JEREMIA 4:1 - BUKUIT NE TILIL

¹ Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

Bukuit Ne Tilil

¹ “Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

BUKUIT NE TILIIL Sireet ne Dutero Kanon

¹ “Ngot iweege, ee Israel, iweekyinage,” mwaei Kamuktaindet ne Toroor “Ngot iiste tuguuguk che kiwechei eng' tainnyu, koma keistoin anyun,

JEREMIA 4:1 ပူးပေါင်းရင်းမြစ်များ

TAUNET 35:2

Kimwachi Jakobo anyun bikab gonnyi, ak tugul che kimi koboto inendet, kolenji, Olakte kanaamonik che mi kwenung’wong’ che bo bororiosiek alak, ak oanyingei, ak owal ngoroikwok:

2 LAITORINIK 23:13

Ak kiing’wanit laitoriat komoswek che tororen che kimi taitab Jerusalem, che kimi eutab tai ne bo tulwetab ng’emisiet, ne kiga teekyi Solomon laitoriatab Israel Astoret ne kiwechei ne bo Sidonik, koboto Kemos ne kiwechei ne bo Moab, ak Milkom ne kiwechei ne bo lagokab Amon.

2 LAITORINIK 23:24

Ago kiisto Josia ichek che kiboisie oik, ak bonik, ak terapik, ak kanamonik, ak tuguk tugul che kiwechei che kigigeerei eng’ emetab Juda ak eng’ Jerusalem, si kobiit kogimit ng’alekab Ng’atutik che kiga kisir eng’ bukuit ne kinyor Hilkia tisiindet eng’ gotab Jehovah.

2 ATEPTAP PEETUUSYEK 15:8

Ak kingogas Asa ng’alechuto, ak maoinatetab maotiot Obed, konyiganit, ak koisto tuguk che kiwechei eng’ emet tugul ne bo Juda ak Benjamin, ak eng’ nganasok che kiga koreb eng’ emetab tulonokab Epraim; ak kiteech kogeny kaptisisietab Jehovah, ne kimi taitab keterutab Jehovah.

2 ATEPTAP PEETUUSYEK 33:8

amaistoi kogeny keldab Israel eng’ emet ne kiaarorji kwanisiekwak: ngot korib koyai tugul che kiang’at ichek eng’ Musa, ng’atutik tugul ak etanutik ak kayomisutik.

2 ATEPTAP PEETUUSYEK 34:33

Ak kiisto Josia tuguk tugul che kiwechei eng’ emotinwek tugul che bo Israel, ak kong’at bik tugul che bo Israel kootis, koot Jehovah Kamuktaindenywa. Ma meto bichoto kosub Jehovah Kamuktaindetab kwanisiekwak, eng’ betusiekyik tugul.

ISAIAH 31:6

Oweekyige inendet ne kiongelelji mising’, ee lagokab Israel.

JEREMIA 15:19

Mwaei anyun Jehovah ko u ni kole, Ngot iweege, amutun kogeny, si kobiit itonon eng’ tainnyu; ak ngot inemu kit ne mie komong’ eng’ kit ne ya, iigeitu kutinnyu: weekyiningei ichek, ago meweekyinigei ichek.

JEREMIA 15:4

Ak agoite ichek kewirji komosi ak komosi eng’ bounatosiek tugul che bo ng’ony, amu kit ne kiyai Manase weritab Hesekia laitoriatab Juda eng’ Jerusalem.

JEREMIA 18:11

Ara anyun, ui ng’alalji bikab Juda, ak bik che menyei Jerusalem, ilenji, Mwaei Jehovah ko u ni kole: Ogeero, achobe yaitiet agobo okwek ak achobe kit ne aitook: ingoweeigei age tugul eng’ okwek, kometo orennyi ne ya, ak olitit ortinwekwok ak boisionikwok.

JEREMIA 24:9

agoitoi ichek koek che kiwirjin komosi ak komosi eng’ bounatosiek tugul che bo ng’ony si konyor taitiet; koek tewernatet, ak kalewenet, chotisiet ak sasisiet, eng’ komoswek tugul ole aonjini ichek.

