JEREMIA 4:7 - BUKUIT NE TILIL

⁷ Kamong’ ng’etundo eng’ sondinnyi, ne ng’emindetab bororiosiek, mi oret, kagomong’ eng’ oldanyi; si kobiit koyai emeng’ung’ koguber, ak koek nganasoguk karatia, ama komenyei chi.

Bukuit Ne Tilil

⁷ Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

BUKUIT NE TILIIL Sireet ne Dutero Kanon

⁷ Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 4:7 ပူးပေါင်းရင်းမြစ်များ

2 LAITORINIK 24:1

Kitogos Nebukadnesar laitoriatab Babulon eng’ betusiekyik, ak kiek Jeoiakim otwogindennyi kenyisiek somok: kingobata kongelelji inendet.

2 LAITORINIK 25:1

Ak eng’ kenyitab sogol ne bo laitornatennyi, eng’ arawetab taman, eng’ betutab taman ne bo arawanato, konyo Nebukadnesar laitoriatab Babulon, inendet ak lugennyi tugul, kobokyi Jerusalem, ak koteech kotokyigei nganaset; ak kiteech ichek irimoik koyiem.

ISAIAH 1:7

Kigoguber emeng’wong’; kigebeel nganasokwok; ibokyin toek emeng’wong’ ogeere, ak kogoguber, ko u ne kogong’em toek.

ISAIAH 5:9

Mwaei Jehovah ne bo lugosiek, agase eng’ itikyuk, kole, Iman, kuberi gorik che chang’, agot che eechen che kororon, che mamenyei chi.

ISAIAH 6:11

Kiateebe anyun, ale, Ee Kiptaiyat, tianitu? Ak kiwol kole, Agoi tun koguber nganasok, ak koguber gorik, ak koek emet kipkubere mising’.

JEREMIA 2:15

Kigoborisenji barnotikab ng’etunyik, ak komoror mising’; ak kigong’em emennyi koek karatia; kigebeel nganasokyik, ma komenyei chi.

JEREMIA 22:6

Amu mwaei ko u ni Jehovah agobo gotab laitoriat ne bo Juda kole, I Gilead eng’ ane, ak ko i metitab Lebanon; ago ayain iman iegu ong’atet, ak nganasok che magimenyei.

JEREMIA 22:7

Ak achob ng’emik agobo inye, chi tugul ak karikyik: ak koluul ichek taragoniguk che kororon ak kowirji ma.

JEREMIA 25:38

Kigometo ole ung’egei, ko u ng’etundo: amu kigoek emenywa ne kikwong’e amu koromnatetab rotwetab chok ne usisiei, ak amu neregekyik che koromen.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 26:9

Amu nee si imaoten eng’ kainetab Jehovah, ile, Igeitu goi Silo, ak koek karatia nganasani, ama komenyei chi? Ak kiiyumjigei bik tugul Jeremia eng’ gotab Jehovah.

JEREMIA 27:8

Ak tun abire bororiet ak bounatet ne maotei Nebukadnesar nito laitoriatab Babulon, ak ne esioi konde kaatinywa chogitab laitoriatab Babulon, abire bororionoto rotwetab chok, ak rubet, ak koroito, agoi agesu ichek eng’ eunnyi, mwaei Jehovah.

JEREMIA 33:10

Mwaei Jehovah ko u ni kole: Ta kegasei kogeny eng’ olito, ole omwae, ole, Karatia, ama mi chi anan tiony, choto ko nganasokab Juda, ak ortinwekab Jerusalem, che kigoguber, ama mi chi, ama mi chi ne menyei, ama mi tiony,

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 4:29

Mweei nganaset komugul amu waagatab bik che lanyei mbartanyisiek ak bikab kwangok; chutei sondisiek ak kolany ruandosiek: kimetoi nganaset age tugul, ama menyei chi oloto.

