JEREMIA 39:8 - BUKUIT NE TILIL

⁸ Ak kibeel Kaldeik gotab laitoriat, ak gorikab bik, ak kobut irimoikab Jerusalem.

Bukuit Ne Tilil

⁸ Ak ki peel Kaldeik kootap laitoryat, ak kooriigap piik, ak kobut irimoigap Jerusalem.

BUKUIT NE TILIIL Sireet ne Dutero Kanon

⁸ Ak ki peel Kaldeik kootap laitoryat, ak kooriigap piik, ak kobut irimoigap Jerusalem.

JEREMIA 39:8 ပူးပေါင်းရင်းမြစ်များ

2 LAITORINIK 25:8

Ak kinyo Jerusalem Nebusaradan kiptaiyatab ribik, otwogindetab laitoriatab Babulon, eng’ arawetab mut, betutab tisab, ne ki kenyitab taman ak sogol ne bo laitoriat Nebukadnesar, laitoriatab Babulon:

2 ATEPTAP PEETUUSYEK 36:19

Ak kibeel gotab Kamuktaindet, ak kobut irimetab Jerusalem, ak kobeel gorik tugul che bo laitoriat, ak kong’em tuguk tugul che kororon che kimi gorjoto.

NEEMIA 1:3

Ak kimwawa kole, Tinyei nyalilda ne o, ak churisiet eng’ emonoto, bik che king’et eng’ che kiga keluul: ak kigobutok agine irimetab Jerusalem, ak kigebeel ormarichokyik.

TIENWOGIKAL 79:7

Amu kigoam Jakobo, Ak kigoyai koek karaita ole menyei.

ISAIAH 5:9

Mwaei Jehovah ne bo lugosiek, agase eng’ itikyuk, kole, Iman, kuberi gorik che chang’, agot che eechen che kororon, che mamenyei chi.

JEREMIA 17:27

Ago ngot ko mogasa it otaban betutab sabato, amoib laut age tugul ak obe orit obun ormarichokab Jerusalem eng’ betutab sabato; alaal anyun mat eng’ ormarichokyik, si kobeel gorikab laitoriat che bo Jerusalem, ama kimisi.

JEREMIA 21:10

Amu kaatokyi togennyu nganasani aipchi yaitiet, ma agobo mieindo, mwaei Jehovah; kindoi eutab laitoriatab Babulon si kobeel.

JEREMIA 32:29

ak kobwa Kaldeik che baregei ak nganasani, kobwa konaam nganasani, ak kobeel, koboto gorik, che kiigoitoe ichek nyamdutik che kibeelei, kogochin Baal eng’ baragutab gorichoto, ak korong’jin kanamonik che ter, kagochinoik che kieei, si kobiit kotacha anerech.

JEREMIA 34:2

Mwaei Jehovah, Kamuktaindetab Israel, ko u ni kole, Ui ing’alalji Sedekia laitoriatab Juda ilenji, Mwaei Jehovah ko u ni kole, Keero, agochini nganasani eutab laitoriatab Babulon, ak kobeel eng’ mat:

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 37:10

Amu nganda kiobar luget komugul ne bo Kaldeik che kiborienok, kot kong’et kityo bik che kigiguoten eng’ ichek, ko ta kong’eetei chi age tugul eng’ emainnyi, ak kobeel nganasani.

JEREMIA 38:18

Ago ngot ko mewe oldab bounikab laitoriatab Babulon, kindoi anyun nganasani eutab Kaldeik, ak kobeel, amechilili eng’ eunekwak.

JEREMIA 5:10

Otogoste irimoikyik, ak ong’em; ago mong’em ogesu: oiste temenikyik: amu ma bo choto Jehovah.

JEREMIA 7:20

Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

RIREKAB JEREMIA 1:10

Kogoiitochi bunyot eunnyi tugukyik tugul che koboiboitune: Amu kagogeer kole kogochut bororiosiek oldanyi ne tilil, Che kiing’at ile, amat kochut ichek tuiyeng’ung’.

RIREKAB JEREMIA 2:2

Kigolugui Kiptaiyat meng’otosiek tugul che bo Jakobo, ama rire; Kigobut eng’ neregekyik irimoikab cheptab Juda; Kigoturur ichek kobwa ng’ony: Kigong’wanit bounatet ak bounikyik.

RIREKAB JEREMIA 2:7

Kigotimda Kiptaiyat kaptisisiennyi, ak kigowech oldanyi ne tilil, Kigonde irimoikab gorikyik che bo laitorinik, eutab bunyot: Kigobolyo eng’ gotab Jehovah, ko u eng’ betutab tuiyet ne kiging’at.

EZEKIEL 16:41

Ak kobeel goriguk, ak koyaun kiruogutik eng’ taitab kwonyik che chang’; ak aetenen kugoinatet, ama ialisiei kogeny.

EZEKIEL 23:47

Ak kolach tuiyet ichek eng’ koik, ak kobar eng’ rotokwak che bo chok; ak kobar werikwak ak tibikwak, ak kobeel gorikwak.

EZEKIEL 33:21

Kinyonja chito age ne kiga chilil komong’ eng’ Jerusalem, kinyo eng’ kenyit ne bo taman ak aeng’, koboch ngab keluulech, eng’ arawetab taman, eng’ betut ne bo mut ne bo arawanato, kolenja, Kagebar nganaset.

AMOS 2:5

ago ayokyini mat Juda, ak kobeel gorikab laitoriat eng’ Jerusalem.

MIKAH 3:12

Kibati anyun Sion agobo okwek ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.