JEREMIA 32:17 - BUKUIT NE TILIL

¹⁷ Ee Kiptaiyat Jehovah! Keero, kiiyai kipsengwet ak ng’ony eng’ kimnateng’ung’ ne o ak eng’ eung’ung’ ne chuulat; mami kiy age tugul ne temenen,

Bukuit Ne Tilil

¹⁷ Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

BUKUIT NE TILIIL Sireet ne Dutero Kanon

¹⁷ Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

JEREMIA 32:17 ပူးပေါင်းရင်းမြစ်များ

TAUNET 18:14

Tos mi kiy age tugul ne temene Jehovah? Aweekyininge eng’ kenyit ne nyonei, eng’ betusiechuto, eng’ betut ne kaachob, ak kosich Sara werit.

2 LAITORINIK 19:15

Ak kisa Hesekia eng’ taitab Jehovah kole, Ee Jehovah, Kamuktaindetab Israel, ne tebe kerubisiek, i Kamuktaindet inye inyege, ne bo bounatosiek tugul che bo ng’ony; kiiyai kipsengwet ak ng’ony.

2 LAITORINIK 3:18

Ago ni ko kit ne ming’in eng’ taitab Jehovah: indoi kogeny Moabik eunekwok.

NEEMIA 9:6

I Jehovah, inye inyege; kiiyai kipsengwet, kipsengwet ne bo kipsengwetisiek, koboto tugukwak tugul, ak ng’ony ak tuguk tugul che mi oloto, nyanjosiek ak tuguk tugul che mitei, ak iribe tuguchoto tugul; ak kolosun luget tugul ne bo kipsengwet.

Kitabuutap JOB 42:2

Angen ale imuchi iyai tuguk tugul. Ama kimuchi kegirinda mageng’ung’.

TIENWOGIKAL 102:25

Kiiyai ole tonone ng’ony keny; Ak boisietab euneguk kipsengwetisiek.

TIENWOGIKAL 136:12

Eng’ eut ne kim ak eng’ eut ne chuulat: Amu tebyei rirenennyi koigeny.

KOMONG'U 20:11

amu kiyai Jehovah kipsengwetisiek ak ng’ony eng’ betusiek lo, ak nyanjet, ak tuguk tugul che mi orinywa, ak kiimuuny eng’ betutab tisab: kiiberur anyun Jehovah betutab sabato amu noto, kiitaban.

ISAIAH 42:5

Mwaei ko u noto Kamuktaindet Jehovah, ne kitoi koyai kipsengwetisiek, ak koiito; inendet ne kiito ng’onyuni, ak che mong’une oloto; inendet ne igochin kabuset bik che menyei ng’ony, ak kogochi tamirmiriet ichek che bendote:

ISAIAH 44:24

Mwaei Jehovah, katiagindeng’ung’, inendet ne kimimiin eng’ moet, ko u ni kole, A Jehovah, ne yaei tuguk tugul; anege ne aiitoi kipsengwetisiek; ne aiitoi ng’ony; ng’o ne mi kobota?

ISAIAH 45:12

Kiayae ng’ony, ak kiatau ayai chito kotebe oloto: ane, ee, eunekyuk, che kiito kipsengwetisiek, ak kiang’at lugosiekwak tugul.

ISAIAH 59:1

Ogeero, ma nwach eutab Jehovah, kot ko maimuch kosor; ama nyigis itinnyi, kot ko maimuch kogas:

JEREMIA 1:6

Amwa anyun ale, He, Kiptaiyat Jehovah! Keero, mamuchi ang’alal; amu a lakwa.

JEREMIA 14:13

Kiamwa anyun ale, Bwa, Kiptaiyat Jehovah! Keero, mwachin maotik ichek, kolenji, Maityinok rotwetab chok, amonyoru rubet; ago agonok kalyet ne bo iman eng’ olito.

JEREMIA 21:2

Asomin ale, teebwech eng’ Jehovah; amu ibokyinech Nebukadresar laitoriatab Babulon: tamangab koyaiywech Jehovah ko u boisionikyik tugul che kikwong’e, si kobiit kwo koistoeneigei.

JEREMIA 27:5

Kiayai ng’onyuni, chi ak tiony che mitei ng’ony, eng’ kamuktainnyu ne o ak eunnyu ne chuulat; ak agochi emonito inendet ne ageere ale nyolu agochi.

JEREMIA 32:27

Keero, a Jehovah, Kamuktaindetab bik tugul: tos mi kiy age tugul ne temena?

JEREMIA 33:3

Kuura, si awolun, ak aborun tuguk che eechen, ak ko uuen, che mengen.

JEREMIA 4:10

Kiamwa anyun ale, He Kiptaiyat Jehovah! Iman kiiberber mising’ bichu ak Jerusalem, ilenji, Onyoru kalyet; ago ityin rotwetab chok sobondo.

JEREMIA 51:15

Kiyai ng’ony eng’ kamuktaennyi, kiigimit ng’onyuni eng’ ng’omnatennyi, ak kiito kipsengwetisiek eng’ naennyi:

JEREMIA 51:19

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

EZEKIEL 11:13

Ak kime Pelatia weritab Benaia ye kiamaoteni, kiabut anyun kot kotiiny togennyu ng’ony, ak arir eng’ kutit ne o, ale, Bwa Kiptaiyat Jehovah! Tos igesu che king’et che bo Israel?

EZEKIEL 9:8

Ak ye kita kobarisioti, ak kigang’etu eng’ yoto, abut kot kotiiny togennyu ng’ony, ak arir, ak amwa ale, Bwa Kiptaiyat Jehovah! Tos ibare bik tugul che king’et che bo Israel eng’ neregeguk che ng’wonen che rong’jingei Jerusalem?

DANIEL 2:22

ng’anyei tuguk che looen ak ko ung’otin: ingen tuguk che mi mesundeito, ak komenyei lapkeiyet koboto inendet.

DANIEL 6:20

Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

SEKARIA 12:1

Lautietab ng’olyotab Jehovah agobo Israel.

SEKARIA 8:6

Mwaei Jehovah ne bo lugosiek ko u ni kole: Ngot ko bo kwong’et eng’ konyekab bik che ng’etu eng’ bichu eng’ betusiechoto, ko tos ma bo kwong’et agine eng’ konyekyuk? Mwaei Jehovah ne bo lugosiek.

KAITOSYEK 11:23

Ak kilenji Jehovah Musa, Tos nwach eutab Jehovah? Igeere nguno kosuldoi ng’olyondennyu agobo inye, anan achicha.

MATAYO 19:26

Ak kogeer Jesu ichek ak kolenji, Maimugaksei ni eng’ bik; ago imugaksei tuguk tugul eng’ Jehovah.

MARIKO 10:27

Ak kingogeer Jesu ichek, kole, Maimugaksei eng’ bik, ago ma u noto eng’ Jehovah: amu imugaksei tuguk tugul eng’ Jehovah.

LUKA 1:37

Amu mami ng’olyo ne bunu Jehovah ne ma kim.

LUKA 18:27

Kile, Tuguk che maimugaksei eng’ bik komugaksei eng’ Jehovah.

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

POISYONIGAP CHE KIYOKTOI 15:18

Mwaei Kiptaiyat, ne yaei tuguchu si konaak koboch taunetab ng’ony.

POISYONIGAP CHE KIYOKTOI 17:24

Mamenyei hekalusiek che kigiyae eunek Jehovah ne kiyai ng’ony ak tuguk tugul che mitei oloto, amu inendet ko Kiptaiyatab kipsengwet ak ng’ony.

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.