JEREMIA 39:14 - BUKUIT NE TILIL

¹⁴ kiiyokto kimut Jeremia komong’ eng’ seremutab ribik, ak konde inendet eutab Gedalia weritab Aikam, weritab Sapan, si kobiit komut inendet kwo ga: kimeng’is anyun eng’ kwenutab bik.

Bukuit Ne Tilil

¹⁴ ki iyookto kimut Jeremiah komong' eng' seremutap riibiik, ak konde ineendet eutap Gedalia weeriitap Aikam, weeriitap Sapan, si kobiit komut ineendet kwo kaa: kimeng'iis anyun eng' kwenutap piik.

BUKUIT NE TILIIL Sireet ne Dutero Kanon

¹⁴ ki iyookto kimut Jeremiah komong' eng' seremutap riibiik, ak konde ineendet eutap Gedalia weeriitap Aikam, weeriitap Sapan, si kobiit komut ineendet kwo kaa: kimeng'iis anyun eng' kwenutap piik.

JEREMIA 39:14 ပူးပေါင်းရင်းမြစ်များ

2 LAITORINIK 22:12

Ak king’at laitoriat Hilkia tisiindet, ak Aikam weritab Sapan, ak Akbor weritab Mikaia, koboto Sapan sirindet, ak Asaia otwogindetab laitoriat, kolenji,

2 LAITORINIK 22:14

Koba anyun Hilkia tisiindet, ak Aikam, koboto Akbor, ak Sapan, ak Asaia, oldab Hulda ne maotiot, osotiotab Salum weritab Tikba, weritab Haras, ne ribei ngoroik; (kimenyei kwonyoto Jerusalem kebebertab aeng’;) ak king’alal ichek koboto inendet.

2 ATEPTAP PEETUUSYEK 34:20

Ak king’at laitoriat Hilkia, ak Aikam weritab Sapan, ak Abdon weritab Mika, ak Sapan sirindet, ak Asaia otwogindetab laitoriat, kolenji,

TIENWOGIKAL 105:19

Agoi betut ne kiisulda ng’olyondennyi; Kitiem ng’olyotab Jehovah inendet.

JEREMIA 26:22

Ak kiiyokto laitoriat Jeoiakim bik koba Misri, choto ko Elnatan weritab Akbor, ak bik alak che kimi koboto inendet, koba agoi Misri;

JEREMIA 26:24

Ago kirib Aikam weritab Sapan Jeremia, si magigoito inendet kobar bik.

JEREMIA 32:2

Kiyiem anyun lugetab laitoriatab Babulon Jerusalem eng’ betusiechoto: ak kiga kigerji maotiot Jeremia seremutab ribik, ne kimi gotab laitoriatab Juda.

JEREMIA 37:21

King’at anyun Sedekia laitoriat, ak kigimut Jeremia kwo seremutab ribik, ak kigigochin makatiat eng’ betut age tugul kobunu oretab bik che beelei makatinik, agoi kogesgei makatinik tugul eng’ nganaset. Kitebi anyun Jeremia ko u noto eng’ seremutab ribik.

JEREMIA 38:13

Kiichuut anyun Jeremia eng’ rogoonik, ak komut komong’ eng’ keringet: ak kitebe Jeremia seremutab ribik.

JEREMIA 38:28

Kitebe anyun Jeremia seremutab ribik agoi betut ne kigiluule Jerusalem.

JEREMIA 39:13

Kiiyokto anyun Nebusaradan kiptaiyatab ribik, koboto Nebusasban, Rab-saris, ak Nergal-saresar ak Rab-mag, ak kiptainik tugul che eechen che bo laitoriatab Babulon;

JEREMIA 39:15

Kinyonji anyun ng’olyotab Jehovah Jeremia, ye ki kerat eng’ seremutab ribik, kolenji,

JEREMIA 40:1

Kinyonji Jeremia ng’olyot ne kibunu Jehovah, ye kingo kagotiach Nebusaradan kiptaiyatab ribik kwo eng’ Rama, ye kiga komut inendet ko ratat eng’ sirimwek koboto luulenik tugul che bo Jerusalem ak Juda, che kiga kiluul koba Babulon.

JEREMIA 40:5

Ak ye kitomo koweek, kole, Weege anyun oldab Gedalia weritab Aikam weritab Sapan, ne kigonde laitoriatab Babulon koek bounindet koba nganasokab Juda, ak komeng’is koboto bik: anan iwe oldo age tugul ole igeere ile nyoljinin iwe. Kiigochi anyun kiptaiyatab ribik amitwogik inendet ak kagochinet ak kounda kwo.

JEREMIA 40:6

Kiwa anyun Jeremia oldab Gedalia weritab Aikam eng’ Mispa, ak komeng’is koboto inendet eng’ kwenutab bik che kiga ng’et eng’ emet.

JEREMIA 40:7

Ak kingogas kiptainik tugul che bo lugosiek che kimi emotinwek, icheget ak murenikwak, kole, kogonde laitoriatab Babulon Gedalia weritab Aikam koek bounindet eng’ emet, ak kogonde eunnyi murenik, ak kwonyik, ak lagok, ak bik alak che ki kibananok mising’ eng’ emet, che bo ichek che kima kiluul koba Babulon;

JEREMIA 41:1

Kinyo anyun Ismael weritab Netania weritab Elisama ne bo iyotetab kaplaitoriat, koboto kiptaiyat age ne o ne bo laitoriat, ak bik taman che kimi koboto inendet, eng’ arawetab tisab, oldab Gedalia weritab Aikam eng’ Mispa; ak kiamis tugul eng’ oloto eng’ Mispa.