JEREMIA 32:21 - BUKUIT NE TILIL

²¹ ak kiimutu biguk Israel komong’ eng’ emetab Misri eng’ kaborunoik, ak kwong’utik, ak eng’ eut ne kim, ak eng’ eut ne chuulat, ak eng’ kamuiset ne o;

Bukuit Ne Tilil

²¹ ak ki imutu piiguk Israel komong' eng' emetap Misiri eng' kaboorunoik, ak kwang'utik, ak eng' euut ne kiim, ak eng' euut ne chuulaat, ak eng' kamuiset ne oo;

BUKUIT NE TILIIL Sireet ne Dutero Kanon

²¹ ak ki imutu piiguk Israel komong' eng' emetap Misiri eng' kaboorunoik, ak kwang'utik, ak eng' euut ne kiim, ak eng' euut ne chuulaat, ak eng' kamuiset ne oo;

JEREMIA 32:21 ပူးပေါင်းရင်းမြစ်များ

2 SAMUEL 7:23

Ak ngoro bororiet ne kergei ak biguk, choto Israel, che kiwa Kamuktaindet kotiakyigei koek bikyik, ak koyachigei kainet, ak koyai tuguk che eechen agobo okwek, ak tuguk che bo kamuiset agobo emeng’ung’ eng’ taitab biguk che kiitiach eng’ Misri koek cheguk, eng’ bororiosiek ak cheptalelisiekwak?

1 LAITORINIK 8:42

(amu tun kasei ichek agobo kaineng’ung’ ne o, ak agobo eung’ung’ ne kim, ak eung’ung’ ne chuulat;) ye nyo ak kosa kotokyigei goi;

1 ATEPTAP PEETUUSYEK 17:21

Ak ngoro bororiet ne kergei ak biguk Israel, che kiwa Kamuktaindet kotiakyigei koek bikyik, si iyachige kainet eng’ tuguk che eechen ak tuguk che bo kamuiset, ye kiion bororiosiek eng’ taitab biguk, che kiitiach eng’ Misri?

TIENWOGIKAL 105:37

Ak kiimong’ ichek koibei feda ak tahabu: Ak kima komi chi ne nyalulat agot agenge eng’ bororiosiekyik.

TIENWOGIKAL 105:43

Ak kiimut bikyik komong’ eng’ boiboiyet, Ak chechik che kigelewen kotienonu.

KOMONG'U 13:14

Ak ye tun teebenen wering’ung’ eng’ betusiek che bwanei, kole, Nee ni? Ilenji anyun, Kiimoong’wech Jehovah eng’ Misri, eng’ gotab otwognatet, eng’ eut ne kim:

KOMONG'U 13:9

Ak tun egu noto kaborunet eng’ eung’ung’, ak koek kabwatet ne mi kwenutab konyeguk, si kobiit kotebe ng’atutikab Jehovah kuting’ung’; amu kiimoong’wok Jehovah omong’une Misri eng’ eut ne kim.

KOMONG'U 3:20

Ak achuul eunnyu abire Misrik boisionikyuk tugul che kikwong’e che amache ayai eng’ kwenunywa: ak ye ibata choto koundak obe.

KOMONG'U 6:1

Ak kilenji Jehovah Musa, Machei si igeer nguno kit ne amache ayachi Parao: amu igochin ichek koba eng’ eut ne kim, ak koon koba eng’ emennyi eng’ eut ne kim.

KOMONG'U 6:6

Ilenji anyun lagokab Israel amu noto, A JEHOVAH, ak amoong’wok omong’une laisetab Misrik, ak asoruok eng’ otwognatenywa ak atiachak eng’ eut ne chuulat, ak eng’ kiruogutik che eechen:

ISAIAH 63:12

ne kichuul eunnyi ne bo torornatet koba koboto eutab tai ne bo Musa, ne kipchei beek eng’ tainywa, si koyachigei kainet ne bo koigeny,

NG'ATUTIK 11:3

ak kaborunoikyik, ak boisionikyik, che kiyachi Parao laitoriatab Misri ak emennyi komugul, eng’ kwenutab Misri;

NG'ATUTIK 26:8

ak kiimoong’wech Jehovah eng’ Misri, eng’ eut ne kim, ak eng’ eut ne chuulat, ak eng’ kamuiset ne o, ak eng’ kaborunoik, ak kwong’utik:

NG'ATUTIK 4:34

Anan kitiem Kamuktaindet au komutyigei bororiet eng’ bororiet age, eng’ tiemisiosiek, eng’ kaborunoik, ak eng’ kwong’utik, ak eng’ boriet, ak eng’ eut ne kim, eng’ eut ne chuulat, eng’ kamuisosiek che eechen, ko u tugul che kiyaiywok Jehovah Kamuktaindeng’wong’ eng’ Misri eng’ taitab konyekwok?

NG'ATUTIK 7:19

tiemisiosiek che eechen che kiigeer eng’ konyeguk, ak kaborunoik, ak kwong’utik, ak eut ne kim, ak eut ne chuulat, che kiimoong’unenen Jehovah Kamuktaindeng’ung’: yaachin ko u noto Jehovah Kamuktaindeng’ung’ bororiosiek tugul che iywei.