JEREMIA 32:29 - BUKUIT NE TILIL

²⁹ ak kobwa Kaldeik che baregei ak nganasani, kobwa konaam nganasani, ak kobeel, koboto gorik, che kiigoitoe ichek nyamdutik che kibeelei, kogochin Baal eng’ baragutab gorichoto, ak korong’jin kanamonik che ter, kagochinoik che kieei, si kobiit kotacha anerech.

Bukuit Ne Tilil

²⁹ ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

BUKUIT NE TILIIL Sireet ne Dutero Kanon

²⁹ ak kobwa Kaldeik che paregei ak nganasani, kobwa konaam nganasani, ak kobeel, kobooto kooriik, che ki igoitoe icheek nyamdutik che kibeelei, kogoochin Baal eng' paragutap koorichooto, ak koroong'jin kanamonik che teer, kagoochinoik che kieei, si kobiit kotacha anereech.

JEREMIA 32:29 ပူးပေါင်းရင်းမြစ်များ

2 LAITORINIK 25:9

ak kibeel gotab Jehovah, ak gotab laitoriat; ak gorik tugul che bo Jerusalem, got age tugul ne o, ko kibeel eng’ mat.

2 ATEPTAP PEETUUSYEK 36:19

Ak kibeel gotab Kamuktaindet, ak kobut irimetab Jerusalem, ak kobeel gorik tugul che bo laitoriat, ak kong’em tuguk tugul che kororon che kimi gorjoto.

NEEMIA 8:16

Koba anyun bik, koib tuguchoto, ak koteekyinegei keriosiek, kiteech chi age tugul baragutab gonnyi, ak eng’ seremusiekwak, ak eng’ seremusiekab gotab Kamuktaindet, ak eng’ komosta ne baraa eng’ ormarichetab beek, ak eng’ komosta ne baraa eng’ ormarichetab Epraim.

ISAIAH 22:1

Lautietab atebwetab ng’ang’utiet. Amin nee anyun, kot itogoste gorik barak?

JEREMIA 11:17

Amu kagomwa Jehovah ne bo lugosiek, ne kiminin, yaitiet agobo inye, amu yaitietab gotab Israel ak ne bo gotab Juda, che kigoyachigei kotacha anerech amu kiigochi Baal nyamdutik.

JEREMIA 17:27

Ago ngot ko mogasa it otaban betutab sabato, amoib laut age tugul ak obe orit obun ormarichokab Jerusalem eng’ betutab sabato; alaal anyun mat eng’ ormarichokyik, si kobeel gorikab laitoriat che bo Jerusalem, ama kimisi.

JEREMIA 19:13

ak kogergeit gorikab Jerusalem, ak gorikab laitorinikab Juda, che kiging’wanit, ak komostab Topet, gorik tuguk che kibeele ichek baragunywa nyamdutik kobeeljine tuguk tugul che bo kipsengwet, ak kigorong’ji kagochinoik che kieei, kanamonik che ter.

JEREMIA 21:10

Amu kaatokyi togennyu nganasani aipchi yaitiet, ma agobo mieindo, mwaei Jehovah; kindoi eutab laitoriatab Babulon si kobeel.

JEREMIA 30:14

Kigoutienen chamaniguk tugul: macheng’in: amu kaaguotenin eng’ kaguotenetab bunyot eng’ kotigonetab inendet ne korom; amu oindab yaitieng’ung’, amu kitesogis tengekwogiguk.

JEREMIA 32:3

Amu kiga koger inendet Sedekia laitoriatab Juda kolenji, Amu nee si imaoten, ak ile, Mwaei Jehovah ko u ni kole, Agochini nganasani eutab laitoriatab Babulon, ak koluul;

JEREMIA 34:2

Mwaei Jehovah, Kamuktaindetab Israel, ko u ni kole, Ui ing’alalji Sedekia laitoriatab Juda ilenji, Mwaei Jehovah ko u ni kole, Keero, agochini nganasani eutab laitoriatab Babulon, ak kobeel eng’ mat:

JEREMIA 39:8

Ak kibeel Kaldeik gotab laitoriat, ak gorikab bik, ak kobut irimoikab Jerusalem.

JEREMIA 44:25

Mwaei Jehovah ne bo lugosiek, Kamuktaindetab Israel, ko u ni kole, Kiomwa eng’ kutuswekwok, okwek koboto osotikwok, ak oyai kosulda, eng’ eunekwok, olen, Kiyae iman kaarorunosiek che kigiaroru, kebeelji nyamdutik laitoriatab kipsengwet ne kwondo, ak kerong’ji kagochinoik che kieei: ogimit anyun kaarorunosiekwok, ak oyai kaarorunosiekwok.

JEREMIA 52:12

Ak eng’ arawetab mut, eng’ betutab taman ne bo arawanato, ne ki kenyitab taman ak sogol ne bo laitoriat Nebukadresar laitoriatab Babulon, konyo Nebusaradan, kiptaiyatab ribik, ne kitononi eng’ taitab laitoriatab Babulon, agoi Jerusalem:

JEREMIA 52:13

ak kibeel gotab Jehovah, ak gotab laitoriat; ak gorik tugul che bo Jerusalem, got age tugul ne o, ko kibeel.

JEREMIA 7:17

Tos megeere tuguk che yaei eng’ nganasokab Juda ak eng’ ortinwekab Jerusalem?

JEREMIA 7:18

Iyumi lagok kwenik, ak ilali mat kwanisiek, ak kokwonykwonyi makatinik kwonyik, si kobeelji laitoriatab kipsengwet, ne kwondo, ak korong’ji kagochinoik che kieei, cheptalelisiek, si kobiit kotacha anerech.

RIREKAB JEREMIA 4:11

Kigoyai Jehovah neregekyik che ng’wonen kosulda, kigorong’ neregekyik che koromen; Ak kigonaam mat eng’ Sion, ne kigobeel lumeiywekyik.

EZEKIEL 23:47

Ak kolach tuiyet ichek eng’ koik, ak kobar eng’ rotokwak che bo chok; ak kobar werikwak ak tibikwak, ak kobeel gorikwak.

MATAYO 22:7

Ago kinerech laitoriat; ak kiiyokto lugosiekyik, kobar rumichoto, ak kobeel nganasenywa.

POISYONIGAP CHE KIYOKTOI 10:9

Ak eng’ betut ne kiisubi betunoto ye kita kobendi, ko karikta nganaset, kotogosta Petero got barak, eng’ olo bo sait lo, kwo kosa:

HEBRANIK 3:16

Amu ng’o che kitagis ye kingogas? Tos ma ichek tugul che kimong’une Misri eng’ Musa?