JEREMIA 30:11 - BUKUIT NE TILIL

¹¹ Amu ami koboten, mwaei Jehovah, si asorun; amu agesu bororiosiek tugul che kigayestochin, ago magesun inye; ago atigonenen kiruoget, amabagaktoin ama kibirin.

Bukuit Ne Tilil

¹¹ Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

BUKUIT NE TILIIL Sireet ne Dutero Kanon

¹¹ Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 30:11 ပူးပေါင်းရင်းမြစ်များ

JEREMIA 10:24

Ee Jehovah, itigona, ago eng’ kiruoget; ma eng’ neregeguk, si meyaa aek buch.

JEREMIA 1:19

Ak obarge, ago maiterterin: amu ami koboten, si asorun, mwaei Jehovah.

JEREMIA 4:27

Amu mwaei Jehovah ko u ni kole, Egu emet tugul karaita; ago magesu.

JEREMIA 1:8

Ameiywei ichek: amu ami koboten, asorun, mwaei Jehovah.

ISAIAH 8:10

Oruoch tugul, si koek buch; omwa ng’olyot, ama tononi: amu mi Kamuktaindet kobotech.

2 TIMOTEO 4:22

Ingoteb Kiptaiyat koboto tamirmirieng’ung’. Ingoteb mieindo kobotok.

POISYONIGAP CHE KIYOKTOI 18:10

amu ami koboten, ama mi chi ne twain koyaun ne ya: amu atinye bik che chang’ eng’ nganasani.

MATAYO 28:20

onet ichek kosub tuguk tugul che kaang’atak: ak ogeero, ami kobotok eng’ betusiek tugul, agoi kagesunetab ng’ony.

JEREMIA 15:20

Ak ayain eng’ bichu iegu irimet ne ng’otat ne bo sugunwet; ak obarge ak ichek ago maiterterin; amu ami koboten si asorun ak atiachin, mwaei Jehovah.

JEREMIA 5:18

Ago mwaei Jehovah kole, Agot eng’ betusiechoto, ko mageswok.

JEREMIA 5:10

Otogoste irimoikyik, ak ong’em; ago mong’em ogesu: oiste temenikyik: amu ma bo choto Jehovah.

TIENWOGIKAL 6:1

Ee Jehovah, megera kong’ eng’ neregeguk, Anan itigona eng’ nyitateng’ung’ ne ng’wan.

MATAYO 1:23

Ogeero, manachi bergeiyat, ak kosich werit, ak keguure kainennyi Imanuel; ye kiweech ko ni, Mi Jehovah kobotech.

EZEKIEL 11:13

Ak kime Pelatia weritab Benaia ye kiamaoteni, kiabut anyun kot kotiiny togennyu ng’ony, ak arir eng’ kutit ne o, ale, Bwa Kiptaiyat Jehovah! Tos igesu che king’et che bo Israel?

ISAIAH 43:25

Ane, ee anendet ne aistoi bistaosieguk, amu kainennyu; amabwati tengekwogiguk.

ATEPTAP LAWIK 26:44

Agot nganda u choto tugul, ye mi emetab bunikwak, ko maesioi ichek, amaweche, amang’eme awong’u, ak mabute kayomisennyu koboto ichek: amu a Jehovah Kamuktaindenywa:

NG'ATUTIK 4:31

amu Jehovah Kamuktaindeng’ung’ ko Kamuktaindet ne bo rirenet; mametoin, anan kowong’un, anan koutie kayomisetab kwanisieguk ne kiiyosiechi.

RIREKAB JEREMIA 3:22

Ki rirenosiekab Jehovah kityo si ma kigeswech, amu mararu rirenosiekyik.

EZEKIEL 6:8

Ago atuuchi che ng’etu, si kobiit onyoru che chilildos eng’ rotwetab chok eng’ bororiosiek, ye kiseerak obe emotinwek.

HOSEA 11:9

Mayae koromnatetab neregekyuk, maweeksei ang’eme Epraim: amu a Kamuktaindet, ma a chi; Inendet ne Tilil ne mi kwenung’ung’: machute nganaset.

KOMONG'U 34:7

ne italachingei elfusiek, ne nyochin kaat bik tengekto ak bistoet ak chalwokto: ne mabagaktoi kiptengekyot age tugul; igeerjin lagok tengektab kwanisiekwak, ak eng’ lagokab lagokwak, agoi ibindab somok ak ne bo ang’wan.

2 SAMUEL 24:12

Ui imwachi Daudi ilenji, Kamwa Jehovah ko u ni kole, Kagonin tuguk somok; lewen agenge eng’ choto, si kobiit ayaun.