JEREMIA 32:40 - BUKUIT NE TILIL

⁴⁰ ak kiyomisige ak ichek kayomiset ne bo koigeny, ale matuktochini batai ichek ago ayachini ne mie; ak ande kaiyweisiennyu mugulelwekwak, si maistoenagei.

Bukuit Ne Tilil

⁴⁰ ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

BUKUIT NE TILIIL Sireet ne Dutero Kanon

⁴⁰ ak kiyomisigei ak icheek kayomiset ne po koigeny, ale matuktochini patai icheek ago ayachini ne myee; ak ande kaiyweisyennyu mugulelwekwak, si ma istoenagei.

JEREMIA 32:40 ပူးပေါင်းရင်းမြစ်များ

2 SAMUEL 23:4

Ko kergeitu ak lapkeiyet ne bo karon, ye choru asista, Karonet ne churat; Ye bitos suswek che ng’orng’oren, Eng’ kaluunet ne lapkei ko kamoen ropta.

TIENWOGIKAL 80:19

Ee Jehovah Kamuktaindet ne bo lugosiek, weektech kogeny; Ingokweng’is togeng’ung’, si kesoruech.

ISAIAH 24:5

Kigimuruon ng’ony amu bik che menyei; amu kigobistoe ng’atutik, kigowal kiruogutik, kigobut kayomiset ne bo koigeny.

ISAIAH 55:3

Oeb it, ak obwanja, ogas, si kosopcho sobonwekwok: ak kiyomisyige ak okwek kayomiset ne bo koigeny, noto rirenosiek che bo iman, che bo Daudi.

ISAIAH 61:8

Amu achame ane Jehovah kiruoget, aweche rebisiet koboto tengekto; ak ayaakyini ichek eng’ imanit, ak kiyomisyige ak ichek kayomiset ne bo koigeny.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

JEREMIA 50:5

Teeboti agobo ole teptoi Sion kotokyigei oloto, kolen, Obwa, ak onamge ak Jehovah eng’ kayomiset ne bo koigeny ne magiutie.

EZEKIEL 36:26

Agonok kogeny muguleldo ne leel, ak andeok tamirmiriet ne leel: ak aiste muguleldo ne u koita eng’ borwekwok, ak agonok muguleldo ne bo banyek.

EZEKIEL 36:27

Ak andeok Tamirmiriennyu, ak agonok obendate ng’atutikyuk, ak orib kiruogutikyuk ak oyai.

EZEKIEL 37:26

Ak kiyomisge ak ichek kogeny eng’ kayomiset ne bo kalyet: egu eng’ ichek kayomiset ne wendi agoi koigeny: ak alumde ichek, ak ates, ande oldanyu ne tilil kwenunywa agoi koigeny.

EZEKIEL 39:29

ama aung’e ichek togennyu kogeny; amu kaarong’ji tamirmiriennyu gotab Israel, mwaei Kiptaiyat Jehovah.

MIKAH 4:5

Amu wendoti bororiet age tugul eng’ bororiosiek tugul eng’ kainetab cheptalelinnyi, ak kibendote achek kainetab Jehovah Kamuktaindennyo koigeny ak koigeny.

NG'ATUTIK 31:6

Ogimegitu, onyiganitu, amoiywei, anan oarogense amu ichek: amu wendi Jehovah Kamuktaindeng’ung’ koboten; mametoin inendet, ama bagaktoin.

NG'ATUTIK 31:8

Inendet Jehovah ne indoenen; mi koboten, amemetoin, ama bagaktoin; ameiywei, anan iarogen.

HEBRANIK 13:20

Ingoyaak Jehovah ne bo kalyet, ne kiimut mestowot ne o ne bo kechirek komong’ eng’ che kibek, eng’ korotik che bo kayomiset ne bo koigeny, inendet Kiptaiyandennyo Jesu,

HEBRANIK 4:1

Ongiywei anyun yo ta komi arorutiet ne keite kamuung’ennyi, si malen chi age tugul eng’ okwek, mata anyoru.

HEBRANIK 7:24

ago amu tebyei inendet koigeny, kotinyei anyun tiseinatet ne magiwalei.

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

1 PETERO 1:5

okwek che kiribei eng’ kimnatetab Jehovah eng’ kayanet si onyoru yetunet ne chobot keng’any eng’ betutab let.