JEREMIA 4:4 - BUKUIT NE TILIL

⁴ Omuratange obunji Jehovah, oiste irirenikab mugulelwekwok, okwek bikab Juda ak che omenye Jerusalem: si mamong’ neregekyuk che koromen ko u mat, ak kolalyo kot ko maimuchi chi komis, amu yaitietab boisionikwok.

Bukuit Ne Tilil

⁴ Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

BUKUIT NE TILIIL Sireet ne Dutero Kanon

⁴ Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 4:4 ပူးပေါင်းရင်းမြစ်များ

2 ATEPTAP PEETUUSYEK 34:25

amu kigometa, ak kigobeelji nyamdutik kanamonik, si kobiit kotacha anerech eng’ boisionik tugul che bo eunekwak; noto anyun, karong’jige neregekyuk yuto, ama kimisi.

ISAIAH 10:17

Ak koek mat lapkeiyetab Israel, ak koek nenyi Ne Tilil liblibenetab mat, ak kobeel kwong’ katokyik ak katablelinikyik betunak.

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

ISAIAH 51:17

Ng’eet, ng’eet, tonon, ee Jerusalem, ne kiiee kikombetab neregek che koromen che bo Jehovah eng’ eunnyi; kiiee tabetab kikombet ne bo terteriotet icholol.

JEREMIA 15:14

Ak agochi koba koboto buniguk emet ne mengen: amu kagolal mat eng’ neregekyuk, ne lalenen.

JEREMIA 21:12

Ee gotab Daudi, mwaei Jehovah ko u ni kole, Oyai kiruoget karon, osoru ne kigiluul komong’ eng’ eutab usindet, si mamong’ neregekyuk che koromen ko u mat, ak kolal kot ko mami ne imuchi komis, amu yaitietab boisionikwok.

JEREMIA 21:5

Ak kebarege ak okwek eng’ eut ne chuulat, eut ne kim, eng’ neregek, ak eng’ neregek che ng’wonen, ak eng’ neregek che eechen.

JEREMIA 23:19

Ogeero, kagomong’ kipchurjurietab Jehovah, noto neregekyik che koromen, ee, kipchurjuriet ne usei kot: kwerei metowekab kiptengeginik.

JEREMIA 36:7

Tamangab komwaita somutikwak eng’ taitab Jehovah, ak koweek chi age tugul kometo orennyi ne ya: amu eechen neregek koboto neregek che ng’wonen che kigomwa Jehovah agobo bichu.

JEREMIA 44:22

kot ko mata komuch Jehovah komuita, amu yaitietab boisionikwok, ak amu tuguk che kiwechei che kioyai? Kiek anyun emeng’wong’ ne kuberot, ak ne kikwong’e, ak ne kisasei, ama menyei chi, ko u ye u rani.

JEREMIA 9:25

Ogeero, bwanei betusiek, mwaei Jehovah, ye tun abire tugul che kigimuratan eng’ kamuratanenywa ne ma kamuratanet;

JEREMIA 9:26

Misri, Juda, Edom, ak lagokab Amon, koboto Moab, ak tugul che biori metowekwak, che menyei ong’atet: amu ma imuratanotin bororiosiek tugul, ama imuratanotin mugulelwekab got tugul ne bo Israel.

RIREKAB JEREMIA 4:11

Kigoyai Jehovah neregekyik che ng’wonen kosulda, kigorong’ neregekyik che koromen; Ak kigonaam mat eng’ Sion, ne kigobeel lumeiywekyik.

EZEKIEL 16:38

Ak aruogun, ko u ye kiruokyin kwonyik che butei kayosietab katunisiet, ak che tumdoi korotik; ak aibun korotikab neregek che ng’wonen ak ng’etkonda.

EZEKIEL 18:31

Omete bistaosiekwok tugul che kigogonok obistoe; ak ochopchige muguleldo ne leel ak tamirmiriet ne leel: amu nee si obegu, ee gotab Israel?

EZEKIEL 20:33

Mwaei Kiptaiyat Jehovah kole, Iman, ko u ye asobe, aegu laitoriat aboiywok eng’ eut ne kim, ak eng’ eut ne chuulat, ak eng’ neregek che ng’wonen che rong’ugei.

EZEKIEL 21:17

Arabachi eunekyuk, ak agesu anyun neregekyuk che ng’wonen: kamwae ane Jehovah ng’olyondonito.

EZEKIEL 24:13

Mi yaitiet simdang’ung’: amu kiatililin, ama itililage, magitililin kogeny eng’ simdang’ung’, kot agesu neregekyuk che ng’wonen eng’ inye.

EZEKIEL 24:8

si kobiit kong’eet neregek che ng’wonen konyo koyaakta mugetut, kaande korotikyik ruandet barak si ma kituch.

EZEKIEL 44:7

amu kiomutu kipsagarek, che ma kimuratan mugulelwek, ama kimuratan borwek, kotebe oldanyu ole tilil, si komuruon, noto gonnyu, ye kogoitoi amitwogikyuk, mwanik ak korotik, ak kigobut kayomisennyu, si kotesyi tugukwok tugul che kiwechei.

EZEKIEL 6:12

Barei koroito inendet ne mi ole loo; ak barei rotwetab chok inendet ne negit; ak barei rubet inendet ne ng’etu ne kigigerji nganaset: ayae neregekyuk che ng’wonen kosulda ko u noto eng’ ichek.

EZEKIEL 8:18

Ayae anyun agane eng’ neregek che ng’wonen: marirenen kondanyu, ama rira mo: agot nganda rirja eng’ waagat ne o, ko magasyini.

ATEPTAP LAWIK 26:28

atilok let anyun eng’ bandanyu eng’ neregek che bichien, ak abirok agane konyil tisab amu tengekwogikwok.

ATEPTAP LAWIK 26:41

ak kiatil let agane ichek, ak amutu ichek kobwa emetab bunikwak: ngoming’ingei anyun mugulelwekwak che ma imuratanotin, ak kotaach biretab tengekwogikwak;

AMOS 5:6

Ocheng’ Jehovah si osopche: si ma lal ko u mat eng’ gotab Josep, ak kobeel koges, ama biitu chi ne imisi eng’ Bet-el:

SEPANIA 2:2

kotom kosulda ng’atutiet, kotom kosiirto betut ko u metetek, kotom kobwanjok neregek che koromen che bo Jehovah, kotom konyonjok betutab neregekab Jehovah.

ROMANIK 2:25

Amu toreti iman kamuratanet, ngo i yaindetab Ng’atutiet: ago ngot ko i butindetab Ng’atutiet, ko kagoek kamurataneng’ung’ ne ma kamuratano.

NG'ATUTIK 10:16

Omuratan mugulelwekwok anyun, amoegu bik che uuen metowek.

NG'ATUTIK 30:6

Ak komuratan Jehovah Kamuktaindeng’ung’ muguleldang’ung’, ak mugulelwekab iyoteng’ung’, si icham Jehovah Kamuktaindeng’ung’ eng’ muguleldang’ung’ komugul, ak eng’ sobondang’ung’ komugul, si isob.

NG'ATUTIK 32:22

Amu kalal mat ne bo neregekyuk, Ak lalei agoi keringet ne loo mising’, Ak kobeel ng’ony koboto ruratennyi, Ak kobeel ole tonone tulonok.

KOLOSAIK 2:11

kigimuratanak eng’ inendet eng’ kamuratanet ne kima kiyae eunek, eng’ istoetab bortab banyek, eng’ kamuratanetab Kristo;