JEREMIA 3:3 - BUKUIT NE TILIL

³ Kigeger anyun ropta amu noto, si mata kobiit ropta ne bo let; ago itinye togetab chepkugoniot, ak iesioi ililan.

Bukuit Ne Tilil

³ Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

BUKUIT NE TILIIL Sireet ne Dutero Kanon

³ Kigeger anyun ropta amu nooto, si mata kobiit ropta ne po let, ago itinye togeetap chepkugoniot ak ieesyoi ililan.

JEREMIA 3:3 ပူးပေါင်းရင်းမြစ်များ

TAUNET 19:34

Ak eng’ betut ne kiisubi noto, kolenji ne o ne ming’in, Keero, kogiruiye lagat ak baba: nginage maiyek kemouni bo ra kogeny; ak iwe inye oruiye tuwai, si kerib iyotetab kwandanyo.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

KALEWANAIK 21:29

Iuuiiti togennyi chito ne ya: Ago chobei ortinwekyik chito ne bo iman.

ISAIAH 5:6

ak angem; ma kesabori, ama kesemberi; ago bitos katablelinik ak katok: ang’ate kogeny bolik si mata korobonji.

JEREMIA 14:1

Kinyonji Jeremia ng’olyotab Jehovah agobo iljet.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 14:3

Ak koyokto bikwak che toogunotin bik che mengechen koba ole mi beek: bendi agoi keringonik, ama nyoru beek: weeksei buch ak terenikwak: ililandos ak kotoptobenso, ak kotuch metowekwak.

JEREMIA 14:4

Amu emet ne kigobetak, amu kima kota komi ropta emet, ililandos che ibatisiei, tuchei metowekwak.

JEREMIA 36:2

Nam bukuit ne mamanat, isirji ng’alek tugul che koamwaun agobo Israel, ak agobo Juda, ak agobo bororiosiek tugul, koboch betut ne kiang’alalun, koboch betusiekab Josia, agoi betuni.

JEREMIA 5:24

Ama mwaei eng’ mugulelwekwak kole, Ongiywei anyun Jehovah Kamuktaindennyo, ne konu ropta, ne bo tai ak ne bo let, eng’ betusiekyik; ne ribwech wigisiek che kiging’at che bo kesisiet.

JEREMIA 5:25

Kigowal tengekwogikwok tuguchuto, ak kigoetenak tengekwogikwok mieindo.

JEREMIA 5:3

Ee Jehovah, tos mageerei konyeguk imanit? Kiibir ichek, ago ma arogenso; kiigesu ichek, ago kiesio kotaach kotigonet: kiiuuiit ichek togochikwak kosiir ruandet; kiesio koweek.

JEREMIA 6:15

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget che ibutos: tun kiwirtoi eng’ betut ne anyonjini ichek abire, mwaei Jehovah.

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

JEREMIA 9:12

Ng’o chito ne ng’om ne imuchi koguiyo nito? Ak ng’o inendet ne king’alalji kutitab Jehovah, si kobiit komwaita? Amu nee anyun si kong’emak emet ak kolal ko u ong’atet, kot ko ma kobunei chi?

EZEKIEL 3:7

Ago magasin gotab Israel; amu mamachei ichek kogasa: amu uuen togochikab got komugul ne bo Israel, ak ko uuen mugulelwekwak.

ATEPTAP LAWIK 26:19

Ak airi menotetab kimnateng’ung’; ak ayai kipsengwet neng’wong’ koigei karnet, ak koigei emeng’wong’ sugunwet;

AMOS 4:7

Ak kiaetenak kogeny ropta, ye kitomo arawek somogu si koit kesisiet: ak kiagochi korobonji nganaset age, ak aeete ropta nganaset age: kirobonji komosta ne ming’in, ak kiyaam komosta ne ma robonji.

AMOS 4:8

Koombeniot anyun nganasok aeng’u anan ko somok koba nganaset age si koee beek, ago ma yam: ago tom oweekyage, mwaei Jehovah.

SEPANIA 2:1

Oyumge, ee, oyumge, ee bororiet ne matinyei kalilanet;

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

HAGGAI 1:11

Ak kiang’at kobiit kemeut eng’ emet, ak eng’ tulonok, ak eng’ bek, ak eng’ divaik, ak eng’ mwanik, ak eng’ tuguk che bitos eng’ ng’ony, ak eng’ bik, ak eng’ tuga, ak eng’ boisionik tugul che bo eunek.

NG'ATUTIK 28:23

Ak egu sugunwet kipsengwet ne mi baragung’ung’, ak koek karnet ng’ony ne itieche.

HEBRANIK 12:25

Ogeer, amoesie inendet ne ng’alali. Amu ngot ko kima chililyo ichek ye kingoesio inendet ne kiga koteeita eng’ ng’ony, kesiire ne tia anyun achek ngot keistoege inendet ne iteu eng’ kipsengwet: