JEREMIA 39:1 - BUKUIT NE TILIL

¹ Ak kingo kageluul Jerusalem (eng’ kenyitab sogol ne bo Sedekia laitoriatab Juda, eng’ arawetab taman, konyo Nebukadresar laitoriatab Babulon koboto lugennyi tugul kobokyi Jerusalem, ak koyiem;

Bukuit Ne Tilil

¹ Ak kingo kageluul Jerusalem (eng' kenyiitap sogool ne po Zedekiah laitoryatap Judah, eng' arawetap taman, konyo Nebukadresar laitoryatap Babilon kobooto lugeennyi tugul kobookyi Jerusalem, ak koyiem;

BUKUIT NE TILIIL Sireet ne Dutero Kanon

¹ Ak kingo kageluul Jerusalem (eng' kenyiitap sogool ne po Zedekiah laitoryatap Judah, eng' arawetap taman, konyo Nebukadresar laitoryatap Babilon kobooto lugeennyi tugul kobookyi Jerusalem, ak koyiem;

JEREMIA 39:1 ပူးပေါင်းရင်းမြစ်များ

2 ATEPTAP PEETUUSYEK 36:17

Komutyi anyun icheget laitoriatab Kaldiek, ne kinyo kobar neranikwak eng’ rotwetab chok, eng’ gotab oldanywa ne tilil, ama rire muren anan tie, boiyot anan ne negit kolil: kiinde tugul eunnyi.

JEREMIA 32:1

Kinyonji Jeremia ng’olyot ne kibunu Jehovah eng’ kenyitab taman ne bo Sedekia laitoriatab Juda, ne ki kenyitab taman ak sisiit ne bo Nebukadresar.

JEREMIA 34:1

Kinyonji Jeremia ng’olyot ne kibunu Jehovah, ye kibargei Nebukadnesar laitoriatab Babulon, ak lugennyi tugul, ak bounatosiek tugul che bo ng’ony che kimi bounatennyi, ak bororiosiek tugul kobaregei ak Jerusalem, ak nganasokyik tugul, kolenji:

JEREMIA 34:22

Ogeero, ang’ate, mwaei Jehovah, ak aweekyi ichek nganasani; ak kobargei ak nganasani, ak koluul, ak kobeel: ak ayai nganasokab Juda koek surkwen, ole ma komenyei chi.

JEREMIA 42:18

Amu mwaei Jehovah ne bo lugosiek, Kamuktaindetab Israel, ko u ni kole; Ko u ye kigerong’ji neregekyuk ak neregekyuk che ng’wonen, bik che menyei Jerusalem, kerong’jinok anyun ko u noto neregekyuk che ng’wonen, ye obe Misri: ak oegu che kichubei, ak che kikwong’e ak che kisasei, ak che kichotei; ama ogeere olito kogeny.

JEREMIA 52:1

Ki bo kenyisiek tiptem ak agenge Sedekia ye kitau kolaitorani; ak kilaitoran kenyisiek taman ak agenge eng’ Jerusalem: ak kainetab kamennyi ko ki Hamutal cheptab Jeremia ne bo Libna.

JEREMIA 6:6

Amu kagomwa Jehovah ne bo lugosiek ko u ni kole, Oluul, oeb ketik, ak owasyi ng’ung’unyek Jerusalem: nito ko nganaset ne kibirei; sastaet inegei ne mi kwenunnyi.

EZEKIEL 33:21

Kinyonja chito age ne kiga chilil komong’ eng’ Jerusalem, kinyo eng’ kenyit ne bo taman ak aeng’, koboch ngab keluulech, eng’ arawetab taman, eng’ betut ne bo mut ne bo arawanato, kolenja, Kagebar nganaset.

EZEKIEL 4:3

Yeityo icheng’ tabetab karnet, ak ilumde koek totetab karnet eng’ kwenung’ung’, ak nganaset: ak itokyi togeng’ung’ nganaset, si kobiit keyiem, ak iyiem inyendet, ak imuut inendet. Egu nito kaborunet eng’ gotab Israel.

EZEKIEL 40:1

Kimi baragunnyu eutab Jehovah eng’ kenyitab tiptem ak mut, koboch ngab keluulech, eng’ taunetab kenyit, eng’ betutab taman ne bo arawet, eng’ kenyitab taman ak ang’wan koboch ngab kebar nganaset, ak komutwa anyo oloto eng’ betunoto.

EZEKIEL 5:2

Ak ibeel kebeberta agenge eng’ somok eng’ kwenutab nganaset, ye kagosulda betusiekab yiemet; ak iib kebeberta age eng’ somok ak irarate ieb kotuiyo eng’ rotwonoto bo chok; ak iseerte kebeberta agenge eng’ somok koib usonet, ak ang’usu rotwetab chok asube ichek.

SEKARIA 8:19

Mwaei Jehovah ne bo lugosiek ko u ni kole: Egu eng’ gotab Juda boiboiyet ak kagasetab ge, ak igorwekab boiboiyet, karugutetab ge ne bo arawetab ang’wan, ak ne bo arawetab mut, ak ne bo arawetab tisab, ak ne bo arawetab taman; ocham anyun imanit ak kalyet.

NG'ATUTIK 28:36

Imutin Jehovah koboto laitoriandeng’ung’ ne tun indoi koboun, agoi iit bororiet ne mengen, inye, anan kwanisieguk; ak iot kanamonik eng’ oloto, che bo ketik ak koik.