JEREMIA 38:22 - BUKUIT NE TILIL

²² Keero, kimuti kwonyik tugul che ng’etu eng’ gotab laitoriatab Juda koba oldab bounikab laitoriatab Babulon, ak mwaei kwonyichoto kole, Kagoberberin choronoguk che ingen, ak kagoterterin: kagorat anyun ng’atatek kelyeguk, kagoweeigei let ichek.

Bukuit Ne Tilil

²² Keero, kimuti kwonyiik tugul che ng'etu eng' kootap laitoryatap Judah koba konyoor pounigap laitoryatap Babilon, ak mwaei kwonyichooto kole, kagoberberin choronoguk che ingen, ak kagoterterin: kagorat anyun ng'atateek keelyeguk, kagoweigei let icheek.

BUKUIT NE TILIIL Sireet ne Dutero Kanon

²² Keero, kimuti kwonyiik tugul che ng'etu eng' kootap laitoryatap Judah koba konyoor pounigap laitoryatap Babilon, ak mwaei kwonyichooto kole, kagoberberin choronoguk che ingen, ak kagoterterin: kagorat anyun ng'atateek keelyeguk, kagoweigei let icheek.

JEREMIA 38:22 ပူးပေါင်းရင်းမြစ်များ

Kitabuutap JOB 6:15

Kigoyai tupchosiekyuk kaberberisiet ko u kererut, Ko u beekab kererusiek che tendos:

TIENWOGIKAL 41:9

Ee, agot choruennyu ne kigichamdosi, ne kiamang’u, ne kiabae, Ko kagong’eet kole koyaiywa ne ya.

TIENWOGIKAL 69:14

Sorua eng’ ng’atatiat, si malugua: Unda achilil eng’ icheget che wecha, ak eng’ riretab beek.

TIENWOGIKAL 69:2

Karorokyi ng’atatiat ne loo, ama mi ole ketonone: Kaitu ye mi riretab beek, ole katucha maranosiek.

ISAIAH 42:17

Kiweektoi ichek koba let, ak kolilanso mising’, che imang’u kanamonik che kigiwai, che lenjin kanamonik che kigitany, O cheptalelisiekyok.

JEREMIA 13:21

Imwae nee ye tun inde inendet choronoguk koboun, amu inye ne kiinet koboun? Tos manamin ng’woninwek, ko u kwondo ne machei kosigis?

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

JEREMIA 27:14

Amogas ng’alekab maotik che ng’alalwok kolenjinok, Moote laitoriatab Babulon: amu maotenwok lembeita.

JEREMIA 27:15

Amu ma ayogu ichek, mwaei Jehovah, ago maoteni lembechek eng’ kainennyu kole si aonak, ak olusye, okwek ak maotik che maotenwok.

JEREMIA 38:19

Ak kilenji Sedekia laitoriat Jeremia, Aiywei Yahudik che kigonamgei ak Kaldeik, si maindea eunekwak, ak kochota.

JEREMIA 38:21

Ago ngot iesie iwe, ko ni ng’olyot ne kagoborua Jehovah:

JEREMIA 41:10

Yeityo komut Ismael bik tugul che king’et eng’ Mispa koek luulenik, agot tibikab laitoriat, koboto bik tugul che king’et eng’ Mispa che kiga konde Nebusaradan kiptaiyatab ribik eutab Gedalia weritab Aikam: kiimut Ismael weritab Netania bichoto koek luulenik, ak koba oldab lagokab Amon.

JEREMIA 43:6

murenik, ak kwonyik, ak lagok ak tibikab laitoriat, ak chi age tugul ne kiga kobagach Nebusaradan kiptaiyatab ribik kobagakyi Gedalia weritab Aikam, weritab Sapan, ak maotiot Jeremia, ak Baruk weritab Neria;

JEREMIA 46:21

U kogeny bikyik che kesirei che mi kwenunnyi moek che neriotin; amu kagoweeigei let agichek, kagomwei tugul, ma tononso: amu kanyonji ichek betutab nyalildanywa, betut ne kibirei.

JEREMIA 46:5

Amu nee si ageere ko u noto? Arogendos ak koweechegei let; kagetuatui bikwak che kimen, ak kagomwei kochakta, ama kusegong’: mi kamuiset komosta age tugul, mwaei Jehovah.

JEREMIA 6:12

Ak kobunji gorikwak bik alak, koboto mbarenikwak ak osotikwak: amu achuuljini eunnyu bik che menyei emet, mwaei Jehovah.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

RIREKAB JEREMIA 1:13

Kiiyok inendet mat eng’ barak koyokyi kowekyuk, ak kiiterter maata kowek: Kiriich mestet konam kelyekyuk, kigoweekya let; Kigoyaa aek banan ak atanui bet komugul.

RIREKAB JEREMIA 1:2

Rirei mising’ kemoi, ak kotendeni beekab kong’ eng’ matang’wekyik; Mami agot agenge ne igoigoi inendet eng’ chamanikyik tugul: Kigoberber choronokyik tugul inendet, Kagoek bunikyik.

RIREKAB JEREMIA 5:11

Kisuub ichek kwonyik eng’ Sion, Ak kisuub tibik eng’ nganasokab Juda.

MIKAH 7:5

Amomang’u choruet, amotiiege kandoindet: rib kurgetab kuting’ung’ eng’ inendet ne ruei eng’ tegeng’ung’.