JEREMIA 3:17 - BUKUIT NE TILIL

¹⁷ Tun kuure ichek Jerusalem eng’ betusiechoto, ng’echeretab laitornatet ne bo Jehovah, ak koyumjigei bororiosiek tugul, koyumjigei kainetab Jehovah, eng’ Jerusalem: ama kobendote uuindab mugulelwekwak che yaachen.

Bukuit Ne Tilil

¹⁷ Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

BUKUIT NE TILIIL Sireet ne Dutero Kanon

¹⁷ Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

JEREMIA 3:17 ပူးပေါင်းရင်းမြစ်များ

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

1 LAITORINIK 8:41

Ak eng’ chito ne bo bororiosiek, ne ma bo biguk Israel, ngo nyo eng’ emet ne loo agobo kaineng’ung’;

TIENWOGIKAL 102:23

Kiyai kimnatennyu konyalul eng’ oret; Kitil betusiekyuk konwagitu.

TIENWOGIKAL 78:8

Ak si matun igei kwanisiekwak, Ibinda ne uui met ak ko ngelelio; Ibinda ne kima chob mugulelwekwak, Ak che kima litititu tamirmirikwak eng’ Kamuktaindet.

TIENWOGIKAL 87:3

Kimwaitaenen tugukab teegisto, Ee inye nganasetab Kamuktaindet.

ISAIAH 26:8

Ee, kigigenin, inye Jehovah, eng’ oretab kiruogutiguk; makyingei sobonwekyok kaineng’ung’ ak kabwateng’ung’.

ISAIAH 56:6

Amutu kogeny toek che namegei ak Jehovah, si koboisiechi inendet, ak kocham kainetab Jehovah, koek otwogikyik, age tugul ne ribei sabato ne maimuruoni, ak konamei mising’ arorutiennyu;

ISAIAH 59:19

Iywei anyun kainetab Jehovah eng’ cherongo, ak koiywei torornatennyi eng’ ole chorune asista: amu nyonei ko u ainet ne isururtoi, ne onei kabusetab Jehovah.

ISAIAH 6:1

Eng’ kenyit ne kimee laitoriat Usia, ageer Kiptaiyat kotebe ng’echeretab laitornatet, kotoror ak komi barak, ak kinyi ngoriennyi hekalut.

ISAIAH 66:1

Mwaei Jehovah ko u ni kole, Kipsengwet ko ng’echerennyu ne bo laitornatet, ak ng’ony ko ng’echeretab kelyekyuk: oteekwa got ne u nee? Ak komosta ano ole amuung’e?

ISAIAH 66:18

Amu angen boisionikwak ak kabwatutikwak: nyonei betut, ye ayumi bororiosiek tugul ak kutuswek tugul; ak kobwa ak kogeer torornatennyu.

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

JEREMIA 11:8

Ago ma kas it, ama eb it, ago kiwendot age tugul eng’ uuindab muguleldanyi ne ya: aipchini anyun ichek ng’alek tugul che bo kayomisoni, ne kigang’at ichek koyai, ago ma yai.

JEREMIA 12:15

Ak ye kaatut ichek, aweechige ak arire ichek; ak amutu kogeny, konyo age tugul borotennyi, ak konyo age tugul emennyi.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

JEREMIA 14:21

Amat iwechech, amu kaineng’ung’; ametewer ng’echeretab laitornatet ne bo torornateng’ung’: ibwat, amat ibut kayomiset ne kigaiyomiswech.

JEREMIA 16:12

ak kioyai yaitiet kosiir kwanisiekwok; amu, ogeero, wendoti age tugul eng’ okwek kosubi uuindab muguleldanyi ne ya, kot ko ma oepcha it:

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 17:12

Oldanyo ole tilil ng’echeretab laitornatet ne bo torornatet, ne kiginde ole toror, koboch taunet.

JEREMIA 18:12

Ago mwaei kole, Matilei kiy kamang’unet: amu kibendote magutikyok, ak koyai chi tugul eng’ achek ko u uuindab muguleldanyi ne ya.

JEREMIA 3:19

Ago kiale, Amuktoi ano andein otebi ak lagok, ak agonin emet ne kararan, borotet ne mie ne bo lugosiekab bororiosiek? Ak kiale, Oguurena Baba; ama omastoi ometa.

JEREMIA 31:23

Mwaei Jehovah ne bo lugosiek, Kamuktaindetab Israel, ko u ni kole: Ta komwaei kogeny ichek ng’alechu eng’ emetab Juda ak eng’ nganasokyik, ye tun aweech kogeny eng’ ole kigimut kole: Ingoberurin Jehovah, ee meng’otetab imanda, ee tulwetab tililindo.

JEREMIA 33:9

Ak koek nganasani eng’ ane kainet ne kiboiboitune, koek kalosunet ak torornatet, eng’ taitab bororiosiek tugul che bo ng’ony, che kasei mieindo tugul ne ayachini ichek, ak koiyweis ak kobotanso amu mieinoto tugul ak kalyet tugul ne agochini nganasani.

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

JEREMIA 7:24

Ago ma kas, ama eb it, ago kibendate kiruogutikwak ak uuindab mugulelwekwak che yaachen, ak kituitui koba let, ma ba tai.

JEREMIA 9:14

ago kibendate uuindab mugulelwekwak, ak kosub Baalik, che kiineti kwanisiekwak;

EZEKIEL 1:26

Ak kimi baragutab sengwetiet, ne kimi baragutab metowekwak, kergeindo ne bo ng’echeretab laitornatet, ne u itondanyi koita ne kiguure sapire: ak kimi baragutab kergeindo ne bo ng’echeranato bo laitornatet, kergeindo ne bo itondab chito eng’ baragunnyi.

EZEKIEL 43:7

Ak kilenja, Ee, weritab chi, yuto ko oldab ng’echerennyu ne bo laitornatet, ole tebe kelyekyuk, ole amenye koigeny eng’ kwenutab lagokab Israel: ama komuruoni kogeny gotab Israel kainennyu ne tilil, icheget anan ko laitorinikwak, eng’ kugoinatenywa, ak eng’ muswekab laitorinikwak eng’ komoswekwak che tororen;

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

SEKARIA 8:8

ak amutu ichek, ak komeny kwenutab Jerusalem; ak koek ichek bikyuk, ak aegu Kamuktaindenywa, eng’ imanit ak eng’ imanda.

KAITOSYEK 15:39

ak egu usinoto, u sawoiyot eng’ okwek ne ogeere ak obwati ng’atutik tugul che bo Jehovah, ak oyai; si mosub kit ne machei mugulelwekwok, ak konyekwok, che kicham osubi oibegei.

ROMANIK 1:21

amu kingo kagonai Jehovah, ko ma kolos ko u Jehovah, anan kogochi kongoi; ago kiberberitu eng’ kabwatutikwak, ak kiimenitu mugulelwekwak che matinyei naet.

ROMANIK 6:14

Amu matinyei tengek bounatet eng’ okwek: amu ma omi eng’ Ng’atutik, ago eng’ mieindo.

GALATYEK 4:26

Ago Jerusalem ne mi barak kotiagat, ne noto ko kamennyo.

NG'ATUTIK 29:29

Bo Jehovah Kamuktaindennyo tugukab ung’ot: ago chechok ak lagokyok koigeny tuguk che ng’ang’atin, si kobiit keyai ng’alek tugul che bo ng’atutioni.

KIRUOGIK 2:19

Ago kingo kagome kiruogindet, koweeigei let, ak koyai tuguk che samisen kosiir kwanisiekwak, kosubi kanamonik kootei, ak kong’urukyi; ma sisyo eng’ boisionikwak, anan eng’ oretab ngelelnatenywa.