JEREMIA 32:39 - BUKUIT NE TILIL

³⁹ ak agochi ichek muguleldo agenge ak oret agenge, si komuch koiywea koigeny; si konyor mieindo ak lagokwak che isubi ichek:

Bukuit Ne Tilil

³⁹ ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

BUKUIT NE TILIIL Sireet ne Dutero Kanon

³⁹ ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

JEREMIA 32:39 ပူးပေါင်းရင်းမြစ်များ

TAUNET 17:7

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

TAUNET 18:19

Amu kaalewen inendet si komuch koboi lagokyik ak gonnyi che biitu let eng’ inendet, si kobiit korib oretab Jehovah, koyai ne bo iman ak kiruoget; si kobiit kosuldochi Jehovah Abraham kit ne kimwa agobo inendet.

TAUNET 22:12

Kolenji, Ametwa lakwet, ameyachi kiy tugul: amu kaanai nguno ale, igonyiti Kamuktaindet, amu ma ietena wering’ung’, ne wering’ung’ ne inegei.

2 ATEPTAP PEETUUSYEK 30:12

Kimi kogeny eutab Kamuktaindet Juda si kogochi ichek muguleldo agenge, koyai ng’atutietab laitoriat ak bounik eng’ ng’olyotab Jehovah.

TIENWOGIKAL 112:1

Olosu Jehovah. Baibai chi ne iywei Jehovah, Ne boiboitune mising’ ng’atutikyik.

TIENWOGIKAL 128:6

Ee, tun igeere mochogoroniguk. Ingotebe kalyet Israel.

TIENWOGIKAL 86:11

Ineta oreng’ung’, ee Jehovah; si awendote imandang’ung’: Ituiye muguleldanyu si koiywei kaineng’ung’.

KALEWANAIK 23:17

Amat koam ng’etkong’ muguleldang’ung’ agobo kiptengeginik: Ago konyit Jehovah betut komugul:

ISAIAH 35:8

Ak kobiit oret ne o eng’ oloto, ak oret, ak kiguure oranato Oretab Tililindo; mabunei oranato che muruonen ago bunjin bichoto; ama betos eng’ oranato kiprutoinik, agot ngo berber.

ISAIAH 52:8

Kutitab ribiguk! Waachei ichek, tiendos kibagenge; amu tun keerei ichek togoch eng’ togoch, ye weeksei Jehovah konyonei Sion.

ISAIAH 65:23

Maboisiei buch, ama ichin nyalil, amu icheget ko iyotetab che iberurotin che bo Jehovah, koboto lagokwak.

JEREMIA 24:7

Ak agochi ichek muguleldo ne naena, kole, a Jehovah: ak koek bikyuk, ak aegu Kamuktaindenywa: amu weekyinagei eng’ mugulelwekwak tugul.

JEREMIA 31:33

Ago ni kayomiset ne kiyomisige ak gotab Israel ye ibata betusiechoto, mwaei Jehovah; andoi ng’atutiennyu orinywa, ak asirjini mugulelwekwak: ak aegu Kamuktaindenywa, ak koek bikyuk.

JEREMIA 32:40

ak kiyomisige ak ichek kayomiset ne bo koigeny, ale matuktochini batai ichek ago ayachini ne mie; ak ande kaiyweisiennyu mugulelwekwak, si maistoenagei.

JEREMIA 6:16

Mwaei Jehovah ko u ni kole, Otononie eng’ ortinwek ak ogeer, ak oteeb ortinwek che bo keny, ole mi oret ne mie, ak obendate noto, si osich kamuung’et eng’ sobonwekwok: ago kile, Magibendote ortinwechoto.

EZEKIEL 36:26

Agonok kogeny muguleldo ne leel, ak andeok tamirmiriet ne leel: ak aiste muguleldo ne u koita eng’ borwekwok, ak agonok muguleldo ne bo banyek.

