JEREMIA 4:2 - BUKUIT NE TILIL

² ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

Bukuit Ne Tilil

² ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

BUKUIT NE TILIIL Sireet ne Dutero Kanon

² ak ngot iyasye ko uu ni ile, ‘Ko uu ye sabei Kamuktaindet ne Toroor,’ eng' imanit, eng' kirwooget ak lititindo, konyooru kaberuret pororyosyek eng' aneendet ak kolasunenogei.”

JEREMIA 4:2 ပူးပေါင်းရင်းမြစ်များ

TAUNET 22:18

ak tun kiberuri bororiosiek tugul che bo ng’ony eng’ keswondeng’ung’; amu kegas it kutinnyu.

1 LAITORINIK 3:6

Ak kile Solomon, Kiiyachi otwogindeng’ung’ Daudi baba mieindo ne o, ko u ye kiwendote taing’ung’ eng’ imanit, ak eng’ imanda, ak eng’ lititindab muguleldo eng’ inye; ak kiigonorji inendet mieini o, amu kiigochi inendet werit kotebe ng’echerennyi ne bo laitornatet, ko u ra.

TIENWOGIKAL 72:17

Tebyei kainennyi koigeny; Tebyei kainennyi kota komi asista: Ak kiberuri bik eng’ inendet; Ak kuure bororiosiek tugul ne baibai.

TIENWOGIKAL 99:4

Chamei kimnatetab laitoriat kiruoget; Igimiti imanda, Iyae kiruoget ak imanda eng’ Jakobo.

ISAIAH 45:23

Kiayosiechige, kagomong’une ng’olyot kutinnyu eng’ imanda, ama weechegei, ale, kutung’jina kutundo age tugul, iyostos ng’elyepta age tugul.

ISAIAH 45:25

Kiityin imanda iyotet tugul ne bo Israel eng’ Jehovah, ak kolosunegei.

ISAIAH 65:16

si koek ne iberuregei eng’ ng’ony ne iberuregei eng’ Kamuktaindet ne bo iman, ak koek ne iyostos eng’ ng’ony ne iyostos eng’ Kamuktaindet ne bo iman; amu kigeutie nyalilwogik che bo tai, amu kigeuny si ma ageere.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

JEREMIA 12:15

Ak ye kaatut ichek, aweechige ak arire ichek; ak amutu kogeny, konyo age tugul borotennyi, ak konyo age tugul emennyi.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 3:17

Tun kuure ichek Jerusalem eng’ betusiechoto, ng’echeretab laitornatet ne bo Jehovah, ak koyumjigei bororiosiek tugul, koyumjigei kainetab Jehovah, eng’ Jerusalem: ama kobendote uuindab mugulelwekwak che yaachen.

JEREMIA 33:9

Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

JEREMIA 5:2

Agot ngo mwaei ichek kole, Ko u ye sobei Jehovah; koyostos iman eng’ lembechek.

JEREMIA 7:5

Amu ngot olitit komie ortinwekwok ak boisionikwok; ak ngot oruoksechi komie chi ak chitab kokwennyi;

JEREMIA 9:24

ago ingolosgei eng’ ng’olyondoni inendet ne ilosugei, kole, ingena ak konaa, kole, a Jehovah ne boisie chamnyet ne tala, kiruoget, ak imanda eng’ ng’ony: amu aboiboitune tuguchuto, mwaei Jehovah.

HOSEA 2:19

Ak achob ale atunin koigeny; ee, achobe atunin eng’ imanda, ak eng’ kiruoget, ak eng’ chamnyet ne tala, ak eng’ rirenosiek.

JOEL 2:12

Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

1 KORINTOEK 1:31

si koek, ko u ye kigisir kele, Inendet ne ilosugei, ko ingolosgei eng’ Kiptaiyat.

2 KORINTOEK 10:17

Ago inendet ne ilosugei, ingolosgei eng’ Kiptaiyat.

GALATYEK 3:8

Ak kiisib kogeer sirutiet kole iityin Jehovah imanda Bororiosiek eng’ kayanet, ko kiisib koamji logoiywek che miach Abraham, kolenji, Kiberuri bororiosiek tugul eng’ inye.

NG'ATUTIK 10:20

Iywei anyun Jehovah Kamuktaindeng’ung’; boisiechi inendet; onamgei ak inendet, ak iyosie eng’ kainennyi.

NG'ATUTIK 4:30

Ak ye imitei nyalilda, ak kobwanjin tuguchu tugul, iweekyigei Jehovah Kamuktaindeng’ung’ anyun eng’ betusiek che bo let, ak igas kutinnyi:

NG'ATUTIK 6:13

Iywei Jehovah Kamuktaindeng’ung’; ak iot, ak iyosie eng’ kainennyi.

PILIPIK 3:3

amu ki kamuratanet achek, che saei eng’ Tamirmirietab Jehovah, ak kilosuge eng’ Kristo Jesu, ama kitinye kamang’unet eng’ borto:

RUTH 3:13

Tebi kemouni, ak ngot koyaun chichoto mutai karon noto nyolunot eng’ chitab oret, ko mie noto; ko ingoyai noto nyolunot eng’ chitab oret: ago ngot ko mayaun noto nyolunot eng’ chitab oret, ayai anyun noto nyolunot eng’ chitab oret, ko u ye sobei Jehovah; ru anyun agoi koeech.

1 SAMUEL 20:3

Ak kogeny, kiiyosio Daudi kogeny kole, Ingen kwandang’ung’ komie kole, Kianyoru chamet eng’ taing’ung’; ak kile, Amat konai Jonatan kiito, si maarogen: ago iman ko u ye sobei Jehovah, ak ko u ye sobei sobondang’ung’ agine, komi kakwautiet agenge kityo eng’ kwenunnyu ak meet.