JEREMIA 4:27 - BUKUIT NE TILIL

²⁷ Amu mwaei Jehovah ko u ni kole, Egu emet tugul karaita; ago magesu.

Bukuit Ne Tilil

²⁷ Amu mwaei Kamuktaindet ne Toroor kole, egu emet tugul karaita; ago magesu.

BUKUIT NE TILIIL Sireet ne Dutero Kanon

²⁷ Amu mwaei Kamuktaindet ne Toroor kole, egu emet tugul karaita; ago magesu.

JEREMIA 4:27 ပူးပေါင်းရင်းမြစ်များ

2 ATEPTAP PEETUUSYEK 36:21

si kosulda ng’olyotab Jehovah ne kimwa eng’ kutitab Jeremia, agoi kogasegei emet sabatosiekyik: amu kirib sabatosiekyik eng’ betusiechoto kima komenyei chi, kot kosulda kenyisiek tamanwogik tisab.

NEEMIA 9:31

Ago eng’ rirenosieguk che chang’ ko ma igesu ichek, anan imete, amu i Kamuktaindet ne bo mieindo, ak ko nyiitat rirenet.

ISAIAH 17:6

Nganda u noto, kong’etu turonik, ko u ye kitumdumi emdit, ak kong’etune logoek aeng’ anan ko somok eng’ temet ne tabanu barak, ak kong’etune ang’wan anan ko mut eng’ temenik che kiiwakta kolooegitu che bo ketit ne rurei, mwaei Jehovah, Kamuktaindetab Israel.

ISAIAH 24:1

Ogeero, yaei Jehovah ng’ony koek ole mami kiy, koek surkwen, ak kogabui, ak koseer bik che menyei oloto.

JEREMIA 18:16

si koyai emenywa koek kwong’et, ak koek ne kirenyei kotugul; kwong’e age tugul ne siirtoi eng’ yoto, ak kolelechi metinnyi.

JEREMIA 25:11

Ak koek karatia emoni komugul, ak kwong’et; ak koot bororiosiechu latioriatab Babulon kenyisiek tamanwogik tisab.

JEREMIA 30:11

Amu ami koboten, mwaei Jehovah, si asorun; amu agesu bororiosiek tugul che kigayestochin, ago magesun inye; ago atigonenen kiruoget, amabagaktoin ama kibirin.

JEREMIA 4:20

Kagemwaita ng’emisiet eng’ ng’emisiet; amu kagong’emak emet komugul: kagechea keng’em emaisiekyuk, ak angokyuk eng’ sainato.

JEREMIA 4:7

Kamong’ ng’etundo eng’ sondinnyi, ne ng’emindetab bororiosiek, mi oret, kagomong’ eng’ oldanyi; si kobiit koyai emeng’ung’ koguber, ak koek nganasoguk karatia, ama komenyei chi.

JEREMIA 44:6

Kirong’gei anyun neregekyuk che ng’wonen ak neregekyuk, ak kilalyo eng’ nganasokab Juda ak eng’ ortinwek che bo Jerusalem; ak kigoek karatwek ak kigoguber, ko u kit ne u betusiechu.

JEREMIA 46:28

Ameiywei, ee Jakobo otwogindennyu, mwaei Jehovah; amu ami koboten: amu agesu bororiosiek tugul che kigaonjin, ago magesun; ago atigonin eng’ kiruoget, amabagaktoin ama kibirin.

JEREMIA 5:10

Otogoste irimoikyik, ak ong’em; ago mong’em ogesu: oiste temenikyik: amu ma bo choto Jehovah.

JEREMIA 5:18

Ago mwaei Jehovah kole, Agot eng’ betusiechoto, ko mageswok.

JEREMIA 7:34

Agochini anyun kosis tugetab boiboiyet ak ne bo kagasetab ge, ne bo sandet ak ne bo mureret, eng’ nganasokab Juda, ak ortinwekab Jerusalem, amu egu emet karatia.

JEREMIA 9:11

Ak ayai Jerusalem koek karurugutik, ole menyei lelwek; ak ayai nganasokab Juda koek karatia, ole mamenyei chi.

RIREKAB JEREMIA 2:7

Kigotimda Kiptaiyat kaptisisiennyi, ak kigowech oldanyi ne tilil, Kigonde irimoikab gorikyik che bo laitorinik, eutab bunyot: Kigobolyo eng’ gotab Jehovah, ko u eng’ betutab tuiyet ne kiging’at.

EZEKIEL 11:13

Ak kime Pelatia weritab Benaia ye kiamaoteni, kiabut anyun kot kotiiny togennyu ng’ony, ak arir eng’ kutit ne o, ale, Bwa Kiptaiyat Jehovah! Tos igesu che king’et che bo Israel?

EZEKIEL 20:17

Nganda u noto, ko kirire kondanyu ichek si mang’em, ama agesu ichek eng’ ong’atet.

EZEKIEL 33:28

Ak ayae emet koguber ak koek ne kikwong’e, ak kogesgei menotetab kimnatennyi; ak koek surkwen tulonokab Israel, kot ko ma kobunei chi.

EZEKIEL 6:14

Ak achuulji ichek eunnyu, ak ayai emet koguber ak koek karatia, koboch ong’atet kotokyigei Dibla, eng’ meng’otosiekwak tugul: si konai ichek kole a Jehovah.

ATEPTAP LAWIK 26:31

Ak ayai nganasokwok koek karotwek, ak ayai oldinwekwok che tililen koek kipkuberet; ma achame kong’ucha anyinyindab nyamdutikwok.

ATEPTAP LAWIK 26:44

Agot nganda u choto tugul, ye mi emetab bunikwak, ko maesioi ichek, amaweche, amang’eme awong’u, ak mabute kayomisennyu koboto ichek: amu a Jehovah Kamuktaindenywa:

SEPANIA 1:18

Ama imuchi fedaisiekwak anan tahabusiekwak kosor ichek eng’ betutab neregekab Jehovah; ago kibeelei emet komugul eng’ matab ng’etkondanyi: igesu, ee, igesu eng’ kamuiset, ichek tugul che menyei emet.