyo eng’ arawetab tisap Ismael weritab Netania, weritab Elisama, ne bo keswekab gab laitoriat, ak kibwa ak bik taman, ak kobar Kedalia kome. Koboto Yahudik ak Kaldeik che kimi koboto inendet eng’ Mispa.

2 ATEPTAP PEETUUSYEK 22:10

Ak kingogeer Atalia kametab Aasia kole kigome werinnyi, kong’eet ak kobar iyotet tugul ne bo kaplaitoriat ne bo gotab Juda.

TIENWOGIKAL 109:5

Ak kiigeerua ne ya eng’ ne mie, Ak kiigeerua wechet eng’ chamnyennyu.

TIENWOGIKAL 41:9

Ee, agot choruennyu ne kigichamdosi, ne kiamang’u, ne kiabae, Ko kagong’eet kole koyaiywa ne ya.

KALEWANAIK 13:10

Ibu menotet boriet kityo: Ago mi ng’omnatet koboto ichek che ng’ategei.

KALEWANAIK 27:4

Korom nereknatet, koromen mising’ neregek; Ago ng’o ne imuchi kotonon eng’ taitab ng’etkonda?

JEREMIA 36:12

kochortagei kwo gotab laitoriat, got ne bo orit ne bo sirindet: ak ogeero, kitebyei eng’ oloto bounik tugul, choto ko, Elisama sirindet, Delaia weritab Semaia, Elnatan weritab Akbor, ak Gemaria weritab Sapan, ak Sedekia weritab Hanania, ak bounik tugul.

JEREMIA 36:20

Kiba anyun oldab laitoriat eng’ seremut; ago kiga konde bukuinoto got ne bo orit ne bo Elisama sirindet; ak kimwachi laitoriat ng’alechato tugul kogas.

JEREMIA 39:14

kiiyokto kimut Jeremia komong’ eng’ seremutab ribik, ak konde inendet eutab Gedalia weritab Aikam, weritab Sapan, si kobiit komut inendet kwo ga: kimeng’is anyun eng’ kwenutab bik.

JEREMIA 40:13

Kibwa kogeny Johanan weritab Karea, ak kiptainik tugul che bo lugosiek che kimitei emotinwek, oldab Gedalia eng’ Mispa,

JEREMIA 40:5

Ak ye kitomo koweek, kole, Weege anyun oldab Gedalia weritab Aikam weritab Sapan, ne kigonde laitoriatab Babulon koek bounindet koba nganasokab Juda, ak komeng’is koboto bik: anan iwe oldo age tugul ole igeere ile nyoljinin iwe. Kiigochi anyun kiptaiyatab ribik amitwogik inendet ak kagochinet ak kounda kwo.

JEREMIA 40:6

Kiwa anyun Jeremia oldab Gedalia weritab Aikam eng’ Mispa, ak komeng’is koboto inendet eng’ kwenutab bik che kiga ng’et eng’ emet.

JEREMIA 40:7

Ak kingogas kiptainik tugul che bo lugosiek che kimi emotinwek, icheget ak murenikwak, kole, kogonde laitoriatab Babulon Gedalia weritab Aikam koek bounindet eng’ emet, ak kogonde eunnyi murenik, ak kwonyik, ak lagok, ak bik alak che ki kibananok mising’ eng’ emet, che bo ichek che kima kiluul koba Babulon;

JEREMIA 40:8

kobwa anyun oldab Gedalia eng’ Mispa, icheget ko, Ismael weritab Netania, ak Johanan ak Jonatan werikab Karea, ak Seraia weritab Tanumet, ak werikab Epai Netopatindet, ak Jesania weritab Maakatindet, icheget koboto murenikwak.

EZEKIEL 17:13

Ak kiluul iyotetab laitoriat ak koyomisgei koboto inendet: kibirji kogeny inendet eng’ kayosiet, ak komut bik che kimen che bo emet:

JOHANA 13:18

Mamwae agobo okwek tugul: angen che kialewen: ago si kobiit kosulda sirutiet, ne kile, Inendet ne amei makatiandennyu, ko kagong’eet kwariandennyi koyaiywa ne ya.