JEREMIA 25:5

komwaei kole, Ingoweek age tugul eng’ okwek, kometo orennyi ne ya, ak eng’ yaitietab boisionikwok, ak omeny emet ne kigonok Jehovah koboto kwanisiekwok, koboch keny agoi koigeny;

JEREMIA 3:1

Mwaei ichek kole, Ngot koon chi osotiondennyi, ak kobagakta inendet ak koek osotiotab chito age, ko tos ta koweekyigei chichoto kwonyoto kogeny? Tos maimuruoni emonoto mising’? Ago kiiyai kugoinatet koboto chamanik che chang’; ago oweekyage kogeny, mwaei Jehovah.

JEREMIA 3:12

Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

JEREMIA 3:14

Oweege, okwek lagok che kiogetyige let, mwaei Jehovah; amu a manong’otiot eng’ okwek; ak amut chito agenge eng’ nganaset agenge, ak bik aeng’ che bo oret agenge, ak amutwak obwa Sion.

JEREMIA 3:22

Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 36:3

Abere tamangab kogas gotab Juda yaitiet tugul ne kaatil ale ayachini ichek; si koweek chi tugul eng’ ichek kometo orennyi ne ya, si anyochi kaat amu yaitienywa ak tengektanywa.

JEREMIA 4:4

Omuratange obunji Jehovah, oiste irirenikab mugulelwekwok, okwek bikab Juda ak che omenye Jerusalem: si mamong’ neregekyuk che koromen ko u mat, ak kolalyo kot ko maimuchi chi komis, amu yaitietab boisionikwok.

JEREMIA 7:3

Mwaei Jehovah ne bo lugosiek, Kamuktaindetab Israel, ko u ni kole, Olitit ortinwekwok ak boisionikwok, si agonok omeny yuto.

JEREMIA 7:5

Amu ngot olitit komie ortinwekwok ak boisionikwok; ak ngot oruoksechi komie chi ak chitab kokwennyi;

JEREMIA 7:7

agonok anyun omeny olito, emet ne kiagochi kwanisiekwok, koboch keny agoi koigeny.

EZEKIEL 11:18

Ak koba oloto, ak koisto tuguk tugul che samisen eng’ oloto, koboto tuguk tugul che kiwechei, koistogei eng’ oloto.

EZEKIEL 18:13

ne kigogoito tuguk si konyorune kelunet ne siirtoot, ak koib che tesotin: tos sob chichoto iman? Masobei: kigoyai tuguchuto tugul kiwechei: meei iman; tebe inendet korotikyik.

EZEKIEL 43:9

Ingoisto anyun nguno kugoinatenywa ak muswekab laitorinikwak, kolooitena, si ameny kwenunywa koigeny.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 2:2

Ogaigai komet, ogaigai; amu inendet ko ma osotiondennyu, ama a manong’otiondennyu: ak ingometo kugoinatosiekyik che mi togennyi, ak ingometo ibetab ge ne mi tegennyi;

HOSEA 7:16

Weechigei, ago maweekyingei inendet ne mi barak; u kwanget ne ma litit: kibarei bounikwak eng’ rotwetab chok amu neregekab ng’elyebwekwak: egu nito chotisienywa eng’ emetab Misri.

JOEL 2:12

Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

NG'ATUTIK 27:15

Chubot ne yaei kanamwet ne kiwaei anan ne kitanyi, ne wechei Jehovah, boisietab musogindet, ne lumdoi eng’ ung’ot. Ak kowol bik tugul kole, Amen.

NG'ATUTIK 4:30

Ak ye imitei nyalilda, ak kobwanjin tuguchu tugul, iweekyigei Jehovah Kamuktaindeng’ung’ anyun eng’ betusiek che bo let, ak igas kutinnyi:

JOSHUA 24:14

Oiywei anyun Jehovah, ak oboisiechi inendet eng’ muguleldo ne matinyei kenisiet ak eng’ imanit: ak oiste kanamonik che kiotei kwanisiekwok eng’ Ainet bitonin, ak eng’ Misri; ak oboisiechi Jehovah.

KIRUOGIK 10:16

Ak kiisto kanamonik che too eng’ kwenunywa, ak koot Jehovah: ak kiarogen sobondanyi amu nyalildab Israel.

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.