EZEKIEL 37:22

Ak ayai ichek koek bororiet agenge eng’ emet, eng’ tulonokab Israel: ak koek laitoriat agenge laitoriandenywa eng’ ichek tugul: ak ma koegu kogeny bororiosiek aeng’, ama kepchei ichek kogeny koek bounatosiek aeng’ agoi.

EZEKIEL 37:24

Ak koek otwogindennyu Daudi laitoriandenywa; ak konyor ichek tugul mestowot agenge: ak kobendate kiruogutikyuk ak korib ng’atutikyuk ak koyai.

EZEKIEL 37:25

Ak komeny emet ne kiagochi Jakobo otwogindennyu, ole kimenyei kwanisiekwok; ak komeny oloto icheget, koboto lagokwak, ak lagokab lagokwak, agoi koigeny: ak koek Daudi otwogindennyu, bounindenywa koigeny.

JOHANA 14:6

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

JOHANA 17:21

si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa.

POISYONIGAP CHE KIYOKTOI 13:33

ko u ye kigosuldochi Jehovah lagokyok noto, amu kiing’eet Jesu; ko u ye sirat eng’ Tiendab Kalosunet ne bo aeng’, kole, I werinnyu, kaasichin rani.

POISYONIGAP CHE KIYOKTOI 2:39

Amu neng’wong’ kayomisoni, ak lagokwok, ak tugul che mi ole loo, ak tugul che ta koguurei Kiptaiyat Jehovah nenyo kobwanji inendet.

POISYONIGAP CHE KIYOKTOI 3:26

Ak ye kingo kagong’eet Jehovah Kiboitiondennyi, koyokwok okwek korok si koberurok, ak koistoe chi age tugul eng’ okwek tengekwogikyik.

POISYONIGAP CHE KIYOKTOI 4:32

Ak ki bo muguleldo agenge ak sobondo agenge tuiyet ne kiga koyan: ak ma mwa chi agot agenge kole, nenyi kiy age tugul ne kitinyei; ago kiyamdoi tugukwak tugul.

POISYONIGAP CHE KIYOKTOI 9:31

Konyor anyun kamuung’et kaniset ne mi Judea komugul ak Galili ak Samaria, koteegak; ak ye kibendoti eng’ kaiyweisietab Kiptaiyat ak eng’ kagaigaet ne bo Tamirmiriet ne Tilil, kotesak.

ROMANIK 11:16

Ak ngo tilil tongoaniat, ko tilil kit komugul agine: ak ngo tilil tigitiot, ko tililen agichek temenik.

1 KORINTOEK 7:14

Amu kitilili manong’otiot ne maiyanat eng’ osotiot, ak kitilili osotiot ne maiyanat eng’ manong’otiot: nda ma u noto ta ma tililen lagokwok; ago tililen ichek nguno.

2 KORINTOEK 13:11

Ne bo let anyun, che kitupche, ko saisere. Oegu che chobotin; oegu che bo kagaigaet; oegu che bo kabwatet agenge; otebi eng’ kalyet: ak mi Jehovah ne bo chamnyet ak kalyet kobotok.

NG'ATUTIK 5:29

Kata mie nda katinyei muguleldo ne u noto, si koiywea, ak korib kotugul ng’atutikyuk tugul, si komieit eng’ ichek, ak eng’ lagokwak agoi!

NG'ATUTIK 6:2

Si kobiit igonyit Jehovah Kamuktaindeng’ung’, ak irib konetisiosiekyik tugul ak ng’atutikyik, che ang’atin, inye, ak wering’ung’, ak mochogoreng’ung’, betusieguk tugul kote isobe; si kochang’ait betusieguk.

NG'ATUTIK 6:24

Ak king’atech Jehovah keyai konetisiosiechu tugul, kiywei Jehovah Kamuktaindennyo, si ketepte mieindo kotugul, si koribech kesopche ko u ra.

HEBRANIK 10:20

eng’ oret ne leel ak kosobei, ne kiyatwech, ne chutei anget ne kigioiye, ne noto ko bortanyi;