JEREMIA 44:2

Mwaei Jehovah ne bo lugosiek, Kamuktaindetab Israel, ko u ni kole: Kiogeer yaitiet tugul ne kiapchi Jerusalem, ak nganasok tugul che bo Juda; ak ogeero, karatwek rani nganasochato, ama mi chi ne menyei oloto;

JEREMIA 46:18

Mwaei Laitoriat ne kainennyi ko Jehovah ne bo lugosiek, kole, Ko u ye asobe, nyonei iman inendet ko u Tabor eng’ tulonok, ak ko u Karmel eng’ ole negite nyanjet.

JEREMIA 49:19

Ogeero, togosu inendet ko u ng’etundo kobunu Jordan ko kanyi beek mising’ kobargei ak meng’otet ne kim: ago achee, aone komwei inendet; ak age tugul ne kileweni, agochini koboi inendet: amu ng’o ne kegerge? Ak ng’o ne ng’atwa betut? Ak ng’o mestowot ne tononi eng’ tainnyu?

JEREMIA 5:6

Barei anyun ichek ng’etundo ne mong’une osnet, barei ichek suiyot ne bo ong’atet, sapchin cheblanget nganasokwak, kitonatoni age tugul ne mong’u eng’ oloto: amu chang’ bistaosiekwak, ak kigotesak kachuchugenywa bo ge.

JEREMIA 50:17

U Israel kechirek che kigoiyesta; kigoon ng’etunyik inendet: kisib koam inendet laitoriatab Asuria; ak eng’ let koiri kowekyik Nebukadresar, nito laitoriatab Babulon.

JEREMIA 50:44

Ogeero, togosu inendet ko u ng’etundo kobunu Jordan ko kanyi beek mising’ kobargei ak meng’otet ne kim: ago achee aone komwei inendet: ak age tugul ne kileweni, agochini koboi inendet: amu ng’o ne kegerge, ak ko ng’o ne ng’atwa betut? Ak ko ng’o mestowot ne tononi eng’ tainnyu?

JEREMIA 8:16

Kigasei eng’ Dan waagatab serunekab mbartanyisiekyik: botani emet komugul amu cheetab kateetab chechik che kimen; amu kagobwa, ak kagoam emet koboto tuguk tugul che kami; nganaset koboto che menyei orit.

JEREMIA 9:11

Ak ayai Jerusalem koek karurugutik, ole menyei lelwek; ak ayai nganasokab Juda koek karatia, ole mamenyei chi.

EZEKIEL 12:20

Ak king’emei nganasok che kimenyei, ak koguber emet; si onai ole a Jehovah.

EZEKIEL 21:31

Ak arong’jin neregekyuk; aguutyinin matab neregekyuk: ak andein eunekab bik che u tiong’ik, che ng’omen eng’ ng’emisiet.

EZEKIEL 32:2

Ee, weritab chi, rir agobo Parao laitoriatab Misri, ak ilenji, Kiga kirogenen ng’etundo ne neran ne bo bororiosiek: ago i u maswetit eng’ nyanjosiek; imong’u koboto ainosieguk, ak iwase beek eng’ kelyeguk, ak isamisi ainosiekwak.

DANIEL 5:19

kibotanso ak koiyweis eng’ tainnyi bik tugul, bororiosiek tugul, ak che bo kutuswek tugul, amu oindo ne kiigochi inendet: kibarei ne kimachei kobar, ak kibagaktoi kosob ne kimakyin kosob; kiieeti ne kimachei koeet, ak kiiming’ini ne kimachei koming’in.

DANIEL 7:4

Ki u ne bo tai ng’etundo, ak kitinyei kebebaik che u che bo kipsichit: kiageer agoi kesul kebebaikyik, ak kigiganab eng’ ng’ony, ak keng’at kotonone kelyek aeng’ ko u chito, ak kigigochi naet ne u ne bo chito.

ATEPTAP LAWIK 26:31

Ak ayai nganasokwok koek karotwek, ak ayai oldinwekwok che tililen koek kipkuberet; ma achame kong’ucha anyinyindab nyamdutikwok.

ATEPTAP LAWIK 26:33

Ak aiyestochok bororiosiek alak, ak ang’usu rotwetab chok kosubok: ak koguber emeng’wong’, ak koek karotwek nganasokwok.