JEREMIA 31:7 - BUKUIT NE TILIL

⁷ Amu mwaei Jehovah ko u ni kole, Otienji Jakobo eng’ kagasetab ge, ak owaach agobo ne o eng’ bororiosiek: omwaite, olosu ole, Ee Jehovah, soru biguk, che king’et che bo Israel.

Bukuit Ne Tilil

⁷ Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

BUKUIT NE TILIIL Sireet ne Dutero Kanon

⁷ Amu mwaei Kamuktaindet ne Toroor kole: Otyenji Jakobo eng' kaagaasetapkei, ak owaach agobo ne oo eng' pororyosyek; omwaite, olasu ole, Ee Kamuktaindet ne Toroor, saru piiguk, che ki ng'et che po Israel.

JEREMIA 31:7 ပူးပေါင်းရင်းမြစ်များ

ISAIAH 37:31

Ak bitos kogeny kobendi ng’ony tigitikab che ng’etu che chilildos che bo gotab Juda, ak koiyo logoek eng’ barak.

TIENWOGIKAL 28:9

Soru biguk, ak iberur boroteng’ung’: Bai ichek, ak imutate agoi koigeny.

TIENWOGIKAL 14:7

Kita mie nda kiga bun yetunetab Israel Sion! Ye tun iweechi Jehovah bikyik che kigiluul, Koboiboitu anyun Jakobo, ak kogasgei Israel.

JEREMIA 23:3

Ak ayum che king’et che bo akwennyu komong’ eng’ emotinwek tugul ole kigaonji, ak amutu kogeny kobwa biusiekwak; ak koiiyo kotesogis.

ROMANIK 11:5

Agot ko u noto anyun agine eng’ betusiechu, mitei che ng’etunotin ko u lewenet ne bo mieindo.

ROMANIK 9:27

Ak kimwa Isaia eng’ kutit ne o agobo Israel, kole, Agot ngo koitetab lagokab Israel ko te ng’aniekab nyanjet, kesoru che king’et:

SEPANIA 2:9

Mwaei anyun Jehovah ne bo lugosiek, Kamuktaindetab Israel kole, Ko u ye asobe, koigeitu Moab Sodom, ak koigei lagokab Amon Gomora, bunjin siwek, ak keringonikab munyuk, ak koguber agoi: luulei bikyuk che ng’etu ichek, ak konam bororiennyu ne king’et ichek koek borotenywa.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

MIKAH 2:12

Ee Jakobo, ayumok iman okwek tugul; ayumi iman che king’et che bo Israel; ayumi ichek ko u kechirekab Bosra: ko u akwetab kechirek eng’ kwenutab ole agete, boldos kot amu chang’indab bik.

AMOS 5:15

Owech yaitiet, ocham che miach, ak ogimit kiruoget eng’ ormarichet: abere imuchi korire Jehovah, Kamuktaindet ne bo lugosiek, che king’et che bo Josep.

JOEL 2:32

Ak tun kisoru age tugul ne kuurei kainetab Jehovah: amu tun mitei che chilildos eng’ tulwetab Sion ak Jerusalem, ko u ye kigomwa Jehovah, ak tun kuurei Jehovah alak eng’ ichek che king’et.

HOSEA 1:7

Ago arire gotab Juda, ak asorune ichek eutab Jehovah Kamuktaindenywa, amasoru eng’ kwanget, anan eng’ rotwetab chok, anan eng’ luget, anan eng’ mbartanyisiek, anan eng’ bik che lanyei mbartanyisiek.

EZEKIEL 6:8

Ago atuuchi che ng’etu, si kobiit onyoru che chilildos eng’ rotwetab chok eng’ bororiosiek, ye kiseerak obe emotinwek.

ISAIAH 61:9

Ak konaak iyotenywa eng’ bororiosiek, ak konaak lagokwak eng’ bik: ak naei bik tugul ichek ye keer, kole, Chu iyotet ne kigoberur Jehovah.

ISAIAH 44:23

Ee okwek kipsengwetisiek, Otiense, amu kiyai Jehovah noto; owaach okwek, komoswek che bo orit che bo ng’ony; otiense, okwek tulonok, ee osnet, ak ketit age tugul ne mi yoto: amu kagotiach Jehovah Jakobo, ak kotororgei eng’ Israel.

ISAIAH 37:4

Abere imuchi kogas Jehovah Kamuktaindeng’ung’ ng’alekab Rabsake, ne kagoyok laitoriatab Asuria kiptaiyandennyi, konyo kochot kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

ISAIAH 11:11

Ak eng’ betunoto koyogoito Kiptaiyat eunnyi kogeny ne bo aeng’, kosor bikyik che tun ng’etu, eng’ Asuria, ak eng’ Misri, ak eng’ Patros, ak eng’ Kus, ak eng’ Elam, ak eng’ Sinar, ak eng’ Hamat, ak eng’ emotinwek che mi ngegusiek.

ISAIAH 1:9

Nda kima bagakwech Jehovah ne bo lugosiek ng’etunenik che ng’ering’ mising’, ta kiga keige Sodom, ak ta kiga keige Gomora.

TIENWOGIKAL 106:47

Soruech, ee Jehovah Kamuktaindennyo, Ak iyumech, kemong’une bororiosiek, Si kobiit keweekyi kongoi kaineng’ung’ ne tilil, Ak kilosuge eng’ kalosuneng’ung’.

TIENWOGIKAL 69:35

Amu soru Kamuktaindet Sion, ak koteech nganasokab Juda; Ak komeny ichek oloto, kobunji.

TIENWOGIKAL 67:1

Ingorirenech Kamuktaindet, ak koberurech, Ak kotokyech togennyi kokwenyech;

NG'ATUTIK 32:43

Oboiboitu, okwek bororiosiek, koboto bikyik: Amu yaaktoi mugetut che bo korotikab otwogikyik, Yaakyin mugetut bunikyik, Ak koyai kagaigaet agobo emennyi, ak bikyik.

NG'ATUTIK 28:13

Yain Jehovah iegu metit ago meegu katutiet; ak iegu ne mi barak kityo, ago meegu ne mi ng’ony; ngiepchi it ng’atutikab Jehovah Kamuktaindeng’ung’, che ang’atin rani, irib ak iyai;

JEREMIA 3:23

Iman, kigeni buch toretet ne bunu tulonok, wasetab ge ne mi tulonok. Iman mi yetunetab Israel eng’ Jehovah Kamuktaindennyo.

JEREMIA 20:13

Otienji Jehovah, olosu Jehovah: amu kigosor sobondab ne matinyei kiy eng’ eunekab yaikab yaitiet.

JEREMIA 31:12

Ak kobwa kotien eng’ ole toror eng’ Sion, ak koroot koba tugul ole mi mieindab Jehovah, ole mi bek, ak divaik, ak mwanik, ak ole mi arekab kechir ak moek: ak koigei sobonwekwak mbaret ne kibisi; ama koarogendos kogeny agot kitigin.

RIREKAB JEREMIA 1:1

Lyon si komi buch nganaset, ne ki nyiitat bik! Lyon si kotebi ko u mosok! Nganaset ne ki o eng’ bororiosiek, ak ko ki cheptab laitoriat eng’ emotinwek, Kagoek anyun otwogindet!

TIENWOGIKAL 126:2

Konyi anyun roriot kutuswekyok, Ak kinyi ng’elyebwekyok tienwogik: Komwa anyun bororiosiek kole, Kogoyachi Jehovah tuguk che eechen.

ISAIAH 52:8

Kutitab ribiguk! Waachei ichek, tiendos kibagenge; amu tun keerei ichek togoch eng’ togoch, ye weeksei Jehovah konyonei Sion.