JEREMIA 30:10 - BUKUIT NE TILIL

¹⁰ Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

Bukuit Ne Tilil

¹⁰ Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

BUKUIT NE TILIIL Sireet ne Dutero Kanon

¹⁰ Meiywei anyun, ee Jakobo otwogindennyu, mwaei Kamuktaindet ne Toroor; ametoptoben, ee Israel: amu asaruun eng' ole loo, kobooto iyoteng'ung', komong' eng' emet ne kiga kiluulji; ak koweek Jakobo, ak kosiis, ak komuuny, ama komi chii ne imui ineendet.

JEREMIA 30:10 ပူးပေါင်းရင်းမြစ်များ

TAUNET 15:1

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

ISAIAH 14:3

Ak eng’ betut ne konin Jehovah kamuung’et eng’ arogeneng’ung’, ak eng’ nyalindang’ung’, ak eng’ otisiet ne uui ne kigibirjin,

ISAIAH 35:9

Mabiitu ng’etundo eng’ oloto, ama bunei oranato tiondo age tugul ne korom, maginyorjin oloto; ago bunei oloto che kigitiach:

ISAIAH 43:5

Ameiywei; amu ami koboten: amutu iyoteng’ung’ eng’ kong’asis, ayumin inyo eng’ cherongo;

ISAIAH 44:1

Kas anyun nguno, ee otwogindennyu Jakobo; ak Israel ne kialewen:

ISAIAH 44:2

Mwaei Jehovah ne kiyain, ne kimimiin eng’ moet, ne toretin, ko u ni kole, Ameiywei, ee otwogindennyu Jakobo; ak inye Jesurun, ne kialewen.

ISAIAH 46:11

aguure taritiet ne amei banyek eng’ kong’asis, aguure kiruogindennyu kobun emet ne loo; ee, kaamwa, ak ayae kosulda; kiachob, ak ayai.

ISAIAH 46:13

Aibu imandanyu korik, malooitu, amaigaegei yetunennyu: ak ande Sion yetunet agobo Israel ne torornatennyu.

ISAIAH 49:12

Ogeero, bunu chu ole loo: ak ogeero, bunu chu murot ne bo katam ak cherongo; ak bunu chu emetab Sinim.

ISAIAH 49:25

Ago mwaei Jehovah ko u ni kole, Kirebe che kimen luulenikwak, ak kitiachi tugul che kigiluulei, che bo che imuisei: amu kibortosi ak inendet ne borienen, ak asoru lagoguk.

ISAIAH 54:4

Ameiywei; amu melilani: anan itoptoben; amu magitewerin: amu iutie tewernatetab ming’inateng’ung’, ama ibwati chotisietab mosoknateng’ung’.

JEREMIA 23:3

Ak ayum che king’et che bo akwennyu komong’ eng’ emotinwek tugul ole kigaonji, ak amutu kogeny kobwa biusiekwak; ak koiiyo kotesogis.

JEREMIA 23:4

Ak ande mestowek che iyagi: ama koiyweisiei kogeny, anan koarogenso, ama biitu chi ne rarjin kiy, mwaei Jehovah.

JEREMIA 23:6

Kisoru Juda eng’ betusiekyik, ak komeng’is Israel eng’ chametab ge: ak ni kainennyi ne kemwaitoe, Jehovah ko imandanyo.

JEREMIA 23:8

Ago, mwaei kole, Ko u ye sobei Jehovah, ne kiimut iyotetab gotab Israel komong’ eng’ emet ne bo murot ne bo katam, ak eng’ emotinwek tugul ole kigaonji ichek, ak komeny emenywa.

JEREMIA 29:11

Amu angen kabwatutik che abwati agobo okwek, mwaei Jehovah, kabwatutikab kalyet, ma che bo yaitiet, si agonok kamang’unet eng’ betusiekwok che bo let.

JEREMIA 29:14

Ak onyorua, mwaei Jehovah, ak awal luuleng’wong’, ak ayumak omong’une bororiosiek tugul, ak eng’ komoswek tugul ole kiaonjok, mwaei Jehovah; ak amutwak kogeny obwa olito kiagoitoenok.

JEREMIA 3:18

Tun bendoti eng’ betusiechoto gotab Juda ak gotab Israel, ak kobwa tuwai komong’ eng’ emet ne bo murot ne bo katam, kobwa emet ne kiagochi kwanisiekwok kobunji.

JEREMIA 30:3

Keero, bwanei betusiek, mwaei Jehovah, che awale luuletab bikyuk Israel ak Juda, mwaei Jehovah: ak agochi ichek koweek kobwa emet ne kiagochi kwanisiekwak, ak kobunji.

JEREMIA 30:7

Bwa! Amu o betunoto, kot ko mami age ne u noto: noto ko betutab nyalildab Jakobo; ago kisoru eng’ nyalilato.

JEREMIA 33:16

Kisoru Juda eng’ betusiechoto; ak komeng’is Jerusalem eng’ chametab ge; ak ni kainet ne kimwaitoe, Jehovah ko imandanyo.

EZEKIEL 16:52

Ib inye kobunjin kalilaneng’ung’ amu koiruokyi chepkametwogiguk; bo imanda icheget kosiirin amu tengekwogiguk che koiyai che kiwechei kosiir choto koyai icheget: ee, i teweroksei aginye, ak iib kalilaneng’ung’, amu koiityi imanda chepkametwogiguk.

EZEKIEL 38:11

ak imwa ile, Atogostoi emetab nganasok che matinyei irimoik; awendi ole mi ichek che mi eng’ kalyet, che meng’isiei eng’ chametab ge, meng’isiei ichek tugul ama tinyei irimoik, ama tinyei temeleiywek anan ormarichok:

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

HOSEA 2:18

Ak ayai arorutiet eng’ betunoto agobo ichek koboto tiong’ikab timin ak taritikab barak, ak tuguk che ichuutegei ng’ony: ak airi kwanget ak rotwetab chok, ak aiste luget eng’ emet, ak agochi koruiyo eng’ chametab ge.

HOSEA 2:20

Achobe atunin eng’ imanda: ak inai Jehovah.

HOSEA 6:11

Ee Juda, mi kogeny kesisiet ne kigeng’atun, ye tun amutu kogeny bikyuk che kigeluul.

JOEL 2:21

Ee emoni, ameiywei, igasge ak ibaibaitu, amu kogoyai Jehovah tuguk che eechen.

MIKAH 4:9

Amu nee anyun si iwaach? Tos metinye laitoriat, tos kigobet ching’ung’ ne bo kapkiruok, kot konamin ng’woninwek che u che bo kwondo ne machei kosigis?

SEKARIA 3:10

Mwaei Jehovah ne bo lugosiek, kole, Tun kuurei chi age tugul eng’ okwek chitab kokwennyi, eng’ betunoto, konyo kelutab ketitab sabibuk, ak ne bo mogoiywet.

JOHANA 12:15

Ameiywei, inye, ee, cheptab Sion: keero, nyonei Laitoriandeng’ung’, kobunu moitab sigiriet.