JEREMIA 39:18 - BUKUIT NE TILIL

¹⁸ Amu asorun iman, ama kibarin eng’ rotwetab chok, ago iluule sobeng’ung’ kobunjin: amu kiimang’wa, mwaei Jehovah.

Bukuit Ne Tilil

¹⁸ Amu asaruun iman, ama kibarin eng' rotwetap chok, ago iluule sabeeng'ung' kobunjiin: amu ki imang'wa, mwaei Kamuktaindet ne Toroor.

BUKUIT NE TILIIL Sireet ne Dutero Kanon

¹⁸ Amu asaruun iman, ama kibarin eng' rotwetap chok, ago iluule sabeeng'ung' kobunjiin: amu ki imang'wa, mwaei Kamuktaindet ne Toroor.

JEREMIA 39:18 ပူးပေါင်းရင်းမြစ်များ

1 ATEPTAP PEETUUSYEK 5:20

Ak kigitoret kobargei ak icheget, ak kiginde Hagrik eunekwak, koboto tugul che kimi koboto bichoto: amu kirirji Kamuktaindet komi luget, ak kigasyi inendet ichek; amu kiimang’ inendet.

Kitabuutap JOB 5:20

Itiachin eng’ rubet si mabarin; Ak kotiachin eng’ luget eng’ kimnatetab rotwetab chok.

TIENWOGIKAL 147:11

Baibai Jehovah eng’ ichek che iywei inendet, Eng’ icheget che imang’u rirenennyi.

TIENWOGIKAL 2:12

Oming’inityige werit si manerech, ak olusye eng’ oret, Amu negit kolalyo neregekyik. Iberurotin ichek tugul che imang’u inendet.

TIENWOGIKAL 33:18

Ogeero, keerei konyekab Jehovah ichek che iywei inendet, Icheget che igeni rirenennyi;

TIENWOGIKAL 34:22

Itiachi Jehovah sobonwekab kiboitinikyik: Ak magiruokyin agot agenge ne imang’u inendet.

TIENWOGIKAL 37:3

Imang’u Jehovah, ak iyai ne mie; Meng’isie eng’ emet, ak isub imanda.

TIENWOGIKAL 84:12

Ee Jehovah ne bo lugosiek, Baibai chi ne imang’un.

TIENWOGIKAL 91:7

Ibutos elfut eng’ ole negitenen, Ak ibutos elfusiek tamanu eng’ ole negite eung’ung’ ne bo tai; Ago marikyinin.

ISAIAH 26:3

Iribe inendet kotebe kalyet ne igesunotgei, inendet ne tiienengei kabwautuikyik: amu imang’un.

JEREMIA 21:9

Inendet ne tebe nganasani, kebarei eng’ rotwetab chok ak eng’ rubet, ak eng’ koroito: ago sobei inendet ne mandoi, ak komut inendet Kaldeik che yiemok, ak koek sobennyi ne kiluulei.

JEREMIA 38:2

Mwaei Jehovah ko u ni kole, Inendet ne tebe nganasani, kebarei eng’ rotwetab chok, ak eng’ rubet, ak eng’ koroito: ago inendet ne wendi oldab Kaldeik kosobei ak koek sobennyi ne kiluulei.

ROMANIK 2:12

Amu tugul che kiyai tengek ko mami Ng’atutiet, ko tun lustos ama eng’ Ng’atutiet: ak tugul che kiyai tengek ko mi eng’ Ng’atutiet, ko tun kiruokyin eng’ Ng’atutiet;

EPESOEK 1:12

si kobiit keegu kalosunetab torornatennyi, achek che kiga kisib kimang’u Kristo.

1 PETERO 1:21

che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.