JEREMIA 4:16 - BUKUIT NE TILIL

¹⁶ Omwachi bororiosiek; ogeero, omwachi Jerusalem, olenji, Ibogu bik che ng’eete emet ne loo, ak kowaage nganasokab Juda.

Bukuit Ne Tilil

¹⁶ Omwachi pororyosyek, obarastachi Jerusalem, oleenji, ibogu piik che ng'eete emet ne loo, ak imuui nganasoogap Judah.

BUKUIT NE TILIIL Sireet ne Dutero Kanon

¹⁶ Omwachi pororyosyek, obarastachi Jerusalem, oleenji, ibogu piik che ng'eete emet ne loo, ak imuui nganasoogap Judah.

JEREMIA 4:16 ပူးပေါင်းရင်းမြစ်များ

ISAIAH 34:1

Origu okwek bororiosiek, si ogas; ak oeb it okwek bik: ingogas emet, ak tuguk che nyiitat oloto; ng’ony ak tuguk tugul che mong’une.

ISAIAH 39:3

Kinyo anyun maotiot Isaia oldab laitoriat Hesekia, ak koteebe kolenji, Kale nee bichu? Ak kabunu ano kobwanei oling’ung’? Ak kile Hesekia, Kabwa olinnyu kobunu emet ne loo, emetab Babulon.

JEREMIA 1:15

Keero, aguure ortinwek tugul che bo bounatosiekab murot ne bo katam, mwaei Jehovah; ak kobwa, ak konde age tugul ng’echerennyi ne bo laitornatet ye kimandoe eng’ ormarichokab Jerusalem, ak kotokyigei irimoikyik tugul, ak kotokyigei nganasok tugul che bo Juda.

JEREMIA 16:6

Bekyin emoni che eechen ak che mengechen: magitubei, ama iteetos bik agobo ichek, anan kotilgei, ama icheru metowekwak;

JEREMIA 2:15

Kigoborisenji barnotikab ng’etunyik, ak komoror mising’; ak kigong’em emennyi koek karatia; kigebeel nganasokyik, ma komenyei chi.

JEREMIA 31:10

Ogas ng’olyotab Jehovah, ee okwek bororiosiek, ak omwaite nito eng’ ngegusiek che looen ole, Inendet ne kiiyesta Israel, koyumi ak korib, ko u ye ribei mestowot akwennyi.

JEREMIA 39:1

Ak kingo kageluul Jerusalem (eng’ kenyitab sogol ne bo Sedekia laitoriatab Juda, eng’ arawetab taman, konyo Nebukadresar laitoriatab Babulon koboto lugennyi tugul kobokyi Jerusalem, ak koyiem;

JEREMIA 4:17

Kigoyiem ichek ko u ribik che ribei mbaret; amu kigongelelja, mwaei Jehovah.

JEREMIA 5:15

Ogeero, amutwok bororiet ne bunu ole loo, ee gotab Israel, mwaei Jehovah: bororiet ne kim, bororiet ne bo keny mising’, bororiet ne mengen kutinnyi, ameguitosi kit ne mwaei.

JEREMIA 5:6

Barei anyun ichek ng’etundo ne mong’une osnet, barei ichek suiyot ne bo ong’atet, sapchin cheblanget nganasokwak, kitonatoni age tugul ne mong’u eng’ oloto: amu chang’ bistaosiekwak, ak kigotesak kachuchugenywa bo ge.

JEREMIA 50:2

Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

JEREMIA 6:18

Ogas anyun, okwek bororiosiek, ak onai, ee okwek tuiyet, kit ne mi kwenunywa.

JEREMIA 6:19

Ogas okwek ng’ony, ogeero, aipchini bichu yaitiet, logoekab kabwatutikwak, amu ma epchi it ng’alekyuk; ak kigoesio ng’atutikyuk.

JEREMIA 6:22

Mwaei Jehovah ko u ni kole, Ogeero, bunu bik emet ne mi murot ne bo katam; king’eeti bororiet ne o ne bunu komoswek che looen che bo ng’ony.

JEREMIA 6:23

Tinyei kwanget ak ng’otit; koromen, ama tinyei rirenet; morori cheenywa ko u nyanjet, ak lanyei mbartanyisiek; chobot age tugul ko u chito ne wendi luget, kobokyinin, ee cheptab Sion.

JEREMIA 8:19

Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

EZEKIEL 21:22

Kimi eunnyi ne bo tai ng’orset agobo Jerusalem, si konde injinisiek che kibutisie, si koseng’eng’ji barisiet, ak kowaach mising’, konde injinisiek taitab ormarichok, kowasyi ng’ung’unyek, koteech irimoik.