JEREMIA 3:22 - BUKUIT NE TILIL

²² Oweege, okwek lagok che kiogetyigei let, si asoob kachuchugeng’wong’ bo ge. Keero, kagibwanjin; amu i Jehovah Kamuktaindennyo.

Bukuit Ne Tilil

²² Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

BUKUIT NE TILIIL Sireet ne Dutero Kanon

²² Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 3:22 ပူးပေါင်းရင်းမြစ်များ

TYENDO NE SIIREI TUGUL 1:4

Ichuuta; si keruou, kisubun: Kagomutwa anyo gorikyik che bo orit: Kigasige ak kiboiboitu eng’ inye, Kimwaitoi achek chamnyeng’ung’ kosiir divaik: Chamin ichek eng’ iman.

ISAIAH 1:2

Ogas, ee kipsengwetisiek, ak oeb it, inye ng’ony, amu kagotwek Jehovah, kole: kiagu lagok, ak kianet, ak kigongelelja.

ISAIAH 27:8

Kioborie ak inendet ne yamei, ye kiione; kiisto inendet eng’ usonennyi ne ng’wan eng’ betutab usonetab kong’asis.

ISAIAH 31:6

Oweekyige inendet ne kiongelelji mising’, ee lagokab Israel.

ISAIAH 57:17

Amu kianerech agobo tengektab kasennyi ne bo miat, ak abir inendet, kiauny togennyu ak anerech: ak kites komaasak eng’ oretab muguleldanyi.

JEREMIA 3:12

Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

JEREMIA 30:17

Amu asoobin, ak anya ng’otobosieguk, mwaei Jehovah; amu kigoguurenen ne kigitimda, kole Sion nito, ne mamage kiy chi.

JEREMIA 31:18

Koagas iman koteechingei Epraim, kolen, Kiitigona, ak kiatigonage: ko u moita ne tom konai chogit: welela, si awelelok; amu i Jehovah Kamuktaindennyu.

JEREMIA 33:6

Ogeero, anyai ak asoobi, ak asoobi ichek; ak ang’ang’ji ichek chang’indab kalyet ak imanda.

JEREMIA 4:1

Ngot iweege, ee Israel, mwaei Jehovah, iweekyinage: ak ngot iiste tuguguk che kiwechei eng’ tainnyu, ko ma keistoin anyun;

EZEKIEL 18:30

Aruokwok anyun, ee gotab Israel, chi age tugul ko u ortinwekyik, mwaei Kiptaiyat Jehovah. Oweege, ak owalage, omete bistaosiekwok tugul; si maek tengekto ng’emisieng’wong’.

EZEKIEL 33:11

Mwachi ichek ilenji, Ko u ye asobe, mwaei Kiptaiyat Jehovah, ko mabaibaitune meetab kiptengekyot; ago abaibai ngo week kiptengekyot kometo orennyi, ak kosob: oweege, oweege, omete ortinwekwok che yaach; amu nee si obegu, ee gotab Israel?

HOSEA 13:4

Ago, a Jehovah Kamuktaindeng’ung’ koboch emetab Misri: amecheng’jige cheptalelit ne ter, kobatena anege, ama mi yetindet age kobatena.

HOSEA 14:1

Ee Israel, weekyige Jehovah Kamuktaindeng’ung’; amu kiibut eng’ tengektang’ung’.

HOSEA 14:4

Asoobi kachuchugeng’wong’ bo ge, achame ichek mising’: amu kogoistoegei inendet neregekyuk.

HOSEA 14:5

Aigeitu rewot eng’ Israel: yiei inendet ko u taptet ne kararan, ak kowakta tigitikyik ko u Lebanon.

HOSEA 14:8

Tun mwaei Epraim kole, Ta keting’ege nee kogeny ak kanamonik? Kaawolu, ak ageer inendet: a u biribiret ne tuon; bunwa logoeguk.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

JOEL 2:12

Ago mwaei Jehovah kole, Oweekyage agot nguno eng’ mugulelwekwok tugul, eng’ karugutetab ge, ak eng’ rirek, ak eng’ kateeiyet:

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.