JEREMIA 31:1 - BUKUIT NE TILIL

¹ Mwaei Jehovah kole, Aegu eng’ betusiechoto Kamuktaindetab ortinwek tugul che bo Israel, ak koek bikyuk.

Bukuit Ne Tilil

¹ Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

BUKUIT NE TILIIL Sireet ne Dutero Kanon

¹ Mwaei Kamuktaindet ne Toroor kole, aegu eng' peetuusyechooto Kiptaiyat Kamuktaindetap ortinwek tugul che po Israel, ak koek piikyuk.

JEREMIA 31:1 ပူးပေါင်းရင်းမြစ်များ

2 SAMUEL 7:24

Kiigimityigei biguk Israel koek biguk koigeny; ak kiiegu inye Jehovah Kamuktaindenywa.

TIENWOGIKAL 144:15

Boiboen bik, che tebyei ko u noto: Ee, boiboen bik, che Kamuktaindenywa ko Jehovah.

TIENWOGIKAL 48:14

Amu Kamuktaindet nito ko Kamuktaindennyo koigeny ak koigeny: Inendet kandoindennyo agoi meet.

ISAIAH 20:6

Ak tun mwaei eng’ betunoto ne menyei emoni bo ngegut, kole, Ogeero, nito ko kamang’unennyo, ne kigimwachi agobo toretet si kesoruech eng’ laitoriatab Asuria: ak achek anyun, kechilildoi ano?

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

JEREMIA 23:6

Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

JEREMIA 3:18

Tun bendoti eng’ betusiechoto gotab Juda ak gotab Israel, ak kobwa tuwai komong’ eng’ emet ne bo murot ne bo katam, kobwa emet ne kiagochi kwanisiekwok kobunji.

JEREMIA 30:10

Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

JEREMIA 30:22

Ak oegu bikyuk, ak aegu Kamuktaindeng’wong’.

JEREMIA 30:24

Mamweeksei neregek che ng’wonen che bo Jehovah agoi koyai koges, agoi koyai magutikab muguleldanyi kosulda: oguitosi ng’olyondonito eng’ betusiek che bo let.

JEREMIA 30:3

Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji.

JEREMIA 31:33

Ago ni kayomiset ne kiyomisige ak gotab Israel ye ibata betusiechoto, mwaei Jehovah; andoi ng’atutiennyu orinywa, ak asirjini mugulelwekwak: ak aegu Kamuktaindenywa, ak koek bikyuk.

JEREMIA 32:38

Ak koek bikyuk, ak aegu Kamuktaindenywa:

JEREMIA 33:14

Ogeero, bwanei betusiek mwaei Jehovah, ye ayae ng’olyondonoto mie ne kiamwa agobo gotab Israel ak agobo gotab Juda.

JEREMIA 33:7

Ak agochi Juda ak Israel koweek eng’ ole kiga kiluulji, ak ateech ichek ko u eng’ tai.

JEREMIA 50:4

Bwanei eng’ betusiechoto ak eng’ betunoto, lagokab Israel, icheget ak lagokab Juda, mwaei Jehovah; bendi koririoti, ak kocheng’oti Jehovah Kamuktaindenywa.

EZEKIEL 11:20

si kobendate ng’atutikyuk, ak korib kayomisutikyuk, ak koyai: ak koek ichek bikyuk, ak aegu Kamuktaindenywa.

EZEKIEL 34:24

Ak aegu ane Jehovah Kamuktaindenywa, ak koek Daudi otwogindennyu, bounindet eng’ kwenunywa; kamwae ane Jehovah ng’olyondonito.

EZEKIEL 34:31

Ak okwek, kechirekyuk, che o kechirekab akwennyu, ko o bik, ak a Kamuktaindeng’wong’, mwaei Kiptaiyat Jehovah.

EZEKIEL 36:28

Ak omeny emet ne kiagochi kwanisiekwok; ak oegu bikyuk, ak aegu Kamuktaindeng’wong’.

EZEKIEL 39:22

Konai anyun gotab Israel kole a Jehovah Kamuktaindenywa, koboch betunoto ak kwo tai.

EZEKIEL 39:25

Mwaei anyun Kiptaiyat Jehovah ko u ni kole: Amutu kogeny che kigiluul che bo Jakobo, ak arire got komugul ne bo Israel; ak koama ng’etkong’ agobo kainennyu ne tilil.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

ATEPTAP LAWIK 26:12

Ak awendote kwenung’wong’, ak aegu Kamuktaindeng’wong’ ak oegu bikyuk.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

JOHANA 20:17

Kolenji Jesu, Ametwaa; amu tom atogosyi oldab Kwanda: ago ui ole mi tupchosiekyuk, ak ilenji, Atogosyini oldab Baba, ago Baba neng’wong’, Jehovah nenyu, ago Jehovah neng’wong’.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

HEBRANIK 12:16

si mabiit ne soksei, anan chito ne maiywei Jehovah, ko u Esau, ne kialda etunatennyi ne bo siget agobo amdit agenge.