JEREMIA 30:18 - BUKUIT NE TILIL

¹⁸ Mwaei Jehovah ko u ni kole, Ogeero, awale kogeny luuletab emaisiekab Jakobo, ak arire meng’otosiekyik; ak keteech nganaset karaitanyi, ak kotebi gotab laitoriat ko u yeginye.

Bukuit Ne Tilil

¹⁸ Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

BUKUIT NE TILIIL Sireet ne Dutero Kanon

¹⁸ Mwaei Kamuktaindet ne Toroor kole, ogeero, awale kogeny luuleetap emaisyegap Jakobo, ak ariiree meng'otosyekyik; ak keteech nganaseet karaitanyi, ak kotebi kootap laitoryat ko uu yeginye.

JEREMIA 30:18 ပူးပေါင်းရင်းမြစ်များ

1 ATEPTAP PEETUUSYEK 29:1

Ak kilenji laitoriat Daudi tuiyet tugul, Ta ko ming’in Solomon werinnyu, ne kilewen inegei Kamuktaindet, ak ko ta ko etyet, ak ko o boisiet: amu goyoto bo laitoriat ko ma bo chito, bo Jehovah Kamuktaindet.

1 ATEPTAP PEETUUSYEK 29:19

ak igochi werinnyu Solomon muguleldo ne igesunotgei, si korib ng’atutiguk, ak baornatosieguk, ak konetisiosieguk, ak koyai tuguchuto tugul, ak koteech gotab laitoriat, ne kiachopchi tuguchuto.

NEEMIA 7:4

Ki tebees anyun nganaset ak ko baraa: ago ki ng’ering’ bik che kimi orit, ak kitomo keteech gorik.

TIENWOGIKAL 102:13

Ing’eete, irire Sion: Amu kagoyam kerire, ee, kagoit betut ne kigichopchi.

TIENWOGIKAL 102:14

Amu boiboitu kiboitiniguk eng’ koikyik, Ak rire ichek temburiekyik.

TIENWOGIKAL 122:7

Ingotebe kalyet irimoiguk, Ak ingotebe borotet goriguk che eechen.

TIENWOGIKAL 48:13

Obwat komie irimoikyik, Obwat gorikyik che eechen; Si kobiit omwachi ibinda ne biitu let.

TIENWOGIKAL 48:3

Kigoborgei Kamuktaindet eng’ gorik che eechen che bo nganasanato koek ole kimwechin.

TIENWOGIKAL 78:69

Ak kiteech oldanyi ne tilil koigei ole sutot, Koigei ng’onyut ne kigogimit inendet koigeny.

TIENWOGIKAL 85:1

Kiirire emeng’ung’, inye Jehovah: Kiiweegu Jakobo konyo eng’ ole kiga luul inendet.

ISAIAH 44:26

ne igimiti ng’olyotab otwogindennyi, ak kosuldoi kiruogetab chechik che kiyoktoi; ne mwaei agobo Jerusalem kole, Tun kimenyei; ak komwaei agobo nganasokab Juda kole, Tun kiteechei, ak ang’eet komoswekyik che kigoek karatwek:

ISAIAH 44:28

ne mwaei agobo Kirus kole, Inendet ko mestowondennyu, ak koyaei inendet tuguk tugul che achame: mwaei kogeny agobo Jerusalem kole, Tun kiteechei, ak komwachin hekalut kolenjin, Tun kilumei lumeiyweguk.

JEREMIA 23:3

Ak ayum che king’et che bo akwennyu komong’ eng’ emotinwek tugul ole kigaonji, ak amutu kogeny kobwa biusiekwak; ak koiiyo kotesogis.

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 29:14

Ak onyorua, mwaei Jehovah, ak awal luuleng’wong’, ak ayumak omong’une bororiosiek tugul, ak eng’ komoswek tugul ole kiaonjok, mwaei Jehovah; ak amutwak kogeny obwa olito kiagoitoenok.

JEREMIA 30:3

Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JEREMIA 31:38

Ogeero, bwanei betusiek, mwaei Jehovah, che tun kiteekyine Jehovah nganaset koboch teekset ne koi ne bo Hanael agoi ormarichetab luita.

JEREMIA 31:4

Ateechin kogeny, ak keteechin, ee bergeiyatab Israel: kilelesonunenen kogeny sugutisieguk che mengechen, ak iwe iurerenote koboto ichek che igasegei.

