JEREMIA 28:8 - BUKUIT NE TILIL

⁸ Kimaoten maotik che bo keny che kiindounena ak che kiindounenen agobo emotinwek che chang’, ak bounatosiek, agobo luget ak yaitiet, ak koroito.

Bukuit Ne Tilil

⁸ Ki maoten maotik che po keny che ki indounena ak che ki indounenen agobo emotinwek che chaang', ak pounatosyek, agobo lugeet ak yaityet, ak koroito.

BUKUIT NE TILIIL Sireet ne Dutero Kanon

⁸ Ki maoten maotik che po keny che ki indounena ak che ki indounenen agobo emotinwek che chaang', ak pounatosyek, agobo lugeet ak yaityet, ak koroito.

JEREMIA 28:8 ပူးပေါင်းရင်းမြစ်များ

1 LAITORINIK 17:1

Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.

1 LAITORINIK 22:17

Ak kile, Kiageer Israel tugul ko kaiyesta eng’ tulonok ko u kechirek che matinyei mestowot: ak kimwa Jehovah kole, Matinyei chuto kiptaiyat; ingoweek chi tugul kwo gonnyi eng’ kalyet.

1 LAITORINIK 22:8

Ak kilenji laitoriatab Israel Jeosapat, Ta komi chito agenge ne kimuchi keteepse eng’ Jehovah, Mikaia weritab Imla: ago aweche inendet; amu mamaoteni tuguk che miachen agobo ane, kobate yaitiet. Ak kile Jeosapat, Amat komwa laitoriat ko u no.

ISAIAH 13:1

Lautietab Babulon, ne kigeer Isaia weritab Amos.

ISAIAH 13:18

Ak kotonaton kwangokwak murenik; ama tinyei rirge eng’ che kisichei; marire lagok.

AMOS 1:1

Ng’alekab Amos, ne ki agenge eng’ mestowekab Tekoa, che kigeer agobo Israel eng’ betusiekab Usia laitoriatab Juda, ak eng’ betusiekab Jeroboam weritab Joas laitoriatab Israel, eng’ kenyisiek aeng’ kotom kobotan emet.

AMOS 1:2

Kimwa kole, Boriseni Jehovah eng’ Sion, ak kotwegu eng’ Jerusalem; ak koririo ole iyagisie mestowek, ak koyaam walitab Karmel.

JONAH 3:1

Ak kinyonji ng’olyotab Jehovah Jona ne bo aeng’, kolenji,