JEREMIA 40:11 - BUKUIT NE TILIL

¹¹ Ko u noto, kingogas Yahudik tugul che kimi Moab, ak che kimi ak lagokab Amon, ak che kimi Edom, koboto che kimi emotinwek tugul, kole, Kigobagach laitoriatab Babulon bik che king’et eng’ Juda, ak kole, kigonde Gedalia weritab Aikam weritab Sapan koboi ichek;

Bukuit Ne Tilil

¹¹ Ko uu nooto, kingo kas Yahudik tugul che ki mi Moab, ak che ki mi ak lagogap Ammon, ak che ki mi Edom, kobooto che ki mi emotinwek tugul, kole, ki kobagaach laitoryatap Babilon piik che ki ng'et eng' Judah, ak kole, ki konde Gedalia weeriitap Aikam weeriitap Sapan koboi icheek;

BUKUIT NE TILIIL Sireet ne Dutero Kanon

¹¹ Ko uu nooto, kingo kas Yahudik tugul che ki mi Moab, ak che ki mi ak lagogap Ammon, ak che ki mi Edom, kobooto che ki mi emotinwek tugul, kole, ki kobagaach laitoryatap Babilon piik che ki ng'et eng' Judah, ak kole, ki konde Gedalia weeriitap Aikam weeriitap Sapan koboi icheek;

JEREMIA 40:11 ပူးပေါင်းရင်းမြစ်များ

TAUNET 36:8

Kimeny anyun Esau tulwetab Seir: Esau ko Edom.

ISAIAH 11:14

Ak kobokyi tigigoikab Pilistik eng’ cherongo; ak koluul ichek tuwai bikab kong’asis: chuulei eunekwak kogirinda Edom ak Moab; ak kogas it ichek lagokab Amon.

ISAIAH 16:4

Ingomeny koboten chechuk che kigetimda; egu inye ole ung’egei Moab komwee luulindet: amu kagoek buch rebindet, kagogesgei luulset, kagiwong’ usik eng’ emet.

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 41:10

Yeityo komut Ismael bik tugul che king’et eng’ Mispa koek luulenik, agot tibikab laitoriat, koboto bik tugul che king’et eng’ Mispa che kiga konde Nebusaradan kiptaiyatab ribik eutab Gedalia weritab Aikam: kiimut Ismael weritab Netania bichoto koek luulenik, ak koba oldab lagokab Amon.

JEREMIA 43:5

Ago kiimut Johanan weritab Karea ak kiptainik tugul che bo lugosiek bik tugul che king’et che ki bo Juda, che kiweeksei kobunu bororiosiek tugul ole kiga kionji, kobwa kotebe Juda;

JEREMIA 43:6

murenik, ak kwonyik, ak lagok ak tibikab laitoriat, ak chi age tugul ne kiga kobagach Nebusaradan kiptaiyatab ribik kobagakyi Gedalia weritab Aikam, weritab Sapan, ak maotiot Jeremia, ak Baruk weritab Neria;

JEREMIA 9:26

Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

EZEKIEL 25:12

Mwaei Kiptaiyat Jehovah ko u ni kole: Amu kigoyai ne ya Edom koyaaktochigei mugetut eng’ gotab Juda, ak kigoyai yaitiet ne o, koyaaktochigei mugetut;

EZEKIEL 25:2

Ee, weritab chi, tokyige oldab lagokab Amon, ak imaoten agobo ichek:

EZEKIEL 25:6

Amu mwaei Kiptaiyat Jehovah ko u ni kole: Amu kiirabrab euneguk, ak itwaltwal, ak ibaibaitu eng’ koromnatet tugul ne mi sobondang’ung’ agobo emetab Israel;

EZEKIEL 25:8

Mwaei Kiptaiyat Jehovah ko u ni kole: Amu mwaei Moab ak Seir, kole, Ogeero, u gotab Juda bororiosiek tugul:

EZEKIEL 34:6

Kiombenioti kechirekyuk eng’ tulonok tugul, ak eng’ tulwet age tugul ne koi: ee, kiyesta kechirekyuk koyom ng’ony tugul; ak kima komi chi ne kicheng’at anan kosubot ichek.

EZEKIEL 35:15

Ko u ye kiibaibaitune borotetab gotab Israel, amu kiguber, ayaun ko u noto: iguberi, ee, inye tulwetab Seir, ak Edom komugul, komosato tugul; si konai ichek kole a Jehovah.

EZEKIEL 35:5

Amu itinye bunyondit ne bo kotugul, ak kiigoite lagokab Israel kebar eng’ kimnatetab rotwetab chok eng’ betutab nyalildanywa, eng’ betusiekab yaitiet ne bo let:

EZEKIEL 5:12

Meei kebeberta agenge eng’ somok eng’ inye eng’ koroito, ak kigesu ichek eng’ rubet eng’ kwenung’ung’; ak kobek eng’ rotwetab chok kebeberta agenge eng’ somok, eng’ komosweguk tugul; ak aseer kebeberta agenge eng’ somok koba koriswek tugul, ak ang’usu rotwetab chok kosub ichek.

EZEKIEL 5:3

Ak inam sumeek che ng’ering’, ak iratyi ngorieng’ung’.

KAITOSYEK 22:1

Ak kiba lagokab Israel, koba komuung’e warengetab Moab, Jordan bitonin ole negite Jeriko.

KAITOSYEK 25:1

Ak kimeny Israel Sitim, ak kitoi koipgei ak tibikab Moabik;

KAITOSYEK 25:2

amu kiguur bik koba ole kigochine kanamonikwak tiseiywek; ak kiamis bik, ak kogutung’ji kanamonik.

1 SAMUEL 11:1

Kitogos anyun Nahas Amonindet, konyo koteech taitab Jabes-gilead: ak kilenji bik tugul che bo Jabes Nahas, Ongiyomisge, si keotin.

1 SAMUEL 12:12

Ak kingogeer Nahas laitoriab lagokab Amon, konyo obarge, olenja, Achicha, boiywech laitoriat: ago ki laitoriandeng’wong’ Jehovah Kamuktaindeng’wong’.