JEREMIA 39:16 - BUKUIT NE TILIL

¹⁶ Ui, ak ing’alalji Ebed-melek Etiopindet, ilenji, Mwaei Jehovah ne bo lugosiek, Kamuktaindetab Israel, ko u ni kole: Keero, aipchini ng’alekyuk nganasani agobo yaitiet, ma agobo mieindo; ak isuldoi eng’ taing’ung’ eng’ betunoto.

Bukuit Ne Tilil

¹⁶ ui, ak ing'alaalji Ebed-melek Ethiopiaindet, ileenji, mwaei Kamuktaindet ne Toroor ne po lugoosyek, Kamuktaindetap Israel, kole: Keero, aipchini ng'aleekyuk nganasani agobo yaityet, ma agobo myeeindo; ak isuldoi eng' taing'ung' eng' peetuunooto.

BUKUIT NE TILIIL Sireet ne Dutero Kanon

¹⁶ ui, ak ing'alaalji Ebed-melek Ethiopiaindet, ileenji, mwaei Kamuktaindet ne Toroor ne po lugoosyek, Kamuktaindetap Israel, kole: Keero, aipchini ng'aleekyuk nganasani agobo yaityet, ma agobo myeeindo; ak isuldoi eng' taing'ung' eng' peetuunooto.

JEREMIA 39:16 ပူးပေါင်းရင်းမြစ်များ

2 ATEPTAP PEETUUSYEK 36:21

si kosulda ng’olyotab Jehovah ne kimwa eng’ kutitab Jeremia, agoi kogasegei emet sabatosiekyik: amu kirib sabatosiekyik eng’ betusiechoto kima komenyei chi, kot kosulda kenyisiek tamanwogik tisab.

TIENWOGIKAL 92:11

Kogogeer konyekyuk agichek magennyu eng’ bunikyuk, Ak kogogas itikyuk magennyu eng’ yaikab yaitio che setyina.

JEREMIA 26:15

Ago onai komie ole, ngot obara, oipchinige korotik che matinyei tengek, koboto nganasani, ak bik tugul che menyei olito: amu kagoyokwa Jehovah iman anyo amwawok ng’alechuto tugul ogase.

JEREMIA 26:18

Kimaoten Mikaia Morastindet eng’ betusiekab Hesekia laitoriatab Juda; ak king’alalji bik tugul che bo Juda kolenji, Kamwa Jehovah ne bo lugosiek ko u ni kole: Kibati Sion ko u ye kibati mbaret, ak koek Jerusalem karurugutik, ak koigei tulwetab got komoswek che tororen che bo osnet.

JEREMIA 26:20

Ak kimi chito age agine ne kimaoten eng’ kainetab Jehovah, inendet ko ki Uria weritab Semaia ne bo Kiriat-jearim; ak kimaoten kit ne ya agobo nganasani ak emet, ko u ng’alek tugul che bo Jeremia.

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 36:31

Ak abire inendet ak iyotennyi, koboto otwogikyik amu tengektanywa; ak aipchini ichek ak bik che menyei Jerusalem, koboto bikab Juda, yaitiet tugul ne kiamwa agobo ichek, ago ma kas.

JEREMIA 40:3

ak kagoib yaitionoto konyo, ak koyai ko u ye kimwa; amu kioyachi Jehovah tengekto, ama ogas it kutinnyi, kagonyonjok anyun kiito.

JEREMIA 44:27

Ogeero, aribe ichek agobo yaitiet, ma agobo ne mie: ak kigesu murenik tugul che bo Juda che mi emetab Misri, eng’ rotwetab chok ak eng’ rubet, agoi kogesgei.

JEREMIA 5:14

Mwaei anyun Jehovah, Kamuktaindet ne bo lugosiek, ko u ni, kole, Amu omwae ng’olyondoni, ogeero, ayae ng’alekyuk eng’ kuting’ung’ koek mat, ak koek bichu kwenik, si kobeel maata ichek.

DANIEL 9:12

Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

AMOS 9:4

Agot ngo luul bunikwak, ang’ate rotwetab chok eng’ oloto, si kobar ichek: ak atokyige ichek aipchi yaitiet, maipchini kit ne mie.

SEKARIA 1:6

Ago tos kima ityi kwanisiekwok ng’alekyuk ak ng’atutikyuk che kiang’at otwogikyuk maotik? Ak kiweek ichek ak kole, Kigoyaiywech Jehovah ne bo lugosiek ko u ye kigaibwat kole yaiywech ko u ortinwekyok, ak ko u boisionikyok.

MATAYO 24:35

Siirtoi kipsengwet ak ng’ony, ago masiirtoi ng’alekyuk.