JEREMIA 39:6 - BUKUIT NE TILIL

⁶ Kibar anyun laitoriatab Babulon werikab Sedekia eng’ Ribla, kogeerei inendet: kibar kogeny laitoriatab Babulon bik che toogunotin tugul che bo Juda.

Bukuit Ne Tilil

⁶ Ki par anyun laitoryatap Babilon weeriigap Zedekiah eng' Ribla, kogeerei ineendet: ki par kogeny laitoryatap Babilon piik che taagunotiin tugul che po Judah.

BUKUIT NE TILIIL Sireet ne Dutero Kanon

⁶ Ki par anyun laitoryatap Babilon weeriigap Zedekiah eng' Ribla, kogeerei ineendet: ki par kogeny laitoryatap Babilon piik che taagunotiin tugul che po Judah.

JEREMIA 39:6 ပူးပေါင်းရင်းမြစ်များ

TAUNET 21:16

Yeityo kwo koteb ng’ony kotoorjigei inendet, eng’ ye loo kitigin, ye itei kipchabet ngemwokto: amu kile, Si mageer meetab lakwet. Kitebi kotoorjigei inendet, ak kiwaach korir.

TAUNET 44:34

Amu amuktoi ano anyun awo atogosta oldab baba, ama kimi ak lakwet? Si mageer yaitiet ne tun nyoru baba.

2 LAITORINIK 22:20

Ara anyun, keero, ayumin iwe ole mi kwanisieguk, ak kiyumin iwe ketering’ung’ eng’ kalyet, ama keerei konyeguk yaitionoto tugul aipchini koroni. Ak kiipchi ng’olyot laitoriat kogeny.

2 LAITORINIK 25:7

Ak kibar werikab Sedekia kogeerei inendet, ak kobar konyekab Sedekia, ak korat inendet eng’ sirimwek, ak komut kwo Babulon.

2 ATEPTAP PEETUUSYEK 34:28

Keero, ayumin iwe ole mi kwanisieguk, ak iwe kerering’ung’ eng’ kalyet, ama keerei konyeguk yaitiet tugul ne aipchini koroni, koboto bik che menyei. Ak kiipchin laitoriat ng’olyot kogeny.

ESTA 8:6

Amu amuktoi ano amuita ak ageere yaitiet ne nyonjin bikyuk? Anan amuktoi ano amuita ak ageere ng’emisietab tilionutikyuk?

ISAIAH 13:16

Kitonatoni lagokwak kogeerei; kiluulei gorikwak, ak kesuub osotikwak.

ISAIAH 34:12

Kuurei ichek bik che toogunotin kobwa bounatet, ago mabiitu chi eng’ oloto; egu buch bounikyik tugul.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 21:7

Ak ye ibata, mwaei Jehovah, asoru Sedekia laitoriatab Juda, ak otwogikyik, ak bik, bik che ng’etu eng’ nganasanito, asoru eng’ koroito, ak eng’ rotwetab chok, ak eng’ rubet, agoite koba eutab Nebukadresar laitoriatab Babulon, ak koba eunekab bunikwak, ak eunekab icheget che cheng’ei sobonwekwak: ak kobar ichek eng’ rotwetab chok; mabagaktoi, ama rire, ama riregei.

JEREMIA 34:3

amechilile eunnyi, ago kiluulin iman, ak kindein eunnyi, ak igeer laitoriatab Babulon togoch, ak ong’alal tuwai kimni, ak iwe Babulon.

JEREMIA 38:23

Ak komut osotiguk tugul komong’ ak lagoguk komutyi Kaldeik: amechilile eunekwak, ago namin laitoriatab Babulon: ak igoite nganasani kebeel.

JEREMIA 52:10

Ak kibar laitoriatab Babulon werikab Sedekia kogeerei inendet: kibar kogeny bounik tugul che bo Juda eng’ Ribla.

EZEKIEL 23:24

Ak kobokyin kotinyei karik, karisiek che bo luget ak karisiek che lau tuguk, ak tuiyet ne bo bororiosiek: ibokyinin kotinyei long’onik che eechen ak che mengechen ak chepkuloikab luget eng’ komoswek tugul: ak agochi ichek kiruoget, si koruogun, ko u kiruogutikwak.

EZEKIEL 24:5

Kwei kechirek che miach eng’ akwet, ak irurukyi ma kowek: ingowasgei mising’; ee, iyoe teronoto kowechoto.

SEPANIA 1:8

Ak tun abire eng’ betutab tiseiywotab Jehovah, bounik, werikab laitoriat, koboto ichek tugul che ilaachi ngoroikab toek.

NG'ATUTIK 28:34

agoi koamin iywek amu tugul che igeere eng’ konyeguk.