JEREMIA 31:40

Ak koek ne tilil eng’ Jehovah atebwet komugul ne bo muswek, ak ne bo orek, ak mbarenik tugul che itei kererutab Kidron, agoi luita ne bo ormarichetab mbartanyit ne tokyingei kong’asis; magitutu, anan kebut kogeny agoi.

JEREMIA 32:15

Amu mwaei Jehovah ne bo lugosiek, Kamuktaindetab Israel, ko u ni kole: Ta kealei kogeny gorik ak mbarenik ak mbarenikab sabibuk eng’ emoni.

JEREMIA 32:44

Alei bik mbarenik eng’ fedaisiek, ak kosir baronokab kayanjinet, ak kong’och, ak koguur baorinik, eng’ emetab Benjamin, ak eng’ komoswek che mi ole negite Jerusalem, ak eng’ nganasokab Juda, ak eng’ nganasok che mi emetab tulonok, ak eng’ nganasok che mi emet ne soi, ak eng’ nganasok che mi Murot ne bo Tai: amu agochini koweek eng’ ole kigiluulji, mwaei Jehovah.

JEREMIA 33:11

kigasei tugetab boiboiyet ak ne bo kagasetab ge, ne bo sandet ak ne bo mureret, tugetab ichek che mwaei kole, Oweekyi kongoi Jehovah ne bo lugosiek, amu mie Jehovah, amu tebyei koigeny rirenennyi: ak tugetab che igoitoi korosekab kongoi kobwa gotab Jehovah. Amu agochini koweek bikab emet che kigeluul, ko u eng’ tai, mwaei Jehovah.

JEREMIA 33:7

Ak agochi Juda ak Israel koweek eng’ ole kiga kiluulji, ak ateech ichek ko u eng’ tai.

JEREMIA 46:27

Ago meiywei, ee Jakobo otwogindennyu, anan iarogen, ee Israel; amu, keero, asorun eng’ ole loo, ak asoru iyoteng’ung’ eng’ emet ne kigiluulji; ak koweek Jakobo, ak komuuny ak kotebe kalyet, ama mi chi ne imui.

JEREMIA 49:39

Ago aweechi kogeny luulenikab Elam eng’ betusiek che bo let, mwaei Jehovah.

JEREMIA 49:6

Ago ye ibata aweegu kogeny che kigeluul che bo lagokab Amon, mwaei Jehovah.

EZEKIEL 36:11

ak ateswok bik ak tiong’ik; ak kotesak ak koiiyo: ak kemenyok ko u betusiekwok che bo tai, ak ayaiywok ne mie kosiir eng’ tai: si onai ole a Jehovah.

AMOS 9:14

Ak amutu kogeny bikyuk Israel che kiga keluul, ak koteech nganasok che kiga koek karatwek, ak komeny oloto; ak komin mbarenikab sabibuk, ak koeei divaikab mbarenichato; ak kobatis, ak koam logoekab mbarenichato.

SEKARIA 1:12

Kiwol anyun malaikaiyatab Jehovah, kole, Ee Jehovah ne bo lugosiek, ta iesioi kot kotianit si irire Jerusalem, ak nganasokab Juda, che kiinerekyi kenyisiechu tamanwogik tisab?

SEKARIA 1:16

Mwaei anyun Jehovah ko u ni kole: Kaaweekyige Jerusalem arire; kiteechei gonnyu nganasanato, mwaei Jehovah ne bo lugosiek, ak kechuul borowet ne kikwaise, eng’ Jerusalem.

SEKARIA 12:6

Ayae eng’ betunoto bounikab Juda koigei rokyietab mat ne mi kwenik, ak koigei kegenget ne mi kwenutab ratutikab bek; ak koges bik tugul che mi komoswek tugul che mi eutab tai ak che mi eutab katam: ak komeny Jerusalem kogeny komostanyi, noto ko Jerusalem.

SEKARIA 12:7

Sib kosoru Jehovah emaisiekab Juda, si maeet torornatetab gotab Daudi ak torornatetab bik che menyei Jerusalem, kosiir Juda.

SEKARIA 14:10

Kiwalei emet tugul koigei Araba, koboch Geba agoi Rimon murot ne bo tai ne bo Jerusalem; ak kieeti, ak komeny oldanyi, koboch ormarichetab Benjamin, agoi komostab ormarichet ne bo tai, agoi ormarichetab luita, koboch teekset ne koi ne bo Hananel, agoi komoswekab laitoriat ole kitue sabibuk.