JEREMIA 4:6 - BUKUIT NE TILIL

⁶ Onamji barak songoliet kotokyigei Sion: omwei, osoruge, amogage: amu aibu yaitiet eng’ murot ne bo katam, ak ng’emisiet ne o.

Bukuit Ne Tilil

⁶ Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

BUKUIT NE TILIIL Sireet ne Dutero Kanon

⁶ Onamji parak songolyet kotokyigei Zion, omwei osarugei, amogagei amu aibu yaityet eng' murot kaataam ak ng'emisyet ne oo.

JEREMIA 4:6 ပူးပေါင်းရင်းမြစ်များ

ISAIAH 62:10

Omande, omandae ormarichok; ochob oretab bik; ochob, ochob oret ne o; oiste koik; onamji barak songoliet agobo bik.

JEREMIA 10:22

Ogeero, kigasei ng’alek kobwanei, ak kirgirenet ne o komong’une emetab murot ne bo katam, si kobiit koyai nganasokab Juda koek karatia, ole menyei lelwek.

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 21:7

Ak ye ibata, mwaei Jehovah, asoru Sedekia laitoriatab Juda, ak otwogikyik, ak bik, bik che ng’etu eng’ nganasanito, asoru eng’ koroito, ak eng’ rotwetab chok, ak eng’ rubet, agoite koba eutab Nebukadresar laitoriatab Babulon, ak koba eunekab bunikwak, ak eunekab icheget che cheng’ei sobonwekwak: ak kobar ichek eng’ rotwetab chok; mabagaktoi, ama rire, ama riregei.

JEREMIA 22:7

Ak achob ng’emik agobo inye, chi tugul ak karikyik: ak koluul ichek taragoniguk che kororon ak kowirji ma.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 4:21

Ageere songoliet ak agase cheetab iriaget kot kotianit!

JEREMIA 50:2

Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

JEREMIA 50:22

Mitei emet bolatetab boriet, ak ne bo ng’emisiet ne o.

JEREMIA 51:12

Onamji barak songoliet, otokyi irimoikab Babulon, ogimit ripset, onde ribik, ochob bik che sapchin: amu kagochob Jehovah ak koyai kit ne kimwa agobo bik che menyei Babulon.

JEREMIA 51:27

Onamji barak songoliet eng’ emet, oguut iriaget eng’ bororiosiek, ochob bororiosiek kobargei ak inendet, oguur bounatosiekab Ararat, ak che bo Mini ak che bo Askenas, kobargei ak inendet: olewen kiptaiyat ne baregei ak inendet; ogetu mbartanyisiek che u tinapchet.

JEREMIA 51:54

Waagatab rirek ne bunu Babulon, ak ne bo ng’emisiet ne o ne bunu emetab Kaldeik!

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

JEREMIA 6:22

Mwaei Jehovah ko u ni kole, Ogeero, bunu bik emet ne mi murot ne bo katam; king’eeti bororiet ne o ne bunu komoswek che looen che bo ng’ony.

EZEKIEL 9:1

Yeityo komwawa eng’ kutit ne o, agase, kolenja, Mwachji icheget che ribei nganaset korik, kotinyei chi age tugul karnennyi ne barisie eng’ eunnyi.

EZEKIEL 9:2

Ak ogeero, kibwa bik lo kobunu oretab ormarichet ne bo meto, ne tokyingei murot ne bo katam, kotinyei chi age tugul karnennyi ne barisie; ak kiilaachi chito agenge eng’ ichek ngorietab katanit, kotinyei age tugul laletab wino eng’ suennyi. Ak kiba orit, ak kotononie ole negite kaptisisietab sugunwet.

SEPANIA 1:10

Mwaei Jehovah kole, Tun biitu eng’ betunoto waagatab rirek ne bunu ormarichetab njirenik, ak waagat ne bunu kebebertab nganaset, koboto cheet ne o ne bunu tulonok che mengechen.

SEKARIA 6:6

Wendi karit ne bo mbartanyisiek che tuuen kotokyingei emet ne bo murot ne bo katam; ak kiba che leelachen kosub choto, ak kiba che busienen kotokyigei emet ne bo murot ne bo tai.