JEREMIA 32:19 - BUKUIT NE TILIL

¹⁹ inendet ne o eng’ kiruoget, ak ko bo kamuktaet eng’ boisiet; ne keerei konyekyik ortinwek tugul che bo werikab bik; si kogochi age tugul ko u ortinwekyik ak ko u logoekab boisionikyik;

Bukuit Ne Tilil

¹⁹ ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

BUKUIT NE TILIIL Sireet ne Dutero Kanon

¹⁹ ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

JEREMIA 32:19 ပူးပေါင်းရင်းမြစ်များ

1 LAITORINIK 8:32

igas anyun eng’ kipsengwet, ak iyai, ak iruoksechi otwogiguk, igikyi inendet ne kalel, si inde kotebe metinnyi ortinwekyik; ak iityi imanda inendet ne bo iman, igochi inendet ko u imandanyi.

2 ATEPTAP PEETUUSYEK 16:9

Amu bendoti konyekab Jehovah eng’ ng’ony komugul, kobortogei kole kim agobo icheget che igesunotgei mugulelwekwak eng’ tainnyi. Koiyai koito eng’ berberindo; amu koboch nguno ko kenyoru lugosiek agoi.

Kitabuutap JOB 34:11

Amu yaakyin chito ko u boisionikyik, Ak kogochi chi age tugul konyor ko u ortinwekyik.

Kitabuutap JOB 34:21

Amu keerei konyekyik ortinwekab chi, Ak kogeerei banwekyik tugul.

TIENWOGIKAL 111:2

Eechen boisionikab Jehovah, Che cheng’ei ichek tugul che boiboitune.

TIENWOGIKAL 34:15

Tokyingei konyekab Jehovah che bo imanda, Ak kasei itikyik rirekwak.

TIENWOGIKAL 62:12

Ee Kiptaiyat, neng’ung’ rirenet agine: Amu inye ne iyaakyini chi tugul ko u boisiennyi.

TIENWOGIKAL 92:6

Maingen chito ne u tiony; Amaiguitos ne berber;

KOMONG'U 15:11

Ee Jehovah, tos ngoro ne u inye eng’ cheptalelisiek? Tos ng’o ne u inye, ne konyitot eng’ tililindo, Ne kiywei eng’ kalosunet, ne yaei kwong’utik?

KALEWANAIK 5:21

Amu keerei Jehovah ortinwekab chito, Ak koribei ortinwek tugul che bo chichoto.

KALEWANAIK 8:14

Nenyu kiruoget, ak naet ne igesunotge: A naet; atinye kamuget.

AMDOINDET 12:14

Amu ipchin Kamuktaindet boisiet age tugul oldab kiruoget, koboto kit age tugul ne ung’at, ngo kiy ne mie anan ngo ne ya.

ISAIAH 28:29

Bunu nito agine Jehovah ne bo lugosiek, ne kikwong’e kiruogennyi, ak kogesunotgei eng’ ng’omnatet.

ISAIAH 40:13

Ng’o ne kiindochi tamirmirietab Jehovah, anan ng’o konetindennyi ne kiinet inendet?

ISAIAH 59:18

Yaakyin ichek ko u boisionikwak, neregek che ng’wonen eng’ bunikyik, yaaktaet eng’ bunikyik; yaakyin ngegusiek ko u ye nyoljin.

ISAIAH 9:6

Amu kagisikwech lakwet, kagigonech werit; ak ting’e inendet bounatet tigikyiennyi: ak kiguure kainennyi Kwong’utiet, Kiruogindet, Kamuktaindet ne bo Kamuktaet, Kwanda ne bo Koigeny, Bounindetab Kalyet.

JEREMIA 16:17

Amu ageere emotinwekwak tugul: ma ung’otin eng’ tainnyu, ama ung’at tengektanywa si mageer.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 21:14

Ak abirok ko u logoekab boisionikwok, mwaei Jehovah: ak anaam mat eng’ osnennyi, ak kobeel tugul che mitei komoswekyik.

JEREMIA 23:24

Tos imuchi chi kounygei eng’ komoswek che ung’otin, kot ko mageer inendet? Mwaei Jehovah. Tos ma anyi kipsengwet ak ng’ony? Mwaei Jehovah.

JEREMIA 25:14

Amu yaei bororiosiek che chang’ ak laitorinik che eechen ichek koek otwogikwak, koot ichek: ak ayaakyi ichek ko u boisionikwak, ko u boisionikab eunekwak.

DANIEL 2:45

Ak ko u ye koigeer ile kogieb koita ne komi tulwet ama eng’ eunek, si kotuatui karnet, sugunwet, menet, feda, ak tahabu; kagoborji Kamuktaindet ne o, laitoriat, tuguk che tun biitu let: ak bo iman karuotitoet, ak kosuldoi kaweeksennyi.

DANIEL 4:35

ak kiiti bik tugul che menyei ng’ony kele buch: ak koyachin lugetab kipsengwet ko u ye machei, koboto bik che menyei ng’ony: ama mi chi ne imuchi kogirinda eunnyi, anan kolenji, Iyae nee?

SEKARIA 9:1

Lautietab ng’olyotab Jehovah agobo emetab Hadrak, ak egu Damasko ole tebe: amu tokyingei Jehovah bik tugul ak bororiosiek tugul che bo Israel:

MATAYO 16:27

Amu tun nyonei Weritab chi eng’ lilindab Kwandanyi koboto malaikaisiekyik; ak koyaakyi anyun chi age tugul ko u boisionikyik.

JOHANA 5:29

ak komong’; ng’eetyin sobondo che kiyaei ne mie; ak kong’eetyi kiruoget icheget che kiyaei ne ya.

2 KORINTOEK 5:10

Amu kanyol kibartech achek tugul eng’ taitab ng’echeretab kiruoget ne bo Kristo; si kobiit kotaach chi age tugul tuguk che te che kiyai eng’ borto, ngo miach anan ngo yaach.

EPESOEK 1:11

ne kiyaech eng’ inendet keegu borotennyi, ko kasib kolewenech, ko u magetab inendet ne yaei tuguk tugul ko u kabwatetab magennyi;

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

NG'ANG'UTYET 22:12

Ogeero, anyone achogu; ak aibu melektanyu si agochi chi age tugul ko u boisionikyik.