JEREMIA 3:14 - BUKUIT NE TILIL

¹⁴ Oweege, okwek lagok che kiogetyige let, mwaei Jehovah; amu a manong’otiot eng’ okwek; ak amut chito agenge eng’ nganaset agenge, ak bik aeng’ che bo oret agenge, ak amutwak obwa Sion.

Bukuit Ne Tilil

¹⁴ Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

BUKUIT NE TILIIL Sireet ne Dutero Kanon

¹⁴ Oweege, okweek lagok che motinye kayaneet, mwaei Kamuktaindet ne Toroor, Amu anee ko aa manong'otyot eng' okweek, amutu chii agenge agenge eng' nganaseet age tugul, ak piik aeng' che po ooreet agenge, ak amutak agoi Zion.

JEREMIA 3:14 ပူးပေါင်းရင်းမြစ်များ

2 ATEPTAP PEETUUSYEK 30:6

Kiib anyun bik che kiga kiyokto, baronok che kibunu laitoriat ak bounikyik, koba Israel tugul ak Juda, ko u ng’atutietab laitortiat, kolenji, Okwek, lagokab Israel, oweekyige Jehovah, Kamuktaindetab Abraham, Isak ak Israel, si komuch inendet koweekyigei bik che king’et, che kichililso eng’ okwek eng’ eunekab laitorinikab Asuria.

ISAIAH 1:9

Nda kima bagakwech Jehovah ne bo lugosiek ng’etunenik che ng’ering’ mising’, ta kiga keige Sodom, ak ta kiga keige Gomora.

ISAIAH 10:22

Agot nganda u biguk che bo Israel ng’aniek che bo nyanjet, koweeksei bik che ng’etu kityo eng’ ichek: kigeng’at kagesunet eng’ ichek, ne ng’elyektoi eng’ imanda.

ISAIAH 17:6

Nganda u noto, kong’etu turonik, ko u ye kitumdumi emdit, ak kong’etune logoek aeng’ anan ko somok eng’ temet ne tabanu barak, ak kong’etune ang’wan anan ko mut eng’ temenik che kiiwakta kolooegitu che bo ketit ne rurei, mwaei Jehovah, Kamuktaindetab Israel.

ISAIAH 27:12

Ak tun birei Jehovah eng’ betunoto logoekyik korara, koboch nyiietab Ainet agoi kererutab Misri, ak kiyumak agenge agenge, ee okwek lagokab Israel.

ISAIAH 31:6

Oweekyige inendet ne kiongelelji mising’, ee lagokab Israel.

ISAIAH 44:22

Kiaiste bistaosieguk, ko u boldet ne o, ak kiaiste tengekwogiguk, ko u boldet: weekyage; amu kiatiachin.

ISAIAH 54:5

Amu Yaindeng’ung’ ko manong’otiondeng’ung’; Jehovah ne bo lugosiek kainennyi: ak Inendet ne Tilil ne bo Israel ko katiagindeng’ung’; kiguure inendet Kamuktaindetab ng’ony komugul.

ISAIAH 55:7

ingometo kiptengekyot orennyi, ak ingometo inendet ne ma bo iman, kabwatutikyik: ak ingoweekyigei Jehovah, si korire; ak ingoweekyigei Kamuktaindennyo, amu nyochin kaat iman.

ISAIAH 57:17

Amu kianerech agobo tengektab kasennyi ne bo miat, ak abir inendet, kiauny togennyu ak anerech: ak kites komaasak eng’ oretab muguleldanyi.

ISAIAH 6:13

Ak ngot ko ta komi kebeberta agenge eng’ taman, keamei kogeny: ko u ketit ne kiguure teil, ak ketit age, che ng’etu musugikwak ye kageeb; u noto, iyotet ne tilil ko tigitikyik.

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 2:2

Ui, ititenji Jerusalem, ilenji, Mwaei Jehovah ko u ni kole, Abwatin agobo mieindab ming’inateng’ung’, chamnyetab katunisieng’ung’; ko u ye kiisubwa eng’ ong’atet, eng’ emet ne kima kegolei.

JEREMIA 23:3

Ak ayum che king’et che bo akwennyu komong’ eng’ emotinwek tugul ole kigaonji, ak amutu kogeny kobwa biusiekwak; ak koiiyo kotesogis.

JEREMIA 29:14

Ak onyorua, mwaei Jehovah, ak awal luuleng’wong’, ak ayumak omong’une bororiosiek tugul, ak eng’ komoswek tugul ole kiaonjok, mwaei Jehovah; ak amutwak kogeny obwa olito kiagoitoenok.

JEREMIA 3:1

Mwaei ichek kole, Ngot koon chi osotiondennyi, ak kobagakta inendet ak koek osotiotab chito age, ko tos ta koweekyigei chichoto kwonyoto kogeny? Tos maimuruoni emonoto mising’? Ago kiiyai kugoinatet koboto chamanik che chang’; ago oweekyage kogeny, mwaei Jehovah.

JEREMIA 3:12

Ui mwachi ng’alechu komostab murot ne bo katam, ilenji, Weege, inye Israel ne kiiweekyige let, mwaei Jehovah; ma ageerok eng’ neregek: amu atinye rirenet, mwaei Jehovah, manerechi agoi.

JEREMIA 3:8

Ak kiageer agobo ng’olyondonito, ye kingo kagoyai Israel ne kiga kogetyigei let, ibetab ge, ko kiaon inendet ak agochi baruetab besiet, ago ma iyweis Juda chepkamennyi kaberberindet; ago kiwa agine koyai kugoinatet.

JEREMIA 31:12

Ak kobwa kotien eng’ ole toror eng’ Sion, ak koroot koba tugul ole mi mieindab Jehovah, ole mi bek, ak divaik, ak mwanik, ak ole mi arekab kechir ak moek: ak koigei sobonwekwak mbaret ne kibisi; ama koarogendos kogeny agot kitigin.

JEREMIA 31:32

ma ko u kayomiset ne kigiyomisge ak kwanisiekwak eng’ betut ne kianamanu ichek amutu komong’ eng’ emetab Misri; kayomisonotonyunet ne king’em ichek, nganda kia manong’otiot eng’ ichek, mwaei Jehovah.

JEREMIA 31:6

Amu biitu betut ye ititendos ribik eng’ tulonok che bo Epraim, kole, Ong’eetye, kebe Sion oldab Jehovah Kamuktaindennyo.

HOSEA 5:15

Aweekyinige anyun oldanyu, agoi kong’any chalwoktanywa, ak kocheng’a: cheng’a eng’ kagiiletab ge eng’ nyalildanywa.

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

ROMANIK 9:27

Ak kimwa Isaia eng’ kutit ne o agobo Israel, kole, Agot ngo koitetab lagokab Israel ko te ng’aniekab nyanjet, kesoru che king’et: