JEREMIA 30:7 - BUKUIT NE TILIL

⁷ Bwa! Amu o betunoto, kot ko mami age ne u noto: noto ko betutab nyalildab Jakobo; ago kisoru eng’ nyalilato.

Bukuit Ne Tilil

⁷ Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

BUKUIT NE TILIIL Sireet ne Dutero Kanon

⁷ Pwo eng' peetuunooto, peetuut ne oo ne ma mi ne kergei: peetuutap nyalilda eng' Jakobo; nga kisaru eng' nyalilato.

JEREMIA 30:7 ပူးပေါင်းရင်းမြစ်များ

TAUNET 32:7

Kiiywei Jakobo mising’ anyun, ak kiarogen: ak kipchei bik che kimi tugul, ak nego, ak tuga, ak tambesik, kopcheune aeng’;

TIENWOGIKAL 25:22

Itiach Israel, ee Kamuktaindet, Eng’ nyalilwogikyik tugul.

TIENWOGIKAL 34:19

Chang’ nyalilwogikab ne bo imanda: Ago soru Jehovah inendet eng’ choto tugul.

ISAIAH 20:6

Ak tun mwaei eng’ betunoto ne menyei emoni bo ngegut, kole, Ogeero, nito ko kamang’unennyo, ne kigimwachi agobo toretet si kesoruech eng’ laitoriatab Asuria: ak achek anyun, kechilildoi ano?

JEREMIA 14:8

Ee inye kamang’unetab Israel, yetindennyi eng’ betutab nyalilda, amu nee si iige toondet eng’ emet, ak iige kiprutoiyot ne mastoi koruei kemout agenge?

JEREMIA 2:27

che lenjin subenet, I baba; ak kolenji koita, Kiisicha: amu kigotuktocha batai, ama tokyagei: ago mwaei eng’ betutab nyalildanywa, kole, Ng’eet, soruech.

JEREMIA 2:28

Ago mi ano kanamonik che kiiyachige? Ingong’eetyo ichek, ngot komuchi kosorun eng’ betusiekab nyalildang’ung’: amu ko u ole te koitetab nganasoguk, ko u noto kanamoniguk, ee Juda.

JEREMIA 30:10

Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

RIREKAB JEREMIA 1:12

Tos ma kiy eng’ okwek, okwek tugul che osiirtoi? Ogeer ak obwat ngo mi arogenet age tugul ne u arogenennyu, ne kigiyaiywa, Ne kiinyalilena Jehovah eng’ betutab neregekyik che ng’wonen.

RIREKAB JEREMIA 2:13

Abaorianun alen nee? Arogenen nee, ee cheptab Jerusalem? Aaechindosin ak nee, si kobiit agaigain, ee bergeiyat, cheptab Sion? Amu o ole kibutok eng’ inye, ko u nyanjet: ng’o ne imuchi konyain?

RIREKAB JEREMIA 4:6

Amu o tengektab cheptab bikyuk kosiir tengektab Sodom, Ne kiging’em kigabui eng’ sait ne matia, ama twa chi.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

DANIEL 9:12

Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

JOEL 1:15

Bwa amu betunoto! Amu kagorik betutab Jehovah, ak nyonei ko u ng’emisiet ne bunu Inendet ne bo Kamuktaet.

JOEL 1:2

Ogas ng’olyondoni, okwek boisiek, ak oeb it, okwek tugul che omenye emet. Tos kibiit nito eng’ betusiekwok, anan eng’ betusiekab kwanisiekwok?

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

JOEL 2:31

Ak koimenit asista, ak koigei korotik arawet, kotom koit betut ne o ne imuisei ne bo Jehovah.

MIKAH 4:9

Amu nee anyun si iwaach? Tos metinye laitoriat, tos kigobet ching’ung’ ne bo kapkiruok, kot konamin ng’woninwek che u che bo kwondo ne machei kosigis?

HABAKUK 3:16

Kiagas, ak kitilgei moennyu, Kibotan kutinnyu eng’ cheonoto; Kinunio kowekyuk ak kiabotan eng’ ole kiami: Si kobiit amuuny eng’ betutab nyalilda, Ye togosyi noto bik, che ibokyin inendet eng’ kweanaik.

SEKARIA 14:7

ago betut agenge ne naat eng’ Jehovah; ma bet, ama kemoi: ago lapkeitu koskoleny.

MALAKI 4:1

Amu, ogeero, nyonei betut, ne lalei ko u mat ne o, ak koigei mobek menotik tugul, koboto ichek tugul che yaei tengekto: ak kobeel ichek betut ne nyonei, mwaei Jehovah ne bo lugosiek, kot ko mang’etyi tigitiot anan ko temet.

MARIKO 13:19

Amu egu nyalilda eng’ betusiechoto, ne kitom koegu ko u noto koboch taunetab yaetab ng’ony ne kiyai Jehovah, agoi nguno, ama kobiitu ko u noto kogeny agoi.

POISYONIGAP CHE KIYOKTOI 2:20

Kiwalei asista koek mesundeito, Ak kewal arawet koek korotik, Kotom koit betutab Kiptaiyat, Betut ne o agobo ne toogunot:

ROMANIK 11:26

ak u noto tun kisoru Israel tugul: ko u ye sirat kole, Tun mong’une Sion Katiagindet; Ak koistoe Jakobo bistoet:

NG'ANG'UTYET 6:17

amu kagoit betut ne bo neregekwak; ak ng’o ne imuchi kotonon?